Agriculture news in marathi, In Solapur district, rabi sowing of 31% | Agrowon

सोलापूर जिल्ह्यात रब्बीची उरकली ३१ टक्के पेरणी

टीम अॅग्रोवन
मंगळवार, 19 नोव्हेंबर 2019

सोलापूर : खरिपामध्ये पावसाने हुलकावणी दिली. पण, रब्बी हंगामाच्या तोंडावर मॉन्सूनोत्तर पावसाने जोरदार हजेरी लावली. त्यामुळे आणि वाफसा नसल्याने जिल्ह्यात पेरणीची कामे रखडली. पण पावसाने काहीशी विश्रांती घेतल्याने आता सगळीकडे उशिराच्या पेरण्या सुरू झाल्या आहेत. आत्तापर्यंत २ लाख २५ हजार ७०९ हेक्‍टर (३१ टक्के) क्षेत्रावर रब्बीची पेरणी झाली आहे. उशिरा पेरण्या झाल्या, तरी यंदा पेरणीचे क्षेत्र वाढण्याची शक्‍यता आहे. 

सोलापूर : खरिपामध्ये पावसाने हुलकावणी दिली. पण, रब्बी हंगामाच्या तोंडावर मॉन्सूनोत्तर पावसाने जोरदार हजेरी लावली. त्यामुळे आणि वाफसा नसल्याने जिल्ह्यात पेरणीची कामे रखडली. पण पावसाने काहीशी विश्रांती घेतल्याने आता सगळीकडे उशिराच्या पेरण्या सुरू झाल्या आहेत. आत्तापर्यंत २ लाख २५ हजार ७०९ हेक्‍टर (३१ टक्के) क्षेत्रावर रब्बीची पेरणी झाली आहे. उशिरा पेरण्या झाल्या, तरी यंदा पेरणीचे क्षेत्र वाढण्याची शक्‍यता आहे. 

सोलापूर हा रब्बीचा जिल्हा म्हणून ओळखला जातो. मात्र, गेल्या चार-पाच वर्षांपासून खरिपाच्या पेरणी क्षेत्रामध्ये वाढ झाली. तर, रब्बीच्या पेरणी क्षेत्रामध्ये घट झाली. हे लक्षात घेता खरीप व रब्बी या दोन्ही पिकांचा जिल्हा अशी नवी ओळख सोलापूरची निर्माण होऊ लागली आहे. मागील चार-पाच वर्षांपूर्वी रब्बी हंगामाचे सरासरी क्षेत्र जवळपास सात लाख हेक्‍टरवर होते. पण, त्यामध्ये हळूहळू घट होत गेली आहे. त्याची सुरुवात २०१४ पासून झाली. २०१४ ला चार लाख १३ हजार ११९, २०१५ ला चार लाख २३ हजार २५२, २०१६ ला तीन लाख ९५ हजार ५४४, २०१७ ला तीन लाख २६ हजार ८५१, तर २०१८ ला जिल्ह्यात खूपच कमी पाऊस झाल्याने केवळ दोन लाख ४३ हजार २०१ हेक्‍टर क्षेत्रावरच रब्बीची पेरणी झाली होती. त्यामुळे पाच वर्षांचे सरासरी पेरणी क्षेत्र तीन लाख ६० हजार ६१३ हेक्‍टर इतके होते. 

मागील पाच वर्षांच्या सरासरी आकडेवारीकडे नजर टाकली असता, रब्बीच्या पेरणी क्षेत्रामध्ये घट झाली असल्याचे दिसून येते. पण यंदा पावसाने काहीशी उशिरा सुरुवात केल्याने ऐन पेरणीच्या तोंडावर पेरण्या रखडल्या. पण, आता बऱ्यापैकी वाफसा आल्याने पेरण्यांची पुन्हा सुरुवात झाली आहे. 

ज्वारीचा सर्वाधिक ३४ टक्के पेरा

या हंगामात सर्वाधिक ज्वारीची पेरणी होते. यंदा ज्वारीच्या पेरणीत वाढ आहे. आत्तापर्यंत ज्वारीची १ लाख ९९ हजार ६१४ हेक्‍टर क्षेत्रावर (३४ टक्के) पेरणी झाली आहे. मका ११ हजार ३२८ हेक्‍टर, गहू १० हजार ३० हेक्‍टर, हरभरा २३ हजार हेक्‍टर अशी पेरणी झाली आहे. पण त्याशिवाय तीळ, करडई, जवस आदी अन्य पिकांचाही एकूण पेरणीत समावेश आहे. जिल्ह्याचे पेरणीचे सरासरी क्षेत्र ७ लाख २१ हजार ८७७ हेक्‍टर आहे. त्यापैकी आत्तापर्यंत २ लाख २५ हजार ७०९ हेक्‍टर क्षेत्रावर पेरणी झाली आहे.


इतर ताज्या घडामोडी
नांदेड, परभणी, हिंगोलीत जून, जुलैमध्ये...नांदेड : नांदेड, परभणी, हिंगोली जिल्ह्यातील ६९...
औरंगाबाद, जालन्यातील दोन मंडळांत...औरंगाबाद : औरंगाबाद व जालना जिल्ह्यातील दोन...
नांदेडमधील आठ केंद्रांत अडीच लाख...नांदेड : जिल्ह्यातील सात केंद्रांवरील शेतकऱ्यांची...
सोयाबीनमध्ये एकात्मिक कीड व्यवस्थापनाचा...अंबड, जि. जालना  ः ‘‘सर्व शेतकऱ्यांनी...
नगर जिल्ह्यात १३२ टक्के पेरणीनगर ः नगर जिल्ह्यात यंदा चांगला पाऊस झाला....
खानदेशात ‘किसान सन्मान’चे अर्ज प्रलंबित...जळगाव  ः खानदेशात सुमारे सव्वालाख शेतकरी...
शेतकऱ्यांची कृषिमंत्र्यांना दोन हजार...जळगाव : केंद्र सरकारच्या हवामानावर आधारित फळ...
खानदेशात हलक्या जमिनीतील पिके संकटातजळगाव  ः खानदेशात मागील आठ ते १० दिवसांपासून...
जळगाव जिल्ह्यातील मका, ज्वारीची खरेदी...जळगाव : शासकीय मका, ज्वारी खरेदी पुन्हा सुरू...
माळेगाव कारखान्याचे अकरा लाख टन ऊस...माळेगाव, जि. पुणे ः माळेगाव सहकारी साखर...
अकोला कृषी विद्यापीठातील क्वारंटाइन...अकोला ः डाॅ. पंजाबराव देशमुख कृषी विद्यापीठातील...
नाशिक जिल्ह्यात चार हजारांवर शेतकरी मका...नाशिक : बाजारात व्यापाऱ्यांकडे खरेदी होणाऱ्या...
वीज बिल माफीसाठी सोमवारी राज्यभर धरणेकोल्हापूर : दरमहा ३०० युनिटसच्या आत वीज वापर...
कोल्हापूर जिल्ह्यात पुरेशा पावसाअभावी...कोल्हापूर : जिल्ह्यात गेल्या दोन महिन्यांपासून...
पीकविमा भरण्यासाठी मुदतवाढीची मागणीअकोला ः पीकविमा पोर्टल व्यवस्थित न चालल्याने अनेक...
पशुवैद्यकीय दवाखान्यांमध्ये कृत्रिम...रत्नागिरी : उच्च प्रतीची वंशावळ तयार करण्यासाठी...
कपाशीवरील फुलकिडे, पांढऱ्या माशीचे...फुलकिडे : ही कीड फिकट पिवळसर रंगाची असून अत्यंत...
सेंद्रिय शेतीबाबत शरद पवार घेणार बैठकपुणे ः राज्यातील सेंद्रिय व रासायनिक अवशेषमुक्त...
यवतमाळ जिल्ह्यात चार लाख शेतकऱ्यांनी...यवतमाळ : कोरोनाच्या पार्श्वभूमीवर पीक विमा...
कपाशीवरील किडींचे कामगंध सापळ्याद्वारे...पिकातील किडीच्या नियंत्रणासाठी एकात्मिक कीड...