बुलडाणा ः जिल्ह्यात राष्ट्रीय शाश्वत शेती अभियानाअंतर्गत मृद अारोग्य पत्रिका वितरण योजना राबवली जात आहे. येत्या वर्षात जिल्ह्यातील तेरा तालुक्यांतील ७४३ गावांमधील सुमारे ४८ हजार ९०० माती नमुने परीक्षणासाठी घेण्याचे नियोजन करण्यात अाले अाहे. हे नमुने कृषी सहायकांच्या मदतीने या महिना अखेरपर्यंत घेतले जाणार असून त्यानंतर प्रयोगशाळांमध्ये तपासणी होऊन त्याअाधारे अारोग्य पत्रिका वाटपाचे नियोजन ठरणार अाहे.
शासनाच्या राष्ट्रीय शाश्वत शेती अभियानातंर्गत जमीन अारोग्य पत्रिका वाटप कार्यक्रम २०१५-१६ पासून राबवला जात अाहे. शेतकऱ्यांना दर दोन वर्षांनी मृद अारोग्य पत्रिका उपलब्ध करून दिली जाणार अाहे. यासाठी ग्रामपातळीवर काम करणारे कृषी सहायक व त्या-त्या गावातील कृषीमित्र यांच्या मदतीने माती नमुने घेण्याचे काम केले जाते. जीपीएस तंत्रज्ञानाचाही वापर यासाठी केला जात अाहे. जिरायती क्षेत्रासाठी दहा हेक्टर क्षेत्रातून एक नमुना तर बागायती क्षेत्रासाठी अडीच हेक्टर क्षेत्रातून एक माती नमुना घेण्याची पद्धत अाहे.
२०१८-१९ या वर्षासाठी जिल्ह्यातील माती नमुने परीक्षणासाठी घेण्याचे नियोजन करण्यात अाले. यात चिखली तालुक्यातील सर्वाधिक ९३ गावांतून सुमारे ५९६६ माती नमुने परीक्षणासाठी घेतले जातील. यानंतर बुलडाणा तालुक्यातील ४८ गावांमधून ५५५५ माती नमुने घेतले जातील. मेहकरमधील ८५ गावांमधून ५२९९ माती नमुने घेण्यात येतील.
जमीन अारोग्य पत्रिका वाटपाचा हा दुसरा टप्पा सुरू झाला. पहिल्या टप्प्यात बुलडाण्यात पाच लाख ५१ हजार ८१३ मृद अारोग्य पत्रिका वाटप करण्यात अाल्या होत्या. दुसऱ्या टप्प्यातील अारोग्य पत्रिकांची निश्चित अाकडेवारी तपासणी अहवाल व शेतकऱ्यांची नावे अाल्यानंतर निश्चित होणार अाहेत.
माती नमुने घेण्यात येणाऱ्या तालुकानिहाय गावांची संख्या ः बुलडाणा ४८, चिखली ९३, मोताळा ६०, मलकापूर ३६, खामगाव ७२, शेगाव ३९, नांदुरा ५४, जळगाव जामोद ६४, संग्रामपूर ४९, मेहकर ८५, लोणार ५३, देऊळगावराजा ३२, सिंदखेड राजा ५८.