सोलापूर ः पितृपंधरवड्यामुळे सोलापूर कृषि उत्पन्न बाजार समितीच्या आवारात गतसप्ताहात गवार, भेंडीला चांगला उठाव मिळाला. त्यांचे दरातही त्यामुळे सुधारणा राहिली, असे बाजार समितीच्या सूत्रांकडून सांगण्यात आले.
बाजार समितीच्या आवारात गतसप्ताहात गवार, भेंडीची आवक अत्यंत कमी राहिली. गवारची रोज २ ते ४ क्विंटल आणि भेंडीची १० ते २५ क्विंटल आवक झाली. गवार आणि भेंडीची सर्व आवक स्थानिक भागातूनच झाली.
पितृपंधरवड्यामध्ये पूर्वजांना दिल्या जाणाऱ्या नैवेद्यामध्ये गवार आणि भेंडीचा समावेश प्राधान्याने केला जातो. तशी परंपरा आहे. साहजिकच, गवार आणि भेंडीला मागणी वाढते. या आठवड्यात आणि या आधीच्या आठवड्यात असा पितृपंधरवडा साजरा झाला. त्यात गवारीला प्रतिक्विंटलला किमान २००० रुपये, सरासरी ३००० रुपये आणि सर्वाधिक ५००० रुपये, तर भेंडीला किमान ३०० रुपये, सरासरी २००० रुपये आणि सर्वाधिक ३००० रुपये असा दर मिळाला.
किरकोळ चढ-उतार वगळता दर टिकून राहिले. त्यातही देशी गवारला सर्वाधिक उठाव राहिला. त्याला प्रतिक्विंटलमागे २०० रुपयांनी जादा दर होते. त्याशिवाय हिरवी मिरची, लिंबू आणि काकडीलाही बऱ्यापैकी मागणी राहिली. त्यांची आवकही तशी जेमतेम राहिली. हिरव्या मिरचीची रोज ५० क्विंटल, काकडीची ५ ते १० क्विंटल आणि लिंबांची १० ते १५ क्विंटल अशी आवक राहिली.
हिरव्या मिरचीला प्रतिक्विंटलला किमान १००० रुपये, सरासरी १५०० रुपये आणि सर्वाधिक २५०० रुपये, काकडीला किमान २००० रुपये, सरासरी ३००० रुपये आणि सर्वाधिक ४००० रुपये, तर लिंबांना किमान १०० रुपये, सरासरी १५०० रुपये आणि सर्वाधिक २५०० रुपये असा दर मिळाला.
टोमॅटो, वांग्यांच्या दरातील तेजीही पुन्हा टिकूनच राहिली. टोमॅटोला प्रतिक्विंटलला किमान १००० रुपये, सरासरी १५०० रुपये आणि सर्वाधिक २८०० रुपये, तर वांग्यांना किमान ५०० रुपये, सरासरी १८०० रुपये आणि सर्वाधिक २५०० रुपये असा दर मिळाला.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.