कोल्हापूर जिल्ह्यात वाफशाअभावी रब्बी पेरण्या संथपणे

कोल्हापूर जिल्ह्यात वाफशाअभावी रब्बी पेरण्या संथपणे
कोल्हापूर जिल्ह्यात वाफशाअभावी रब्बी पेरण्या संथपणे

कोल्हापूर : गेल्या दोन महिन्यांपासून सातत्याने पडणाऱ्या पावसाचा परिणाम रब्बी हंगामावर होणार आहे. हा हंगाम लांबणीवर पडणार आहे. नोव्हेंबर महिना सुरू झाला, तरी अद्यापही खरीप पिकांची कापणीच सुरू आहे. त्यामुळे यंदाचा रब्बी हंगाम किमान महिनाभर उशिरा सुरू होईल, अशी अपेक्षा आहे. पूर्व भागातील काही भागांचा अपवाद वगळता पश्‍चिमेकडील भागात अद्यापही रब्बीच्या हालचाली सुरू झाल्या नसल्याची स्थिती आहे. 

गेल्या आठ दिवसांपासून जिल्ह्यात अवकाळी पावसाने काहीशी विश्रांती घेतली आहे. पंधरा दिवस सातत्याने पाऊस झाल्याने परिपक्व झालेल्या भाताची खाचरे अद्यापही पाण्यात आहेत. अनेक ठिकाणी भात पक्व होऊन आडवे होत असल्याने शेतकरी कच्च्या वाफशातच शक्‍य तितका भात मळणी करण्याचा प्रयत्न करीत आहेत. यामुळे आणखी पंधर दिवस तरी भाताची मळणी पूर्ण होइल. त्यानंतरच रब्बीकडे शेतकरी वळेल, असे चित्र आहे. खरीप हंगाम लांबल्याने आता याचा परिणाम ज्वारी, गहू, मका या पिकांच्या पेरणीवर होणार आहे. रब्बी हंगामात साधारणत तीस हजार हेक्‍टर क्षेत्रावर पिकांचे उद्दिष्ट आहे. 

आत्तापर्यंत केवळ पाच टक्क्‍यांपर्यंत रब्बीच्या पेरण्या झाल्या आहेत. वाफसा स्थिती नसणे हेच एकमेव कारण रब्बीच्या पेरण्या लांबण्यावर झाल्याचे कृषी विभागाच्या सूत्रांनी सांगितले. सध्या पहिले आव्हान वाफसा स्थिती आणण्याचे असल्याचे शेतकऱ्यांनी सांगितले. जो भाग उंचावर आहे, ज्या भागातील खरीप कापणी संपली आहे, अशा ठिकाणी शेतकरी रब्बीची मशागत करून पेरणी करण्याच्या प्रयत्नात आहेत. परंतु, अद्याप म्हणावी तशी गती येत नसल्याने परत पाऊस न झाल्यास येत्या पंधरा दिवसांत रब्बीच्या पेरण्या वेगात सुरू होतील, असा अंदाज आहे. सध्या ऐन रब्बी हंगामात खरीप काढणीतच शेतकरी गुंतला असल्याचे चित्र आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com