सोलापूर : 'कोरोना'च्या पार्श्वभूमीवर सोलापूर कृषी उत्पन्न बाजार समिती चालू ठेवावी की बंद करावी, या निर्णयासाठी बाजार समितीचे सभापती तथा आमदार विजयकुमार देशमुख यांनी संचालक मंडळाची बैठक घेऊन चर्चा केली. पण, सध्या तरी बाजार समिती बंद ठेवण्याचा निर्णय घेण्यात आलेली नाही, तरीही व्यापारी आणि शेतकऱ्यांनी काळजी घ्यावी, अशा सूचना देण्यात आल्या आहेत. समितीच्या आवारात फारवेळ गर्दी होऊ नये, याकडे लक्ष देण्यात येत असल्याचे सांगण्यात आले.
पुण्यासह अन्य जिल्ह्यांत ‘कोरोना'बाधित रुग्ण सापडल्याने सोलापुरात जिल्हाधिकारी मिलिंद शंभरकर यांनी जमाव बंदीचे आदेश काढले आहेत. शहरांतील शाळा, महाविद्यालये, विद्यापीठातील अध्यापन बंद केले आहे. वसतिगृहांनाही टाळे ठोकण्यात आले आहे. या पार्श्वभूमीवर सोलापूर बाजार समिती सुरू ठेवायची की बंद, याबाबत संचालक मंडळाची बैठक घेतली. त्यामध्ये सविस्तर चर्चा होऊन काही उपाययोजना करण्याचे ठरले. बाजार समितीच्या अधिकारी आणि कर्मचाऱ्यांनाही त्याबाबत सुचवण्यात आले. बाजार समितीतील व्यापारी, कर्मचाऱ्यांची स्वतंत्र बैठक घेऊन या सूचना देण्यात आल्या. शेतकऱ्यांनी शेतमाल विक्री केल्यानंतर त्यांना शेतमालाचे पैसे देऊन तत्काळ पाठवावे, बाजार समितीत गर्दी करू नये, अशा सूचना त्यांनी व्यापाऱ्यांना दिल्या.
जिल्हाधिकाऱ्यांकडून प्रतिसाद नाही
‘कोरोना’मुळे उद्भवलेल्या या परिस्थितीवर मार्ग काढण्यासाठी आमदार देशमुख यांनी जिल्हाधिकाऱ्यांना फोन केला. जवळपास चार वेळा त्यांनी कॉल केला. मात्र, एकाही कॉलला उत्तर न मिळाल्याचे देशमुख यांनी सांगितले. त्यानंतरही पुन्हा त्यांनी स्वतःहून संपर्क केला नाही. त्यामुळे बाजार समितीच्या बंदबाबत तूर्तास निर्णय तसाच ठेवण्यात आला आहे.
बाजार समितीच्या सूचना
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.