agriculture news in marathi, silk procurement stopped in jalna, Maharashtra | Agrowon

जालन्यातील रेशीम कोष खरेदी थांबली
टीम अॅग्रोवन
गुरुवार, 26 एप्रिल 2018

व्यापारी यावेत यासाठी प्रयत्न आहेत. उत्पादनातील घट, दर्जेदार व अपेक्षित कोष न मिळणे हेही व्यापारी न येण्यामागचे कारण असू शकते. थांबलेली खरेदी सुरळीत होण्यासाठी पावले उचलली जातील. जास्त व दर्जेदार रेशीम कोष उत्पादनाच्या काळात बाजारपेठ पूर्ण क्षमतेने सुरू राहील याची काळजी घेतली जाईल. 
- दिलीप हाके, सहायक संचालक, रेशीम, मराठवाडा, औरंगाबाद
 

जालना : येथील प्रायोगिक तत्त्वावरील रेशीम कोष बाजारातील कोष खरेदी थांबली आहे. व्यापारी नसण्यासोबतच बहुतांश रेशीम कोष उत्पादकांनी वाढलेले तापमान, पाणीटंचाई यामुळे कोष उत्पादनाला ब्रेक दिल्याचा परिणाम बाजारपेठेवर दिसतो आहे. व्यापारी कसे येतील यासाठी प्रयत्न सुरू असताना उत्पादकांची गैरसोय होऊ नये म्हणून संपर्क करणाऱ्या शेतकऱ्यांना व्यापारी उपलब्ध होतील तसे कळिवले जाईल व त्यानुसार कोष बाजारात घेऊन येण्याचे सांगितले जात असल्याची माहिती बाजारपेठेतील सूत्रांनी दिली. 

जालना बाजार समितीच्या आवारात रेशीम कोष खरेदीची बाजारपेठ शनिवारी (ता. २१) प्रायोगिक तत्त्वावर सुरू करण्यात आली. पहिल्याच दिवशी दोन हजार दोन किलो रेशीम कोषाची खरेदी करण्यात आली. या कोषाला २०० ते ४७५ रुपये प्रतिकिलोपर्यंतचा दर मिळाला. उद्‌घाटनाला कर्नाटकासह मध्य प्रदेश व महाराष्ट्रातील जवळपास चौदा व्यापाऱ्यांनी कोषाच्या खरेदीसाठी हजेरी लावली. प्रत्यक्षात केवळ सहा व्यापाऱ्यांनी खरेदीच्या एकूण प्रक्रियेत सहभाग नोंदविला. पहिल्या दिवशी कोष खरेदी झाल्यानंतर बाजारपेठ सुरू राहिले, असे वाटत असतानाच व्यापारी खरेदीसाठी आले नाही. 

दुसरीकडे भंडारा जिल्ह्यातील रिलिंग युनिटसाठी लागणारा कोष उपलब्ध असल्याने त्यांना किमान आठवडाभर कोषाची गरज पडणार नाही तर जालन्यातील रिलिंग युनिट अजून सुरू झाले नसल्याची माहिती बाजारपेठेतील सूत्रांनी दिली. त्यामुळे कोष खरेदीसाठी व्यापारीच नसल्याने बाजारपेठेत रेशीम कोष खरेदीला ब्रेक लागला आहे. मराठवाड्यात एप्रिल, मे व जून महिन्यात पाण्याची कमतरता, वाढते तपामान आदी कारणांमुळे मोठ्या प्रमाणात कोष उत्पादन घेणे थांबवितात. त्याचा थेट परिणाम बाजारपेठेवर होत असल्याचे दिसते. व्यापारी जसे उपलब्ध होतील तसे कोष उत्पादक शेतकऱ्यांना कळवून कोषाची खरेदी सुरू केली जाणार असल्याचे सूत्रांनी सांगितले. 

जालना बाजार समितीमध्ये ई-नाम प्रणालीचे साहित्य उपलब्ध असल्याने त्याचा या खरेदी प्रक्रियेत उपयोग करून घेता येईल का याविषयीही चाचपणी केली जात आहे. उन्हाळ्यात कोषाचा दर्जा व उत्पादन अपेक्षित नसणे व त्यामुळे व्यापाऱ्यांनाही मोठ्या प्रमाणात दर्जेदार माल एकाच ठिकाणावरून न मिळणे, शिवाय कर्नाटकातील निवडणुकाही व्यापाऱ्यांच्या येण्यात अडथळा आणत असल्याची माहिती सूत्रांनी दिली. 

पाच कर्मचारी कार्यरत
रेशीम विभागाकडून चार व बाजार समितीचा एक असे पाच कर्मचारी प्रायोगिक तत्त्वावरील रेशीम बाजारपेठ सुरळीत सुरू ठेवण्यासाठी नियुक्‍त करण्यात आले आहे. त्यामध्ये रेशीम विभागाकडून देण्यात आलेले दोन वरिष्ठ तांत्रिक सहायक, एक ज्येष्ठ क्षेत्र सहायक, एक शिपायाचा समावेश आहे.

इतर अॅग्रो विशेष
देशात सोयाबीन लागवडीत ११ टक्के घटनवी दिल्ली : देशातील महत्त्वाच्या सोयाबीन...
भारताची चंद्राला पुन्हा गवसणी;...श्रीहरिकोटा : चंद्राच्या अप्रकाशित भागावर प्रकाश...
महात्मा फुले कृषी विद्यापीठाला देशात...नगर ः नवी दिल्ली येथील भारतीय कृषी संशोधन...
व्यापाऱ्याकडून द्राक्ष उत्पादकांची तीन...नाशिक: ओझर येथील आदित्य अ‍ॅग्रो एक्स्पोर्ट या...
‘कन्या वनसमृद्धी योजने’अंतर्गत शेतकरी...मुंबई : शेतकरी कुटुंबात मुलगी जन्माला आली तर...
ड्रोन तंत्रज्ञानाच्या वापराबाबत `...अकोला ः कृषी क्षेत्रात ड्रोन तंत्रज्ञानाचा...
जमीन सुपीकता जपत दर्जेदार संत्रा...दर्जेदार संत्रा फळांच्या उत्पादनात सातत्य राखत...
केळीत दोन हंगामात कारले पिकाचा प्रयोगजळगाव जिल्ह्यातील करंज येथील रामदास परभत पाटील...
कृषी विभागाकडून परीक्षा शुल्क परतीसाठी...अमरावती ः परीक्षा शुल्क परतीसाठी पोस्टेज खर्च सात...
सूतगिरण्या तीन दिवस बंद करण्याची वेळजळगाव ः चीन, युरोपातील सूत निर्यात जवळपास ठप्प...
राज्यात अवघा २५ टक्के पाणीसाठापुणे : जुलै महिना संपत आला, तरीही पावसाने...
गुरुवारपासून पावसाचा जोर वाढण्याची...पुणे: राज्याच्या बहुतांशी भागांत पावसाने उघडीप...
लावलेली वनवृक्षे जगवावी लागतीलनिसर्गाचा समतोल सातत्याने ढासळत असून, जगभरातच...
खजुराची शेती खुणावतेय विदर्भ आणि मराठवाड्यात सिंचनाच्या फारशा सोयी...
शेळीपालन ते दुग्ध प्रक्रिया ः महिलांनी...नाशिक जिल्ह्यातील सिन्नर हा अवर्षणप्रवणग्रस्त...
सरकारला एवढी कसली घाई?विविध मंत्रालयांसाठी अर्थसंकल्पात केल्या जाणाऱ्या...
एक पाऊल पोषणक्रांतीच्या दिशेनेशे तकऱ्यांचे कष्ट, शास्त्रज्ञांचे प्रयत्न आणि...
आधुनिक तंत्रासह काटेकोर धोरणाने अमेरिकन...पुणेः विविध जागतिक संस्थांनी एकत्र येऊन आफ्रिकी,...
मक्याच्या तुटवड्यामुळे अंडी आणि चिकन...पुणे : दक्षिण भारतासह महाराष्ट्र व मध्य प्रदेशात...
लष्करी अळीमुळे राज्यभरातील शेतकरी त्रस्तपुणेः गेल्या वर्षी भीषण दुष्काळाचा सामना करणाऱ्या...