agriculture news in Marathi, six sugar factories shut down, Maharashtra | Agrowon

सहा कारखान्यांची धुराडी थंडावली

टीम अॅग्रोवन
शनिवार, 23 मार्च 2019

औरंगाबाद  : मराठवाडा व खानदेशातील पाच जिल्ह्यांतील यंदाच्या गाळप हंगामात सहभाग घेतलेल्या २३ साखर कारखान्यांपैकी सहा साखर कारखान्यांची धुराडी थंडावली आहेत. त्यामध्ये बीड, नंदुरबारमधील प्रत्येकी दोन, तर जालना व जळगावमधील प्रत्येकी एका कारखान्याचा समावेश आहे. 

औरंगाबाद  : मराठवाडा व खानदेशातील पाच जिल्ह्यांतील यंदाच्या गाळप हंगामात सहभाग घेतलेल्या २३ साखर कारखान्यांपैकी सहा साखर कारखान्यांची धुराडी थंडावली आहेत. त्यामध्ये बीड, नंदुरबारमधील प्रत्येकी दोन, तर जालना व जळगावमधील प्रत्येकी एका कारखान्याचा समावेश आहे. 

यंदाच्या ऊस गाळप हंगामात औरंगाबाद, जालना जिल्ह्यातील प्रत्येकी पाच, बीडमधील सात, जळगाव व नंदूरबारमधील प्रत्येकी तीन साखर कारखान्यांचा समावेश होता. सर्व २३ साखर कारखान्यांनी २१ मार्चअखरेपर्यंत ८२ लाख १४ हजार ९२८ टन उसाचे गाळप करत सरासरी १०.४४ टक्‍के साखर उताऱ्याने ८५ लाख ७५ हजार ७१८ क्‍विंटल साखरेचे उत्पादन केले. नंदुरबार जिल्ह्यातील तीन साखर कारखान्यांनी  ९ लाख ९९ हजार १०८ टन उसाचे गाळप करत सरासरी १०.४ टक्‍के साखर उताऱ्याने १० लाख ३९ हजार १४२ क्‍विंटल साखरेचे उत्पादन केले. 
जवळपास साडेचार महिने चाललेल्या गाळप हंगामानंतर नंदुरबारमधील सातपुडा तापी व आदिवासी सहकारी साखर कारखान्यांचा गाळप हंगाम अनुक्रमे १० व २० मार्चला गुंडाळला आहे. 

जळगाव जिल्ह्यात यंदा तीन साखर कारखान्यांनी गाळपात सहभाग घेतला. या कारखान्यांनी ४ लाख ५१ हजार ९०७ टन उसाचे गाळप करत सरासरी ९.८१ टक्‍के साखर उताऱ्याने ४ लाख ४३ हजार ३२१ क्‍विंटल साखरेचे उत्पादन केले. या तीन कारखान्यांपैकी संत मुक्‍ताबाई शुगर ॲँड एनर्जी या १ नोव्हेंबर २०१८ ला गाळप सुरू झालेल्या कारखान्याचा हंगाम १७ मार्चला आटोपला आहे. जालना जिल्ह्यातील पाच साखर कारखान्यांनी १९ लाख ७६ हजार ७४ टन उसाचे गाळप करत सरासरी ११.०१ टक्‍के साखर उताऱ्याने २१ लाख ७६ हजार ११० क्‍विंटल साखरेचे उत्पादन केले. या पाच कारखान्यांपैकी रामेश्वर सहकारी साखर कारखान्याचा गाळप हंगाम १९ फेब्रुवारीलाच उरकला आहे. 

बीड जिल्ह्यातील सात कारखान्यांनी यंदा ३२ लाख ५४ हजार ६१२ टन उसाचे गाळप करत सरासरी १०.०५ टक्‍के साखर उताऱ्याने ३२ लाख ७० हजार २१० क्‍विंटल साखरेचे उत्पादन केले. या सात साखर कारखान्यांपैकी जय महेश एनएसएल व अंबाजोगाई सहकारी साखर कारखान्याचा गाळप हंगाम अनुक्रमे १९ व ३ मार्चला गुंडाळला आहे. औरंगाबाद जिल्ह्यातील पाच कारखान्यांनी १५ लाख ३३ हजार २२५ टन उसाचे गाळप करत सरासरी १०.७४ टक्‍के साखर उताऱ्याने १६ लाख ४६ हजार ९३५ क्‍विंटल साखरेचे उत्पादन घेतल्याची माहिती साखर विभागाच्या सूत्रांनी दिली.


इतर अॅग्रो विशेष
सोयाबीन दर विक्रमी पातळी गाठण्याचे संकेतनवी दिल्ली : देशातील महत्त्वाच्या सोयाबीन...
`उज्ज्वला` योजनेत मोठा भ्रष्टाचारनवी दिल्ली (वृत्तसंस्था) : पंतप्रधान नरेंद्र मोदी...
गारठा पुन्हा वाढणारपुणे  ः राज्यात अंशतः ढगाळ हवामान असून...
पूरबाधित ऊस तोडीस कारखान्यांकडून टाळाटाळपुणे  ः राज्यातील गाळप हंगाम सुरू होऊन...
नाशिक जिल्ह्यात द्राक्षमणी पोखरणाऱ्या...नाशिक  : जिल्ह्यात द्राक्ष पीक फुलोरा व मणी...
मराठवाड्यातील ५५ प्रकल्प कोरडेचऔरंगाबाद : ऑक्‍टोबरमधील पावसाने दुष्काळाने...
पंजाबचे पशुपालक वापरतात सुधारित तंत्रलुधियाना (पंजाब) येथे प्रोग्रेसिव्ह डेअरी...
शेती, दुग्धव्यवसायाने बनविले...कोल्हापूर जिल्ह्यातील शेळेवाडी (ता. राधानगरी)...
म्हणे शेतात, पीक असल्याने वीज जोडणीस...अमरावती  ः शेतात पीक असल्यामुळे शेतकरी वीज...
देशी गोसंगोपन, गांडूळखतासह दूध...सातारा जिल्ह्यातील कोपर्डे हवेली (ता. कऱ्हाड)...
दर्गनहळ्ळी येथे वाढलाय पक्ष्यांचा...सोलापूर : पूर्वी सूर्यकिरणांसोबतच पक्ष्यांचा...
अवकाळी पावसामुळे बाधितांसाठी साडेचार...मुंबई : ऑक्टोबर, नोव्हेंबर महिन्यांतील अवकाळी...
डाळिंब बियाच्या तेलापासून ‘सॉफ्टजेल...सोलापूर ः येथील राष्ट्रीय डाळिंब संशोधन केंद्राने...
मध्य महाराष्ट्र, मराठवाडा, विदर्भात...पुणे  ः मध्य महाराष्ट्र, मराठवाडा व...
आव्हाने खूप सारी, तरीही मधमाशीपालनात...नाशिक येथे पूर्वा केमटेक या कंपनीतर्फे नुकताच...
आकस्मिकता निधीच्या मर्यादेत तात्पुरत्या...मुंबई : महाराष्ट्र आकस्मिकता निधीच्या...
खासगी प्रवासी बसमधून शेतमाल वाहतुकीला...सोलापूर : राज्याच्या ग्रामीण भागातून मुंबई,...
राज्यात बोरं ८०० ते ४००० रुपये...सोलापूर : सोलापूर कृषी उत्पन्न बाजार समितीच्या...
विदर्भात वादळी पावसाची शक्यता पुणे ः विदर्भाच्या काही भागांत हवामान ढगाळ आहे....
मूळ समस्यांशी थेट भिडावे लागेल ऑगस्टपर्यंत पावसाची वाट पाहणारा शेतकरीवर्ग...