सोलापूर जिल्हा बॅंकेकडून ४३ हजार शेतकऱ्यांना कर्जमुक्ती

जिल्हा बॅंकेचे काम जवळपास होत आले आहे. जिल्ह्यातील साधारणतः दोन हजार शेतकऱ्यांकडे आधार कार्ड नाहीत. अथवा, त्यांचे आधार कार्ड बॅंकेकडे उपलब्ध नाहीत. ज्या शेतकऱ्यांनी आत्तापर्यंत बॅंकेत आधार कार्ड जमा केले नाही. त्यांनी आधार कार्डची माहिती बॅंकेला (ज्या शाखेतून कर्ज घेतले आहे त्या शाखेला) द्यावी. या योजनेत आधार कार्ड महत्त्वाचा केंद्रबिंदू आहे. - कुंदन भोळे, जिल्हा उपनिबंधक, (सहकारी संस्था), सोलापूर.
Solapur District Bank Loans free to 43,000 farmers
Solapur District Bank Loans free to 43,000 farmers

सोलापूर : महात्मा जोतिराव फुले शेतकरी कर्जमुक्ती योजनेसाठी लाभ द्यावयाच्या शेतकऱ्यांच्या यादीचे सोलापूर जिल्हा मध्यवर्ती सहकारी बॅंकेचे काम पूर्ण झाले आहे. जिल्हा बॅंकेकडील थकबाकीदार शेतकऱ्यांची माहिती तपासून तयार झाली आहे. सुमारे ४३ हजार ४०६ शेतकऱ्यांची माहिती लेखापरीक्षकांच्या माध्यमातून पडताळण्यात आली आहे. फेब्रुवारीपासून पोर्टलवर अपलोडिंगचे काम सुरू होणार आहे. 

जिल्ह्यात असलेल्या एक हजार २७९ विविध कार्यकारी सेवा सहकारी संस्थांपैकी ११८० संस्थांतील शेतकरी या योजनेच्या लाभासाठी पात्र ठरले आहेत. शेतकऱ्यांची माहिती पडताळण्यासाठी जिल्ह्यात ५५ लेखापरीक्षकांची नियुक्ती करण्यात आली होती. जिल्ह्यातील राष्ट्रीयीकृत बॅंकांची माहिती त्यांच्या विभागीय कार्यालयाच्या वतीने सरकारला पाठविण्यात येणार आहे.

जिल्हा बॅंकेची माहिती मात्र जिल्हा उपनिबंधक कार्यालयाच्या माध्यमातून सरकारला पाठविण्यात येणार आहे. त्यादृष्टीने जिल्हा प्रशासन आणि सहकार निबंधक कार्यालयाने योजना जाहीर झाल्यापासून सातत्याने पाठपुरावा आणि बैठका घेत गतीने काम केले.

राज्यात सोलापूर आघाडीवर

आता कर्जमुक्‍तीच्या लाभार्थ्यांची नावे आणि त्यांच्या रकमा याची सर्व माहिती सध्या तयार झाली आहे. त्याची पडताळणीही पूर्ण झाली आहे. त्यामुळे राज्यातील अन्य जिल्ह्यांच्या तुलनेत सोलापूर जिल्ह्याचे काम लवकर पूर्ण होण्याची शक्‍यता आहे.  

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com