Agriculture News in Marathi For smooth power supply Morcha on Mahavitaran in Kurundwad | Page 3 ||| Agrowon

सुरळीत वीजपुरवठ्यासाठी  कुरुंदवाडमध्ये महवितरणवर मोर्चा 

टीम अॅग्रोवन
बुधवार, 22 सप्टेंबर 2021

महापूर ओसरून दीड महिना झाला असून, शेतातील नव्या ऊस लागणीसह विविध पिकांसाठी पाण्याची आवश्यकता असतानाही महावितरणकडून शेतीपंपाचा वीजपुरवठा सुरळीत न झाला नाही. 

कोल्हापूर : महापूर ओसरून दीड महिना झाला असून, शेतातील नव्या ऊस लागणीसह विविध पिकांसाठी पाण्याची आवश्यकता असताना अजूनही महावितरणकडून शेतीपंपाचा वीजपुरवठा सुरळीत न झाल्याने सोमवारी (ता.२१) कुरुंदवाड परिसरातील संतप्त शेतकऱ्यांनी येथील वीज वितरण कार्यालयावर मोर्चा काढून दरवाजात ठिय्या मारला. अधिकाऱ्यांना रोखून धरत घेराव घातला व प्रश्‍नांची सरबत्ती केली. 

कार्यकारी अभियंता सिकंदर मुलाणी, उपअभियंता तेजश्री साजणीकर यांनी शेतकऱ्यांच्या व्यथा ऐकून घेत लवकरच ट्रान्‍स्‍फॉर्मर बसवून वीजपुरवठा सुरू करू, असे आश्‍वासन दिल्यानंतर असता आंदोलन स्थगित केले. मागण्यांची पूर्तता न झाल्यास आंदोलन तीव्र करणार असल्याचा इशारा स्वाभिमानी शेतकरी संघटनेचे कार्यकर्ते विश्‍वास बालिलिघाटे यांनी दिला. 

जुलैमध्ये आलेल्या महापुराने वीजेचे ट्रान्‍स्‍फार्मर पाण्यात बुडाले होते. काही विजेचे खांब कोसळल्याने विद्युत तारा तुटल्याने कुरुंदवाड, हेरवाड, तेरवाड, मजरेवाडी, अकिवाट परिसरांतील शेतकऱ्यांनी बुडालेले ट्रान्‍स्‍फॉर्मर स्वखर्चाने दुरुस्तीसाठी कार्यालयापर्यंत पोहोच केले.

मात्र त्यांच्या दुरुस्तीचे काम अद्यापही रखडल्याने शेतकऱ्यांची अडचण वाढली होती. ऊस लागणीचा हंगाम सुरू झाला असून, शेतातील उभ्या पिकासाठीही पाण्याची गरज असताना विद्युत पुरवठा सुरळीत नसल्याने शेतकऱ्यांचे नुकसान होत असल्याने संतप्त शेतकऱ्यांनी आज वीज वितरण कार्यालयासमोर ठिय्या मारला. संतप्त झालेले शेतकरी बाबासाहेब सावगावे, विश्‍वास बालिघाटे यांनी महापुरात येथील शेती पिकांचे मोठ्या प्रमाणात नुकसान झाले आहे.

शेती पिकांची लावण करण्याची कामे सध्या सुरू आहेत. त्यामुळे पाण्याची गरज आहे. पाणी उपसा करण्यासाठी विजेची गरज आहे. शेतकरी कोरोना आणि महापूर या दोन्ही आपत्तीत शेतकरी आर्थिक संकटाच्या खाईत लोटला आहे. त्यामुळे शेतकऱ्यांचा अंत पाहू नका, अन्यथा कार्यालयाला टाळे ठोकू असा इशारा देत वीज वितरणच्या अधिकाऱ्यांवर प्रश्नांची सरबत्ती केली. 

अभियंता मुलाणी यांनी चार दिवसांत ट्रान्सफॉर्मर बसवून वीजपुरवठा सुरळीत करण्यासाठी प्रयत्न करू, असे आश्‍वासन दिल्यानंतर अधिकाऱ्यांना कार्यालयात प्रवेश करू दिला. चार दिवसांत पूर्तता न झाल्यास पुन्हा आंदोलन तीव्र करू, असा इशारा सावगावे व बालिघाटे यांनी दिला. मोर्चात रविकिरण गायकवाड, प्रकाश खोत, बंडू उमडाळे, राजेंद्र जगदाळे, सुरेश बिंदगे, महावीर कोप्पे, साताप्पा बागडी, पांडुरंग मोहिते, मोहन मोहिते, राजेंद्र जोंग, बाळासाहेब गायकवाड आदी उपस्थित होते.


इतर बातम्या
सरकारी अनुदान नसतानाही  यंदा साखर...पुणे ः भारतात उपलब्ध असलेला जादा ऊस लक्षात घेता...
मालेगाव बाजार समितीत बेकायदा अडत वसुली...नाशिक : मालेगाव कृषी उत्पन्न बाजार समितीत...
कृषिपंपांचा वीजपुरवठा तोडू नये, अन्यथा...कोल्हापूर : कृषिपंपाचे रात्रीचे १० तास...
नुकसानग्रस्त शेतकऱ्यांना भरीव मदत...जलालखेडा, जि. नागपूर : खरीप हंगाम सन २०२१-२२ ला...
सिंधुदुर्ग जिल्हा बँकेची निवडणूक अखेर...सिंधुदुर्गनगरी ः कोरोनाचा प्रादुर्भाव आणि...
कृषिपंपाचे तोडलेले वीजकनेक्शन पूर्ववतबुलडाणा ः शेतकऱ्यांच्या कृषिपंपाचे तोडलेले...
जळगाव जिल्ह्यातील ४९ हजार शेतकऱ्यांने...जळगाव : जळगाव जिल्ह्यात यावर्षी पंधरा तालुक्यातील...
सिंधुदुर्ग जिल्हा परिषद कृषी समितीच्या...सिंधुदुर्गनगरी ः ‘‘बियाणे किट वितरण आणि...
सांगली जिल्ह्यात ‘किसान सन्मान’ची वसुली...सांगली : पंतप्रधान किसान सन्मान योजनेतील अपात्र...
सिद्धेश्‍वर कारखान्याच्या चिमणी ...सोलापूर ः कुमठे येथील श्री सिद्धेश्‍वर सहकारी...
औरंगाबाद, जालना, बीड जिल्ह्यात गाळपात...औरंगाबाद : ‘‘मराठवाड्यातील औरंगाबाद, जालना व बीड...
मराठवाड्यातील ८७५ मोठ्या, मध्यम, लघू...औरंगाबाद : मराठवाड्यातील ८७५ मोठ्या, मध्यम, लघू...
नाशिक ः सिन्नरच्या पाणी प्रकल्पाचा...नाशिक : नाशिक व सिन्नरच्या विकासासाठी आवश्यक पाणी...
जळगाव जिल्ह्यात १७ हजार बेडची सज्जता जळगाव ः जिल्ह्यात कोरोनाच्या तिसऱ्या लाटेच्या...
नांदेड जिल्ह्यात पाच लाख खातेदारांना ‘...नांदेड जिल्ह्यात : पंतप्रधान किसान सन्‍मान निधी (...
निविष्ठा परवान्यांमधील ‘दुरूस्ती’ आता...पुणे ः गुणनियंत्रण विभागातील गैरव्यवहाराला आळा...
ऊसतोड वजावट रद्द करावी पुणे : राज्यात यंत्राच्या साहाय्याने होणारी...
कोकण, मध्य महाराष्ट्रात विजांसह पावसाची...पुणे : किमान तापमानाचा पारा घसरल्याने गारठा वाढला...
गोदावरी-वैनगंगा नदीजोड प्रकल्प अद्याप...नागपूर : महागाई आणि भूखंडाच्या दरापेक्षाही वेगाने...
आंदोलनातील मृत शेतकऱ्यांच्या...नवी दिल्ली : कृषी कायदे रद्द झाल्यानंतर आता मोदी...