Agriculture news in Marathi, Sir, solve the orange growers Problems ; Sharad Pawar points out | Agrowon

साहेब, संत्रा उत्पादकांचे प्रश्‍न सोडवा; शरद पवारांकडे मांडल्या व्यथा 

टीम अॅग्रोवन
शुक्रवार, 15 नोव्हेंबर 2019

नागपूर ः ‘‘दुचाकी, कार आणि घर घेण्यासाठी कर्जाचे व्याजदर कमी आहेत. पण, संत्रा लागवड करायची, तर मोठा व्याजदर चुकवावा लागतो. त्यातच कधी पाण्याचा दुष्काळ, तर कधी सुकाळ, यामुळेदेखील संत्रा उत्पादकांच्या अडचणी वाढल्या आहेत. त्या सोडविण्यासाठी तुम्ही पुढाकार घ्यावा,’’ अशी आर्जव संत्रा उत्पादकांनी करताच राष्ट्रवादी कॉंग्रेसचे अध्यक्ष शरद पवार यांनी तत्काळ या विषयावर बैठक घेणार असल्याचे शेतकऱ्यांना सांगत त्यांना दिलासा दिला. 

नागपूर ः ‘‘दुचाकी, कार आणि घर घेण्यासाठी कर्जाचे व्याजदर कमी आहेत. पण, संत्रा लागवड करायची, तर मोठा व्याजदर चुकवावा लागतो. त्यातच कधी पाण्याचा दुष्काळ, तर कधी सुकाळ, यामुळेदेखील संत्रा उत्पादकांच्या अडचणी वाढल्या आहेत. त्या सोडविण्यासाठी तुम्ही पुढाकार घ्यावा,’’ अशी आर्जव संत्रा उत्पादकांनी करताच राष्ट्रवादी कॉंग्रेसचे अध्यक्ष शरद पवार यांनी तत्काळ या विषयावर बैठक घेणार असल्याचे शेतकऱ्यांना सांगत त्यांना दिलासा दिला. 

राज्यात सत्तास्थापनेविषयीच्या घडामोडी रंगल्या असतानाच राष्ट्रवादी कॉंग्रेसचे अध्यक्ष शरद पवार राजकारण्यांच्या डोळ्यांत अंजन घालत अडचणीतील शेतकऱ्यांना दिलासा देण्याकरिता विदर्भाच्या दौऱ्यावर आले आहेत. काटोल तालुक्‍यातील संत्रा, कापूस, तूर उत्पादकांशी त्यांनी गुरुवारी (ता. १४) संवाद साधला. काटोल येथील विक्रम वानखेडे यांच्या संत्राबागेची त्यांनी पाहणी केली. या वेळी १५ लाख रुपयांचे उत्पन्न अपेक्षित होते. परंतु, पावसामुळे फळगळ होत आता सात लाख रुपयांतच व्यापाऱ्याने बाग मागितली, असे विक्रम वानखेडे यांनी सांगितले. 

संत्रा उत्पादक मनोज जवंजाळ यांनी श्री. पवार यांना संत्रा उत्पादनातील विविध टप्प्यांवर येणाऱ्या अडचणी, संत्रा उत्पादकांमध्ये असलेला तांत्रिक माहितीचा अभाव, त्यादृष्टीने कोणत्याच स्तरावरून न होणारे प्रयत्न, संत्रा लागवड करतेवेळी आकारला जाणारा जादा व्याजदर, अशा विविध बाबींची माहिती दिली. संत्रा व्यवस्थापनातील अडचणी जाणून घेण्याकरिता श्री. पवार यांनी शुक्रवारी (ता. १५) शेतकऱ्यांची बैठक घेण्याचे त्याचवेळी जाहीर केले. 

रविनगर येथे सकाळी दहा वाजता ही बैठक होणार आहे. जामगाव फाटा येथे कापूस उत्पादक शेतकऱ्यांनी श्री. पवार यांचा ताफा अडवीत त्यांना खराब झालेली कपाशीची झाडे दाखविली. आम्हाला भरीव मदतीची अपेक्षा असल्याचे या शेतकऱ्यांनी पाणावलेल्या डोळ्यांनी सांगितले. दिवसभराच्या या व्यस्त दौऱ्यात श्री. पवार यांनी धान उत्पादकांशीदेखील संवाद साधत नुकसानीची माहिती घेतली. या वेळी त्यांच्यासोबत आमदार अनिल देशमुख, प्रकाश गजभिये, माजी आमदार आशिष देशमुख, सुनील शिंदे होते. 

साहेब, मदत राहू द्या, कर्जमाफीच करा... 
धारगाव येथील सुधीर परनाटे यांच्या कपाशीची पाहणी श्री. पवार यांनी केली. त्या वेळी शेतकऱ्याने, ‘साहेब, तुमच्या पक्षाच्या नेतृत्वात सरकार लवकरात लवकर स्थापन करा. शेतकऱ्यांना तुम्हीच न्याय देऊ शकता. त्यामुळे तुमच्याकडून आम्हाला पीकनुकसानीसाठी तात्पुरत्या मदतीऐवजी सरसकट कर्जमाफीची अपेक्षा आहे,’ असे सांगितले. श्री. पवार यांनी या वेळी कपाशीच्या व्यवस्थापनावरील एकूण खर्च तसेच मिळणारे उत्पन्न याविषयी माहिती घेतली. 
 


इतर ताज्या घडामोडी
मधमाशीला हानिकारक कीटकनाशके टाळा : आर....‌अंबाजोगाई : ‘‘शेतकऱ्यांनी मधमाश्यांच्या जाती...
परभणी जिल्ह्यात साडेसहा हजारांवर...परभणी : जिल्ह्यात यंदाच्या रब्बी हंगामात...
सोलापूर : कांदा लिलाव बंद पाडण्याचा डाव...सोलापूर : सोलापूर बाजार समितीमध्ये गेल्या काही...
कोल्हापूर : शेती, घरांच्या नुकसानीसाठी...कोल्हापूर : जिल्ह्यातील अतिवृष्टी आणि...
विज्ञान, अध्यात्माच्या ताकदीने देश विश्...कुंडल, जि. सांगली :  ज्ञान, विज्ञान, संगणक व...
संत्र्याचे विपणनाचे जाळे विणण्याची गरज...अमरावती  ः सांघिक तत्त्वावर संत्रा...
फडणवीसांविरोधात पक्षांतर्गत नाराजांची...मुंबई ः भाजपवर विरोधी पक्षात बसण्याची नामुष्की...
कृषी पदवीधर तरूणांनी समाजासाठी काम...नगर : ‘‘देशात प्रामाणिकपणे काम केलेले अनेक शेतकरी...
फडणवीस सरकारची ३१० कोटींची हमी रद्द...मुंबई ः शिवसेना, काँग्रेस आणि राष्ट्रवादीने एकत्र...
आचारसंहितेपूर्वीच्या निर्णयांची...मुंबई ः विधानसभा निवडणुकीची आचारसंहिता लागू...
पुणे जिल्ह्यात भातकाढणी अंतिम टप्प्यातपुणे ः पावसाने उघडीप दिल्यानंतर शेतकऱ्यांनी...
पश्‍चिम महाराष्ट्रात...पुणे ः पश्‍चिम महाराष्ट्रातील अतिवृष्टी आणि...
सातारा जिल्ह्यातील सर्व शेतकरी संघटना...कऱ्हाड, जि. सातारा ः राजकीय पक्षांचा आदर्श घेऊन...
नगर जिल्ह्यात रोजगार हमीच्या कामावर सात...नगर ः नगर जिल्ह्यामध्ये आता रोजगार हमी योजनेच्या...
चंद्रशेखर भडसावळे यांना मार्टचा ‘फादर...खडकवासला, जि. पुणे : कृषी पर्यटन संकल्पनेचे...
देशी कापूस संशोधन केंद्राचा उद्या...परभणी: वसंतराव नाईक कृषी विद्यापीठाच्या...
गांडूळखत अर्क निर्मितीसेंद्रिय शेतीमध्ये गांडुळे व गाडूळखताचे मोठे...
राज्यात काकडीला ५०० ते २००० रुपये दरअकोला येथील बाजारात गुरुवारी (ता. ५) काकडीची...
मंत्रिमंडळाचा विस्तार २१ डिसेंबरनंतरचमुंबई : राज्य मंत्रिमंडळाचा विस्तार २१...
केंद्राने कांदा साठवणूक मर्यादा ५०...नाशिक : गेल्या सप्टेंबर महिन्याच्या अखेरीस...