सोलापुरात वांगी, टोमॅटो, हिरवी मिरची तेजीत

सोलापुरात वांगी, टोमॅटो, हिरवी मिरची तेजीत
सोलापुरात वांगी, टोमॅटो, हिरवी मिरची तेजीत

सोलापूर ः सोलापूर कृषी उत्पन्न बाजार समितीच्या आवारात गत सप्ताहात वांगी, टोमॅटो, हिरवी मिरचीला मागणी राहिली. त्यांच्या दरातील तेजी या सप्ताहातही पुन्हा टिकून राहिल्याचे बाजार समितीच्या सूत्रांकडून सांगण्यात आले. 

बाजार समितीच्या आवारात गत सप्ताहात वांग्याची रोज ७० क्विंटल, टोमॅटोची ४०० क्विंटल आणि हिरव्या मिरचीची ३० क्विंटल आवक राहिली. वांगी, टोमॅटोची सगळी आवक बाहेरील जिल्ह्यातूनच झाली. स्थानिक भागातील आवक तुलनेने खूपच कमी होती. पण मागणी असल्याने त्यांचे दर तेजीत राहिले. त्यातही हिरव्या मिरचीच्या दराने उच्चांक गाठला. 

संपूर्ण सप्ताहभर दराची किरकोळ चढ-उतार वगळता हीच परिस्थिती राहिली. गेल्या दोन आठवड्यांपासून त्यांच्या आवक आणि दराची ही परिस्थिती आहे. 

वांग्याला प्रतिक्विंटलला किमान ३०० रुपये, सरासरी १४०० रुपये आणि सर्वाधिक ३००० रुपये, टोमॅटोला किमान ५०० रुपये, सरासरी १८०० रुपये आणि सर्वाधिक ३५०० रुपये, तर हिरव्या मिरचीला किमान २५०० रुपये, सरासरी ३००० रुपये आणि सर्वाधिक ५००० रुपये असा दर मिळाला. गवार, भेंडीचे दरही या सप्ताहात तेजीतच राहिले. गवारीला प्रतिक्विंटलला किमान १५०० रुपये, सरासरी २००० रुपये आणि सर्वाधिक ३००० रुपये, तर भेंडीला किमान ८०० रुपये, सरासरी १८०० रुपये आणि सर्वाधिक ३५०० रुपये असा दर मिळाला. 

मेथी, शेपू, कोथिंबिर या भाज्यांतील तेजी या सप्ताहातही कायम होती. त्यात कोथिंबिरीच्या दरात लक्षणीय वाढ राहिली. कोथिंबिरीला शंभर पेंढ्यांसाठी १००० ते १४०० रुपये, मेथीला ८०० ते ११०० रुपये आणि शेपूला १००० ते १२०० रुपये असा दर मिळाला. 

भाज्यांची आवक १० ते १५ हजार पेंढ्यांपर्यंत जेमतेम होती. पण मागणीच्या तुलनेत कमी आवक राहिल्याने दर तेजीत राहिले. कांद्याच्याही परिस्थिती काहीशी अशीच राहिली. या सप्ताहातही कांद्याची आवक २० ते ४० गाड्यांपर्यंत राहिली. तर कांद्याला प्रतिक्विंटलला किमान १०० रुपये, सरासरी ७५० रुपये आणि सर्वाधिक १७०० रुपये, असा दर मिळाला.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com