Agriculture news in Marathi, Six candidates in 12 constituencies | Page 2 ||| Agrowon

नगर जिल्ह्यातील बारा मतदारसंघांत ११६ उमेदवार रिंगणात

टीम अॅग्रोवन
गुरुवार, 10 ऑक्टोबर 2019

नगर : नगर जिल्ह्यातील बारा विधानसभा मतदारसंघांमध्ये उमेदवारी अर्ज माघारी घेतल्यानंतर आता ११६ उमेदवार रिंगणात राहिले आहेत. त्यामुळे बाराही विधानसभा मतदारसंघांतील लढतीचे चित्र स्पष्ट झाले आहे. अपक्ष आणि अन्य पक्षांच्या उमेदवारांची संख्या जास्त असली तरी बहुतांशी ठिकाणी शिवसेना- भाजप महायुती व काँग्रेस- राष्ट्रवादी आघाडीचे उमेदवारातच लढत होत असल्याचे दिसत आहे. सर्वाधिक उमेदवार नेवासा विधानसभा मतदारसंघात आहेत. 

नगर : नगर जिल्ह्यातील बारा विधानसभा मतदारसंघांमध्ये उमेदवारी अर्ज माघारी घेतल्यानंतर आता ११६ उमेदवार रिंगणात राहिले आहेत. त्यामुळे बाराही विधानसभा मतदारसंघांतील लढतीचे चित्र स्पष्ट झाले आहे. अपक्ष आणि अन्य पक्षांच्या उमेदवारांची संख्या जास्त असली तरी बहुतांशी ठिकाणी शिवसेना- भाजप महायुती व काँग्रेस- राष्ट्रवादी आघाडीचे उमेदवारातच लढत होत असल्याचे दिसत आहे. सर्वाधिक उमेदवार नेवासा विधानसभा मतदारसंघात आहेत. 

विधानसभा निवडणुकीसाठी २१ ऑक्टोबर रोजी मतदान होत आहे. नगर जिल्ह्यातील बाराही मतदारसंघात अर्ज माघारी घेतल्यानंतर चित्र स्पष्ट झाले आहे. नगर विधानसभा मतदारसंघात विद्यमान आमदार संग्राम जगताप यांच्यासह माजी मंत्री अनिल राठोड, वंचित बहुजन आघाडीचे किरण काळे यांच्यासह १२ उमेदवार रिंगणात आहेत. अकोले विधानसभा मतदारसंघांमध्ये आमदार वैभव पिचड, जिल्हा परिषद सदस्य किरण लहामटे यांच्यासह ४ उमेदवार रिंगणात आहेत. 

संगमनेर विधानसभा मतदारसंघांमध्ये काँग्रेसचे प्रदेशाध्यक्ष बाळासाहेब थोरात, शिवसेना-भाजप महायुतीचे साहेबराव नवले यांच्यासह आठ उमेदवार रिंगणात असून, शिर्डी विधानसभा मतदारसंघांमध्ये मंत्री राधाकृष्ण विखे पाटील, काँग्रेसकडून सुरेश थोरात यांच्यासह पाच उमेदवार निवडणूक लढवत आहेत. कोपरगाव विधानसभा मतदारसंघांमध्ये आमदार स्नेहलता कोल्हे, राष्ट्रवादीचे आशितोष काळे यांच्यासह १४ उमेदवार निवडणूक लढवत आहेत. येथे नगराध्यक्ष विजय वहाडणे व जिल्हा परिषद सदस्य आणि मंत्री राधाकृष्ण विखे पाटील यांचे मेहुणे राजेश परजणे अपक्ष रिंगणात आहेत. 

श्रीरामपूर विधानसभा मतदारसंघांमध्ये आमदार भाऊसाहेब कांबळे, काँग्रेसकडून जिल्हा परिषदेचे माजी उपमुख्य कार्यकारी अधिकारी लहू कानडे यांच्यासह ११ उमेदवार रिंगणात आहेत. नेवासा विधानसभा मतदारसंघांमध्ये आमदार बाळासाहेब मुरकुटे, माजी आमदार शंकरराव गडाख यांच्यासह तब्बल १७ उमेदवार रिंगणात आहेत. 

शेवगाव-पाथर्डी विधानसभा मतदारसंघांमध्ये आमदार मोनिका राजळे, प्रताप ढाकणे यांच्यासह नऊ उमेदवार रिंगणात आहेत. तर राहुरी विधानसभा मतदारसंघांमध्ये आमदार शिवाजी कर्डिले, प्राजक्त तनपुरे यांच्यासह ७ उमेदवार रिंगणात आहेत. पारनेर विधानसभा मतदारसंघांमध्ये विधानसभेचे उपाध्यक्ष विजय औटी, राष्ट्रवादीकडून नीलेश लंके यांच्यासह सहा उमेदवार रिंगणात असून, श्रीगोंदा विधानसभा मतदारसंघांमध्ये माजी मंत्री, बबनराव पाचपुते, राष्ट्रवादीकडून घनशाम शेलार यांच्यासह ११ उमेदवार रिंगणात आहेत. 

जामखेड विधानसभा मतदारसंघात पालकमंत्री राम शिंदे आणि राष्ट्रवादीकडून रोहित पवार यांच्यासह १२ उमेदवार रिंगणात आहेत. या मतदारसंघात राष्ट्रवादी काँग्रेसचे अध्यक्ष शरद पवार यांचे नातू रोहित पवार निवडणूक लढवत असल्यामुळे नगरसह राज्याचे या लढतीकडे लक्ष लागले आहे. सर्व मतदारसंघांत उमेदवारांची संख्या जास्त असली तरी राष्ट्रवादी काँग्रेस शिवसेना-भाजप यांच्या उमेदवारातच लढत होणार असल्याचे स्पष्ट झाले आहे.


इतर ताज्या घडामोडी
बोंडारवाडी धरणप्रश्नी मेढा येथे आंदोलनमेढा, जि. सातारा : बोंडारवाडी धरण झालेच पाहिजे,...
ज्वारी उत्पादन यंदाही आतबट्ट्यातचनगर ः दोन वर्षं दुष्काळाच्या झळा सोसल्यानंतर यंदा...
जांभुळणी तलावाच्या कालव्याला गळतीखरसुंडी, जि. सांगली : जांभुळणी (ता. आटपाडी) येथील...
महिला शक्‍तीतूनच नवसमाजाची जडणघडण  ः...अमरावती  ः ‘जिच्या हाती पाळण्याची दोरी ती...
सोलापूर जिल्ह्यातील पाच नळपाणी योजना...सोलापूर : प्रादेशिक पाणीपुरवठा योजनेचे पाणी...
परभणी जिल्ह्यात फळबागेची ६३९ हेक्टरवर...परभणी : यंदा सिंचन स्त्रोतांना पाणी उपलब्ध आहे....
आंबेगाव तालुक्यात प्रतिकूल हवामानामुळे...निरगुडसर, जि. पुणे ः यंदा हवामानातील बदल व...
नगर जिल्ह्यात ४८ हजार हेक्टरवर चारा...नगर : जिल्ह्यात यंदा पाण्याची बऱ्यापैकी...
जळगाव जिल्ह्यात तूर विक्रीबाबत ८००...जळगाव  ः जिल्ह्यात यंदा झालेल्या अतिवृष्टीने...
पपई १४.५५ रुपये प्रतिकिलो शहादा, जि. नंदुरबार  : पपई उत्पादक शेतकरी व...
शेतीपंपांचा वीज वापर १६ टक्के; दाखविला...अकोला  ः शेतीपंपांचा वीज वापर १६ टक्केच होत...
कोल्हापुरात गवार, घेवड्याच्या दरात...कोल्हापूर : येथील कृषी उत्पन्न बाजार समितीत या...
सोलापुरात द्राक्ष, डाळिंबाला उठाव, दर...सोलापूर : सोलापूर कृषी उत्पन्न बाजार समितीच्या...
नगर जिल्ह्यात ज्वारीची आवक वाढली, दरात...नगर : नगर कृषी उत्पन्न बाजार समितीत गेल्या...
पुणे विभागात गव्हाचा १ लाख ६८ हजार...पुणे  ः पुणे विभागात गव्हाच्या पेरण्या...
खासदार औद्योगिक महोत्सवाच्या माध्यमातून...नागपूर  ः खासदार औद्योगिक महोत्सवाच्या...
अकोला कृषी विद्यापीठात विद्यार्थ्यांचे...अकोला  : ‘कृषी’चे पदव्युत्तर शिक्षण हे...
तीन जिल्ह्यांत तूर विक्रीसाठी २९...नांदेड  ः मराठवाड्यातील नांदेड, परभणी,...
आळसंद येथील पशुवैद्यकीय दवाखाना उद्‌...आळसंद, जि. सांगली : आळसंद (ता. खानापूर) येथे...
तीन जिल्ह्यांत सतरा लाख ४१ हजार क्विंटल...नांदेड  ः नांदेड, परभणी, हिंगोली जिल्ह्यांत...