agriculture news in marathi Slight improvement in cotton prices in Marathwada | Agrowon

मराठवाड्यात कापसाच्या दरात किंचित सुधारणा

टीम अॅग्रोवन
मंगळवार, 24 नोव्हेंबर 2020

औरंगाबाद : खासगीत कापूस खरेदीचे दर किंचित सुधारलेले असल्याचे चित्र आहे. तरीही कापसाची खासगी खरेदी शासनाच्या हमी दरांपेक्षा कमीच असल्याचे चित्र आहे.

औरंगाबाद : खासगीत कापूस खरेदीचे दर किंचित सुधारलेले असल्याचे चित्र आहे. तरीही कापसाची खासगी खरेदी शासनाच्या हमी दरांपेक्षा कमीच असल्याचे चित्र आहे. त्यामुळे तत्काळ प्रभावाने शासनाचे हमी दराने कापूस खरेदी केंद्रे सुरू होण्याची अपेक्षा शेतकरी व्यक्त करीत आहेत.

यंदा मराठवाड्यात कपाशीचे सर्वसाधारण क्षेत्र १५ लाख ९४ हजार ३०१ हेक्टर होते. प्रत्यक्षात सर्वसाधारण क्षेत्राच्या तुलनेत ९२ टक्के अर्थात १४ लाख ६१ हजार ३३५ हेक्‍टरवर कपाशीची लागवड झाली. त्यात लातूर जिल्ह्यातील ८२७५ हेक्टर, उस्मानाबाद ८००१ हेक्टर, नांदेड २ लाख १४ हजार ४८७ हेक्टर, परभणी १ लाख ७६ हजार ५०१ हेक्टर, हिंगोली ३८ हजार ७९८ हेक्टर, औरंगाबाद ३ लाख ९१ हजार  २६१ हेक्टर, जालना ३ लाख ५ हजार ८६३ हेक्टर, तर बीड जिल्ह्यातील ३ लाख १८ हजार १४९ हेक्‍टरवरील कपाशी पिकाचा समावेश आहे. 

सतत व अति पावसामुळे यंदा इतर पिकांबरोबरच कपाशीची अवस्थाही बिकट झाली आहे. गुलाबी बोंड अळी, दहिया आदी बरोबरच बोंडसडीने कपाशीच्या उत्पादनात निम्म्यापेक्षा जास्त फटका बसला आहे. लांबलेल्या पावसाने वेचणीला आलेल्या कापसाच्याही वाती करण्याचे काम केले. त्यामुळे चांगल्या उत्पादन झालेल्या कापसाला तरी निदान हमी दराने खरेदी केली जाईल, या आशेवर उत्पादक कापूस खरेदी केंद्र सुरू होण्याची वाट पाहत आहेत. 

प्राप्त माहितीनुसार सद्यस्थितीत औरंगाबाद, जालना, बीड आदी जिल्ह्यांत खासगीत कापसाचे खरेदी दर ५००० ते ५४०० रुपये प्रति क्विंटलपर्यंत असल्याची माहिती शेतकरी व जाणकारांनी दिली. शासनाचा खरेदी दर मात्र ५७०० ते ५८०० रुपये प्रतिक्विंटल दरम्यान आहे. हमी दराने कापूस खरेदीसाठी ऑनलाइन नोंदणी सुरू असली, तरी अनेकदा नोंदणीची साईट बंद असल्याने किंवा ग्रामीण भागात नेट मिळत नसल्याने शेतकऱ्यांना ऑनलाइन नोंदणी करणे शक्य होत नसल्याची माहिती कापूस उत्पादक शेतकऱ्यांनी दिली.  

‘मराठवाड्यात ४४ केंद्रे सुरू’

मराठवाड्यात ४४ केंद्रे सुरू केल्याची माहिती सीसीआय कार्यालयाच्या वतीने देण्यात आली. आणखी तीन ते चार केंद्रे सुरू होणे अपेक्षित असल्याचेही सूत्रांनी सांगितले.

महाराष्ट्र राज्य कापूस पणन महामंडळाच्या वतीने औरंगाबाद विभागात तीन व बीड विभागात तीन अशा सहा केंद्रांवर हमी दराने कापूस खरेदीची तयारी करण्यात आली. परंतु, प्रत्यक्षात या तयारीला आदेशाची प्रतीक्षा असल्याची माहिती सूत्रांनी दिली.


इतर बातम्या
बीजमाता राहीबाई पोपेरे करणार लोकसभा...अकोले, जि. नगर : पारंपरिक बियाण्यांची जोपासना...
तूर विक्रीसाठी ३९८० शेतकऱ्यांची नोंदणीपरभणी ः यंदाच्या खरीप हंगामात (२०२०-२१) आधारभूत...
लातूर येथे बुधवारी जवस पीक प्रात्यक्षिकपरभणी ः लातूर येथील गळीतधान्‍ये संशोधन केंद्र...
कृषी यंत्रणेला तत्पर करणार ः धीरजकुमारऔरंगाबाद : मराठवाड्यासह राज्यातील कृषी विस्तार व...
कृषी विद्यापीठ तंत्रज्ञानाचा वापर करा...नाशिक : शेतकऱ्यांच्या विकासासाठी सातत्याने कृषी...
नगरमध्ये कावळे ‘बर्ड फ्लू’ बाधितनगर ः श्रीगोंदा तालक्यातील भानगाव शिवारात मृत...
नाशिकमध्ये ‘बर्ड फ्लू’च्या देखरेखीसाठी...नाशिक : राज्यातील विविध भागांमध्ये ‘बर्ड फ्लू’चा...
गोसेखुर्दच्या कामात हयगय नको : नितीन...नागपूर : तीन दशकांपेक्षा अधिक काळ लोटूनही...
ट्रॅक्टर मोर्चाबाबत आज सर्वोच्च...नवी दिल्ली : दिल्लीच्या सीमेवर आंदोलन करीत...
पावसमधील आंब्याच्या तीन बागांमध्ये...रत्नागिरी : ढगाळ वातावरणामुळे आंबा बागांमध्ये...
ऊसतोडणीचा प्रश्‍न गंभीर नाशिक : गेल्या काही वर्षांपासून जिल्ह्यातील निफाड...
कृषी पंढरीतील यात्रेची उत्सुकता शिगेला माळेगाव, बारामती ः येथील कृषी पंढरीत आजपासून (ता....
‘पोकरा’ अनुदानातून अनेक घटक वगळले पुणे : नानाजी देशमुख कृषी संजीवनी प्रकल्पातून (...
कृषी आयुक्‍त थेट बांधावर औरंगाबाद : कृषी विभागाच्या क्षेत्रीय भेट व आढावा...
ठिकठिकाणी ढगाळ वातावरण पुणे ः मागील दोन दिवसांपासून अरबी समुद्राच्या...
समविचारी शेतकऱ्यांचे राष्ट्रीय संघटन...नागपूर ः शेती प्रश्‍नांच्या सोडवणुकीसाठी...
कृषी कायदे शेतकऱ्यांना गुलाम करणारे :...नागपूर : केंद्रातील भाजप सरकारने लोकशाही आणि...
बारामतीमध्ये उद्यापासून कृषी तंत्रज्ञान...माळेगाव, बारामती ः अॅग्रिकल्चरल डेव्हलमेंट ट्रस्ट...
कोरोना लसीकरण क्रांतिकारक पाऊल : ...मुंबई : कोरोना लसीकरणाचा आजचा कार्यक्रम हे एक...
सातारा जिल्ह्यात रब्बीची ९५ टक्के...सातारा : जिल्ह्यातील रब्बी हंगामातील पेरणीची कामे...