Agriculture news in marathi Solapur district will receive Rs 153 crore for crop loss | Agrowon

सोलापूर जिल्ह्यातील नुकसानीपोटी मिळणार १५३ कोटी

टीम अॅग्रोवन
रविवार, 15 डिसेंबर 2019

सोलापूर  : ऑगस्टमध्ये आलेल्या महापुरात नदीकाठच्या गावातील उद्‌ध्वस्त झालेली पिके आणि ऑक्‍टोबरमधील अतिवृष्टीत जिल्ह्यातील शेतकऱ्यांच्या पिकांचे झालेले नुकसान, यासाठी  १५३ कोटी रुपयांचा निधी राज्य सरकारने मंजूर केला. पिकांच्या नुकसान भरपाईसाठी राज्य सरकारने जिल्ह्यातील शेतकऱ्यांसाठी १५३ कोटी रुपयांचा निधी देण्यास मान्यता दिल्याने शेतकऱ्यांना दिलासा मिळणार आहे. 

सोलापूर  : ऑगस्टमध्ये आलेल्या महापुरात नदीकाठच्या गावातील उद्‌ध्वस्त झालेली पिके आणि ऑक्‍टोबरमधील अतिवृष्टीत जिल्ह्यातील शेतकऱ्यांच्या पिकांचे झालेले नुकसान, यासाठी  १५३ कोटी रुपयांचा निधी राज्य सरकारने मंजूर केला. पिकांच्या नुकसान भरपाईसाठी राज्य सरकारने जिल्ह्यातील शेतकऱ्यांसाठी १५३ कोटी रुपयांचा निधी देण्यास मान्यता दिल्याने शेतकऱ्यांना दिलासा मिळणार आहे. 

जुलै ते ऑक्‍टोबर या कालावधीत उद्‌भवलेल्या पूरस्थितीत नदीकाठच्या शेतकऱ्यांचे मोठे नुकसान झाले. नदीकाठच्या पीक घेतलेल्या शेतकऱ्यांना कर्जमाफी देण्याचा निर्णय राज्याच्या सहकार विभागाने घेतला आहे. त्यानुसार, बॅंकांच्या वतीने सहकार आयुक्तांना कर्जमाफीचा प्रस्ताव पाठविण्यात आला आहे. पीक कर्ज न घेतलेल्या शेतकऱ्यांना नुकसानीपोटी मिळणाऱ्या प्रचलित दराच्या तिप्पट भरपाई (एक हेक्‍टरच्या मर्यादेत) देण्याचा निर्णय सरकारने घेतला आहे. 

या भरपाईपोटी जिल्ह्याला २६ कोटी ३० लाख १५ हजार रुपयांचा निधी मिळाला आहे. कोरडवाहू पिकांसाठी शेतकऱ्यांना प्रचलित दरानुसार हेक्‍टरी सहा हजार ८०० रुपये भरपाई मिळते. या वेळी शेतकऱ्यांना २० हजार ४०० रुपये मिळणार आहेत. आश्‍वासित सिंचनाखाली पिकांसाठी शेतकऱ्यांना हेक्‍टरी १३ हजार ५०० रुपये मिळतात. या वेळी ४० हजार ५०० रुपये मिळणार आहेत. बहुवार्षिक पिकांसाठी हेक्‍टरी १८ हजार रुपये मिळतात. या वेळी शेतकऱ्यांना ५४ हजार रुपये मिळणार आहेत. 

ऑक्‍टोबर-नोव्हेंबरमध्ये झालेल्या अतिवृष्टीत जिल्ह्यातील शेतकऱ्यांचे अतोनात नुकसान झाले. या नुकसानीच्या भरपाईपोटी जिल्हाधिकारी कार्यालयाच्या वतीने १७४ कोटी रुपयांची मागणी शासनाकडे करण्यात आली होती. या मागणीनुसार, शेतकऱ्यांना पहिल्या टप्प्यात ५८ कोटी रुपयांचा निधी मिळाला आहे. आता दुसऱ्या टप्प्यातही रक्कम मिळाली आहे.

वाटपाबाबत ढिलाई

या आधी कोरडवाहू दुष्काळाची तसेच नंतर ओल्या दुष्काळाची पहिल्या टप्प्यातील मदत अद्यापही अनेक भागातील शेतकऱ्यांना मिळालेली नाही. तलाठी आणि मंडलाधिकारी यांच्याकडे त्याच्या याद्याही तयार आहेत. पण बॅंक अकाउंट आणि आयएफसी कोडमधील बदलांमुळे काही त्रुटी काढण्यात आल्या आहेत. त्यामुळे वाटप प्रलंबित आहे. पण त्याबाबत गांभीर्याने काम होत नाही. हीच कारणे सातत्याने दिली जात आहेत. केवळ ढिलाईचे काम तलाठी आणि मंडलाधिकारी करत असल्याचे चित्र आहे.


इतर ताज्या घडामोडी
नाशिक बाजारात कारल्याचे दर टिकूननाशिक : येथील कृषी उत्पन्न बाजार समितीमध्ये...
जळगावात हरभरा आला कापणीलाजळगाव ः जिल्ह्यात रब्बीची पेरणी २००...
प्रदर्शनातील कृषी ज्ञानाचा खजाना पाहून...माळेगाव, जि. पुणे ः कृषिक २०२१- कृषी तंत्रज्ञान...
पुणे विभागात उसाच्या ५५ टक्के लागवडीपुणे ः यंदा पावसाळ्यात झालेल्या दमदार पावसामुळे...
देवना साठवण तलावाचा प्रलंबित प्रश्न...नाशिक : येवला तालुक्यातील अवर्षणप्रवण उत्तरपूर्व...
‘बर्ड फ्लू’ रोखण्यासाठी ९० दिवस...परभणी ः जिल्ह्यात बर्ड फ्लूचा प्रसार आणि संसर्ग...
अतिवृष्टीचा मदत आठवड्यात मिळणारसोलापूर : गेल्यावर्षी ऑक्टोबर महिन्यात झालेल्या...
महावितरणच्या आदेशामुळे वीज ग्राहक...सोलापूर : कोरोनाच्या साथीमुळे घटलेले आर्थिक...
भंडारा जळीत प्रकरणाचा अहवाल शासनाकडे नागपूर : भंडारा जिल्हा सामान्य रुग्णालयातील शिशू...
उन्हाळी सोयाबीन लागवडीस गतीअकोला : यंदाच्या खरीप सोयाबीन काढणीच्या वेळेस...
वारणेत उभारणार पशुवैद्यकीय महाविद्यालय...वारणानगर, जि. कोल्हापूर : येथील वारणा सहकारी...
बेदाणा पॅकिंगसाठीच्या बॉक्सच्या दरात...सांगली ः बेदाणा, डाळिंबासह अन्य फळभाज्यांच्या...
यवतमाळ : पोल्ट्रीत चार हजार कोंबड्यांचा...यवतमाळ : कोरोनाच्या संकटातून सावरू पाहणाऱ्या...
रिसोडमध्ये कांदा बीजोत्पादनाकडे कल रिसोड, जि. वाशीम : तालुक्यात यंदा कांदा...
औरंगाबादेत सर्वच पक्षांकडून गुलालाची...औरंगाबाद : मतदानाची प्रक्रिया शांततेत पार...
पुणे जिल्ह्यात संमिश्र निकाल; दावे-...पुणे ः जिल्ह्यातील विविध तालुक्यांमध्ये...
साताऱ्यात स्थानिक आघाड्यांचा जल्लोषसातारा ः दोन दिवसांपूर्वी मतदान झाले. गेले दोन...
नांदेड जिल्ह्यात प्रस्थापितांनी सत्ता...नांदेड : नांदेड जिल्ह्यात ग्रामपंचायत निवडणुकीचे...
नाशिक जिल्ह्यात प्रस्थापितांना धक्कानाशिक : जिल्ह्यात एकूण ६२१ ग्रामपंचायतीच्या...
माजी मुख्यमंत्री वसंतराव नाईक यांच्या...यवतमाळ : माजी मुख्यमंत्री व जलक्रांतीचे प्रणेते...