नगर जिल्ह्यात कांद्याची आवक मंदावली; दरात वाढ

नगर जिल्ह्यात कांद्याची आवक मंदावली; दरात वाढ
नगर जिल्ह्यात कांद्याची आवक मंदावली; दरात वाढ

नगर : जिल्ह्यामधील बाजार समितीत जिल्ह्यातील पारनेर, राहाता, अकोले, राहुरी बाजार समित्यांमध्ये कांद्याची आवक मंदावली आहे. आवक मंदावली असली तरी दरात शंभर रुपयांनी वाढ झाली आहे. खरिपाच्या तोंडावर कांद्याची आवक वाढण्याचा अंदाज व्यक्त केला जात आहे.

मागील आठवड्यात कांद्याची आवक वाढल्याने भावात घट झाली होती. या वेळी आवक घसरली असून, भावात वाढ झाली आहे. पारनेरमध्ये सहा हजार ५३८, राहुरीत नऊ हजार ७२१, अकोल्यात तीन हजार ६७५, राहात्यात तेरा हजार ६७५, अशी एकूण २३ हजार ५५४ कांदागोण्यांची आवक झाली. जिल्ह्यातील बाजार समित्यांमध्ये स्थानिक व्यापाऱ्यांसह कर्नाटक, आंध्र प्रदेश आदी ठिकाणांहून व्यापारी कांदाखरेदीसाठी आले होते.

नगर जिल्ह्यातील बाजार समित्यातील शनिवारी मिळालेले दर

  • पारनेर ः क्रमांक एक ः १ हजार ते १२५०, दोन ः ८०० ते १ हजार, तीन ः ५०० ते ८००. जोड कांदा २०० ते ३००.
  • राहुरी ः क्रमांक एक ः ८५० ते १०५०, दोन ः ५५० ते ८२५, तीन ः १५० ते ५००, गोल्टी कांदा ः ३०० ते ६००.
  • अकोले ः क्रमांक एक ः ९०१ ते १२५१, दोन ः ६५१ ते ९००, तीन ः ४५१ ते ६५०, गोल्टी कांदा ४५१ ते ६५०, खाद १५० ते ३००.
  • राहाता ः क्रमांक एक ः ९०० ते ११००, दोन ६०० ते ८५०, तीन ः ३०० ते ५५०, गोल्टी कांदा ः ७०० ते ८००, जोड कांदा ः २०० ते ३००
  • Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

    ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

    Related Stories

    No stories found.
    Agrowon
    agrowon.esakal.com