Agriculture news in Marathi Soil is our mother, nurture it: MLA Abhimanyu Pawar | Agrowon

धरणी आपुली माय, तिचे संवर्धन करा ः आमदार अभिमन्यू पवार

टीम अॅग्रोवन
सोमवार, 7 डिसेंबर 2020

धरणीला शास्त्रात देखील माता म्हटले आहे ते अगदी खरे आहे. जमीन आपली आईच असल्याने आपल्याला लागणाऱ्या अन्नधान्यासह जगण्यासाठी आवश्यक अनेक गोष्टी देत असते. मात्र अलीकडे जमिनीतील अन्नद्रव्याचा अमाप उपसा होत असताना जमिनीचा पोत चांगला राहावा यासाठी काही विशेष प्रयत्न होत नाहीत. त्यामुळे जमिनी नापीक होत चालल्या आहेत, असे प्रतिपादन औसाचे आमदार अभिमन्यू पवार यांनी केले.

औसा, जि. लातूर ः धरणीला शास्त्रात देखील माता म्हटले आहे ते अगदी खरे आहे. जमीन आपली आईच असल्याने आपल्याला लागणाऱ्या अन्नधान्यासह जगण्यासाठी आवश्यक अनेक गोष्टी देत असते. मात्र अलीकडे जमिनीतील अन्नद्रव्याचा अमाप उपसा होत असताना जमिनीचा पोत चांगला राहावा यासाठी काही विशेष प्रयत्न होत नाहीत. त्यामुळे जमिनी नापीक होत चालल्या आहेत, असे प्रतिपादन औसाचे आमदार अभिमन्यू पवार यांनी केले.

श्री. पवार म्हणाले, की अमर्याद रासायनिक खतांचा वापर आणि धोकादायक औषधे जमिनीच्या संपर्कात आल्यामुळे जमिनीची सुपीकता धोक्यात येत आहे. त्यामुळे आगामी काळात जमिनीचे संवर्धन करण्यासाठी कमीत कमी रासायनिक खतांचा वापर करून सेंद्रिय शेतीकडे वळणे गरजेचे आहे. जमिनीत जिवाणूचे प्रमाण वाढवून सेंद्रिय कर्ब वाढीसाठी शेणखत, हिरवळीची खते आणि सेंद्रिय पदार्थाचा वापर करावा, असे आवाहन ही त्यांनी केले आहे.

जागतिक मृदा दिनानिमित्त आयोजित एक कार्यक्रमात आलमला (ता. औसा) येथे ते बोलत होते. या प्रसंगी लातूरचे विभागीय कृषी सहसंचालक तुकाराम जगताप, जिल्हा अधीक्षक कृषी अधिकारी दत्तात्रेय गावसाने, उपविभागीय कृषी अधिकारी राजेंद्र कदम, तालुका कृषी अधिकारी संजय ढाकणे, सरपंच कैलाश निलंगेकर यांच्यासह शेतकरी उपस्थित होते.

या वेळी आलमला गावातील शेतकऱ्यांनी एमआरईजीएस २०२०-२१ योजनेअंतर्गत फळलागवड केलेल्या कागदी लिंबाच्या बागेला भेट देण्यात आली. आमदार श्री. पवार म्हणाले, की रोजगार हमी योजनेमधून ग्रामविकास साधता येतो. कारण या योजनेला बजेट जास्त आहे. या योजनेची व्याप्ती व्यापक करण्यात आली असून, त्याद्वारे शेतात अनेक उपक्रम हे शासनाच्या निधीच्या मदतीने राबविले जाणार आहेत. जनावरांसाठी गोठा, गांडुळनिर्मितीसाठी बेड व अन्य घटक आदी गोष्टीही या योजनेच्या माध्यमातून मिळाल्या, तर शेतकऱ्याला बाहेरून काही आणावे लागणार नाही.

तुकाराम जगताप म्हणाले, की माती संवर्धन ही काळाची गरज बनली आहे. आतापासूनच मातीची निगा नाही राखली गेली, तर येणारी पिढी नापीक जमिनीचे मालक होतील. जमिनीचे पृथक्करण करून त्यामध्ये कमतरता आढळणाऱ्या घटकांची पूर्तता करणे गरजेचे आहे.  या कार्यक्रमाचे सूत्रसंचालन कृषी अधिकारी एस. एन. जोशी यांनी केले.


इतर ताज्या घडामोडी
सोयाबीन पेंडची आयात शुल्काविना करावीनागपूर : भारतात सोयाबीन पेंडचे दर गगनाला...
दूधदरात पुन्हा दोन रुपयांची कपातनगर ः कोरोना संसर्ग वरचेवर वाढत असल्याने लॉकडाउन...
देशातील पहिले कृषी निर्यात मार्गदर्शन...पुणे ः राज्यातील शेतकरी व उदयोन्मुख...
उत्तर भारतातील कापूस लागवड पूर्णत्वाकडेजळगाव ः देशात उत्तर भारतातील कापूस लागवडीने वेग...
कृषी खात्यातील बदल्या लांबणीवरपुणे ः ऐन कोरोना कालावधीत बदल्यांचा घाट रचलेल्या...
खाद्यतेल दरात गतवर्षीपेक्षा ८० टक्के वाढनागपूर : शेंगदाण्याची निर्यात तसेच पाम तेलावरील...
पूर्व विदर्भात ४५ लाख क्विंटल धान खराब...गोंदिया : भात उत्पादक पूर्व विदर्भातील पाच...
पशुवैद्यक करणार घरपोच सेवा बंदनागपूर : पशुवैद्यकांना फ्रंटलाइन वर्कर्स व कोरोना...
सोयाबीन बियाणे निर्बंध मध्य प्रदेशकडून...पुणे ः परराज्यांत सोयाबीन बियाणे विक्रीवर निर्बंध...
‘महाबीज’चे सोयाबीन बियाणे दर ‘जैसे थे’अकोला : खरीप हंगामासाठी ‘महाबीज’ने सोयाबीन...
देशाच्या तुलनेत निम्मी साखर एकट्या...कोल्हापूर : देशाच्या साखरनिर्यात कोट्यापैकी जवळ...
‘गोकुळ’चा कल सत्तांतराकडेकोल्हापूर : अत्यंत चुरशीने झालेल्या कोल्हापूर...
‘सह्याद्री’च्या पर्वतरांगेमधून...नाशिक : सह्याद्रीच्या पर्वतरांगेत पश्‍चिम घाट...
राज्यात आंब्याचा हंगाम ऐन बहरातअकोल्यात बदाम आंबा ४००० ते ४५०० रुपये क्विंटल...
सोशल मीडियाद्वारे ६५ टन कलिंगड विक्रीपुणे : कोरोनामुळे सलग दुसऱ्या वर्षी एप्रिल...
मध्य प्रदेश सरकारकडून बियाणे विक्रीवर...पुणे ः सोयाबीन बीजोत्पादनात देशात सर्वात मोठा...
पशुखाद्य निर्मितीचा कच्चा माल दुपटीने...सांगली : पशुखाद्य तयार करण्यासाठी लागणाऱ्या...
दक्षिण भागात गारपिटीची शक्यतापुणे :  गेल्या काही दिवसांपासून उन्हाचा चटका...
परभणी जिल्ह्यात कडक निर्बंध लागूपरभणी ः  कोरोनाचा प्रसार रोखण्यासाठी...
परभणी जिल्ह्यात लघु तलावांत सरासरी १९...परभणी ः वाढते तापमान, बाष्पीभवनाचा वाढलेला वेग,...