Agriculture news in marathi; Signs of the cotton growers' mistake | Page 2 ||| Agrowon

कापूस उत्पादकांचा दसऱ्याचा मुहूर्त चुकण्याची चिन्हे

टीम अॅग्रोवन
शनिवार, 21 सप्टेंबर 2019

अकोला  ः ऑगस्टच्या शेवटच्या आठवड्यापासून वऱ्हाडातील कापूस पट्ट्यात सातत्याने पाऊस होत असल्याचा फटका प्री-मॉन्सून कपाशीला जोरदार बसला आहे. कपीशीची पातेगळ मोठ्या प्रमाणात झाली असून आता परिपक्व बोंड्यांवर किडीचा प्रादुर्भाव तसेच बुरशीची वाढ झाल्याने दरवर्षी दसऱ्याला साधला जाणारा पहिल्या वेचणीचा मुहूर्त यंदा लांबण्याची चिन्हे आहेत.
   

अकोला  ः ऑगस्टच्या शेवटच्या आठवड्यापासून वऱ्हाडातील कापूस पट्ट्यात सातत्याने पाऊस होत असल्याचा फटका प्री-मॉन्सून कपाशीला जोरदार बसला आहे. कपीशीची पातेगळ मोठ्या प्रमाणात झाली असून आता परिपक्व बोंड्यांवर किडीचा प्रादुर्भाव तसेच बुरशीची वाढ झाल्याने दरवर्षी दसऱ्याला साधला जाणारा पहिल्या वेचणीचा मुहूर्त यंदा लांबण्याची चिन्हे आहेत.
   
मागील दोन हंगामापासून कापसाला चांगला दर मिळत असल्याने यंदा या पिकाचे सरासरी लागवड क्षेत्र वाढले आहे. अकोला, बुलडाणा या दोन्ही जिल्ह्यांत कापसाचे क्षेत्र मोठे आहे. प्रामुख्याने जूनच्या पहिल्या आठवड्यात पेरणी केलेल्यांना दसऱ्याला दरवर्षी पहिली वेचणी करण्याची संधी उपलब्ध होत असते. 

यावर्षी तशी परिस्थिती नाही. मागील २० ते २५ दिवसांपासून सतत पाऊस, तसेच पावसाळी वातावरण राहत असल्याने कपाशीचे अतोनात नुकसान झाले आहे. लागलेल्या पात्यांची दोन ते तीन वेळा गळ झाली. ज्या बोंड्या पक्व झाल्या त्यावरही अळी तसेच बुरशी आहे. सलग पावसामुळे जमिनीतील ओलाव्याने काही ठिकाणी मुळकूजसुद्धा दिसून येत आहे.
या सर्वच बाबी कापूस उत्पादक शेतकऱ्यांसाठी मारक ठरलेल्या आहे. प्रामुख्याने अकोट, तेल्हारा, जळगाव जामोद, संग्रामपूर, नांदुरा, मलकापूर या कापूस पट्ट्यात पावसाचा यंदा अधिक जोर आहे. गेल्या काही दिवसांत सतत पाऊस होत आहे. या पावसामुळे शेतांमध्ये सलग ओल बनलेली आहे. स्वच्छ सूर्यप्रकाशाअभावी पिके पिवळे पडण्याचेही प्रकार दिसून येत आहेत. 

या कापूस पट्ट्यात दरवर्षी दसऱ्यापासून वेचणीला सुरवात होते. दिवाळीपर्यंत असंख्य शेतकऱ्यांकडे चांगला कापूस आलेला राहतो. सप्टेंबर-ऑक्टोबर महिन्यांत सुरवातीच्या काळात लागवड झालेल्या कापसाचे क्षेत्र परिपक्व बोंड्यांनी लदबदलेले असते. यावर्षी हा मुहूर्त टळण्याचीच दाट शक्यता आहे. वातावरण खुलल्यानंतर पुन्हा कपाशीला पाते लागण्याची प्रक्रिया कधी सुरू होते यावर पुढील उत्पादन अवलंबून आहे.        
 

या भागात काही शेतकऱ्यांच्या शेतात सततच्या पावसामुळे कापूस उत्पादन घटीची शक्यता दिसते. माझे वैयक्तिक पीक चांगले आहे. मात्र, आता पाऊस उघडण्याची नितांत गरज आहे. असे न झाल्यास हाताशी आलेले पीक जाण्याची चिन्हे आहे.
- श्रीकृष्ण शेलकर, कापूस उत्पादक, मोताळा जि. बुलडाणा

आमच्याकडे कपाशीची वाढ मोठी झाली आहे; परंतु झाडांवर पात्या, बोंडांची संख्या नगण्य आहे. पुन्हा नव्याने माल लागल्यानंतरच पीक उत्पादनाची शक्यता वर्तविता येईल.
- श्रीकृष्ण ढगे, कापूस उत्पादक, वरवट बकाल, जि. बुलडाणा

आमची कपाशी सहा ते सात फुटांपर्यंत वाढली. या झाडांच्या तुलनेत फळधारणा नगण्य आहे. कपाशीची पातेगळ मोठ्या प्रमाणात झाली. आता पाऊस उघडण्याची गरज आहे.  
- विशाल भालतिलक, कापूस उत्पादक, बोर्डी, जि. अकोला

 


इतर ताज्या घडामोडी
सांगली जिल्ह्यात खते, बियाण्यांच्या ६९...सांगली :‘कृषी विभागाने जिल्ह्यातील ६९ किटकनाशके,...
परभणी जिल्ह्यात आधार प्रमाणिकरणाचे २९...परभणी : महात्मा जोतिराव फुले शेतकरी कर्जमुक्ती...
सजीव प्रजातींची सर्वमान्य यादी...पृथ्वीवरील सर्व ज्ञात प्रजातींची जागतिक पातळीवर...
नाशिक जिल्ह्यात सोयाबीन बियाणे न...नाशिक : खरिपाच्या सुरुवातीला चांगला पाऊस झाला....
वऱ्हाडात कृषी विक्रेत्यांचा कडकडीत बंदअकोला : सोयाबीन बियाणे न उगवल्या प्रकरणी...
नाशिक जिल्ह्यात कृषी निविष्ठा...नाशिक : कृषी निविष्ठा विक्री केंद्रांवरील...
विदर्भात दहा हजार कृषी केंद्रांना टाळेनागपूर : कृषी विक्रेत्यांच्या न्याय्य...
पुणे जिल्ह्यात कृषी सेवा केंद्रे बंदपुणे : महाराष्ट्र फर्टिलायझर्स, पेस्टीसाईड्स...
सोलापुरात कृषी सेवा केंद्रांचा बंद...सोलापूर : बियाणे उगवणीबाबत झालेल्या तक्रारीच्या...
‘जिल्हा परिषद, ग्रामपंचायत अधिकारी, ...मुंबई : कोरोना विषाणूचा प्रादुर्भाव रोखण्यासाठी...
थेट विक्री बंदीची नोटीस मागे घ्या,...पुणे ः शेतकऱ्यांना पुणे शहरात थेट शेतमाल विक्रीला...
हमाल कोरोनाग्रस्त, जळगावात खतांचे रेक...जळगाव ः मालधक्क्यावर रेल्वे रेक रिकामे करणाऱ्या...
भात रोपवाटिकेत खोडकिडीचा प्रादुर्भावऑक्टोबर, नोव्हेंबरमध्ये खरिपातील भात पीक...
परभणीत भेंडी १२०० ते २००० रुपये...परभणी : ‘‘येथील पाथरी रस्त्यावरील फळे, भाजीपाला...
केळीवरील करपा रोगाचे नियंत्रणसध्या केळी पिकाच्या पील बागेत करपा रोगाचा...
वऱ्हाडातील शेतकऱ्यांचा सोयाबीनकडे अधिक...अकोला ः खरिपातील पेरण्या अंतिम टप्प्यात पोचल्या...
औरंगाबादमध्ये निम्म्याच शेतकऱ्यांची मका...औरंगाबाद  : जिल्ह्यात आधारभूत किमतीने भरड...
नांदेड, परभणी, हिंगोलीतील १२४ मंडळांत...नांदेड  ः नांदेड, परभणी, हिंगोली जिल्ह्यातील...
औरंगाबाद जिल्ह्यात आठवड्यात १५१ खत कृषी...औरंगाबाद : ‘‘कृषी विभाग व जिल्हा परिषद...
दुभत्या जनावरांच्या किमतीतही चाळीस...नगर ः दुधाचे दर कमी-जास्ती झाले की दुभत्या...