सोलापुरात हिरवी मिरची, गवार, घेवड्याला उठाव

सोलापूर ः सोलापूर कृषी उत्पन्न बाजार समितीच्या आवारात गतसप्ताहात हिरवी मिरची, गवार, घेवड्याला चांगला उठाव मिळाला. त्यांचे दरही टिकून राहिल्याचे बाजार समितीच्या सूत्रांकडून सांगण्यात आले.
In Solapur, pick green chillies, guar and ghewda
In Solapur, pick green chillies, guar and ghewda

सोलापूर ः सोलापूर कृषी उत्पन्न बाजार समितीच्या आवारात गतसप्ताहात हिरवी मिरची, गवार, घेवड्याला चांगला उठाव मिळाला. त्यांचे दरही टिकून राहिल्याचे बाजार समितीच्या सूत्रांकडून सांगण्यात आले.

बाजार समितीच्या आवारात गतसप्ताहात प्रतिदिन हिरव्या मिरचीची आवक २० ते ४० क्विंटल, गवार आणि घेवड्याची आवक मात्र अगदीच ५ ते १० क्विंटल अशी राहिली. ही सर्व आवक स्थानिक भागातूनच झाली.

आवकेच्या तुलनेत मागणी अधिक राहिल्याने दरातही तेजी आहे. हिरव्या मिरचीला प्रतिक्विंटलला किमान १५०० रुपये, सरासरी २००० रुपये आणि सर्वाधिक २५०० रुपये, घेवड्याला किमान ७०० रुपये, सरासरी १५०० रुपये आणि सर्वाधिक २००० रुपये, तर गवारीला प्रतिक्विंटलला किमान १००० रुपये, सरासरी १५०० रुपये आणि सर्वाधिक ३००० रुपये असा दर मिळाला. 

वांगी, टोमॅटो यांचे दर काहीसे स्थिर राहिले. त्यांची आवकही रोज ४० ते ७० क्विंटलपर्यंत राहिली. वांग्यांना प्रतिक्विंटलला किमान १००० रुपये, सरासरी २००० रुपये आणि सर्वाधिक ३००० रुपये आणि टोमॅटोला किमान २०० रुपये, सरासरी ७०० रुपये आणि सर्वाधिक १५०० रुपये दर मिळाला. भाजीपाल्यामध्ये मेथी, शेपू, कोथिंबीर यांचे दरही पुन्हा स्थिर राहिले. मेथीला शंभर पेंढ्यांसाठी ४०० ते ५०० रुपये, शेपूला २५० ते ३०० रुपये, कोथिंबिरीला ३०० ते ४०० रुपये दर मिळाला.

सोयाबीन, कांद्याला उठाव

कांद्याची आवक काहीशी कमीच आहे. रोज १० ते ३० गाड्यांपर्यंत आवक आहे. कांद्याला प्रतिक्विंटलला किमान २०० रुपये, सरासरी २५०० रुपये आणि सर्वाधिक ७००० रुपये, तर भुसार बाजारात सोयाबीनलाही चांगला उठाव मिळतो आहे.

सोयाबीनची आवकही स्थानिक भागातूनच होते आहे. सोयाबीनची रोज ५० क्विंटलपर्यंत आवक आहे. सोयाबीनला प्रतिक्विंटलला किमान ३००० रुपये, सरासरी ४००० रुपये आणि सर्वाधिक ४३०० रुपये असा दर मिळाला.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com