agriculture news in marathi, Solapur Zilla Parishad members are interested in the percentage of drought | Agrowon

सोलापूर झेडपी सदस्यांची दुष्काळापेक्षा टक्केवारीवरच चर्चा

टीम अॅग्रोवन
बुधवार, 26 जून 2019

सोलापूर : दुष्काळाच्या दाहकतेत जिल्हा पुरता होरपळून निघाला आहे. तरीही जिल्हा परिषदेच्या सर्वसाधारण सभेत मात्र एकाही सदस्याला दुष्काळ महत्त्वाचा वाटला नाही. पण, त्यापेक्षा आरोग्य विभागातील कामे, कराटे प्रशिक्षण आणि गटविकास अधिकाऱ्यांच्या टक्केवारीवर सर्वाधिक चर्चा रंगली. किंबहुना अनेक सदस्यांनी त्यातच आपल्याला अधिक रस असल्याचे दाखवत त्यावर आणखीनच कडी केली.   

सोलापूर : दुष्काळाच्या दाहकतेत जिल्हा पुरता होरपळून निघाला आहे. तरीही जिल्हा परिषदेच्या सर्वसाधारण सभेत मात्र एकाही सदस्याला दुष्काळ महत्त्वाचा वाटला नाही. पण, त्यापेक्षा आरोग्य विभागातील कामे, कराटे प्रशिक्षण आणि गटविकास अधिकाऱ्यांच्या टक्केवारीवर सर्वाधिक चर्चा रंगली. किंबहुना अनेक सदस्यांनी त्यातच आपल्याला अधिक रस असल्याचे दाखवत त्यावर आणखीनच कडी केली.   

जिल्हा परिषदेची मे महिन्यातील तहकूब सर्वसाधारण सभा सोमवारी (ता. २४) झाली. उपाध्यक्ष शिवानंद पाटील अध्यक्षस्थानी होते. बांधकाम सभापती विजय डोंगरे, कृषी सभापती मल्लिकार्जून पाटील, महिला बालकल्याण सभापती रजनी देशमुख, समाजकल्याण सभापती शीला शिवशरण, मुख्य कार्यकारी अधिकारी डॉ. राजेंद्र भारुड या वेळी उपस्थित होते. 

या सभेलाही जिल्हा परिषदेचे अध्यक्ष संजय शिंदे गैरहजर होते. लोकसभा निवडणूक आचारसंहितेमुळे अर्थसंकल्प प्रशासनाने मांडला. पण, सदस्यांना विश्वासात न घेतल्याने काही सदस्यांनी गोंधळ घातला. पण, दुष्काळासारखा विषय या सभेत कोणालाही महत्त्वाचा वाटला नाही. आजही जिल्ह्यात जवळपास १०० हून अधिक जनावरांच्या छावण्या सुरू आहेत. साडेतीनशेहून अधिक पाण्याचे टँकर सुरू आहेत, यावर कोणीच काही बोलले नाही. पण, त्या उलट ग्रामीण भागात कराटे प्रशिक्षणामध्ये खातेप्रमुखांनी टक्केवारी घेतल्याचा आरोप झाला. 

आरोग्य विभागातील कंत्राटी कर्मचाऱ्यांच्या कामावरूनही सदस्यांनी जोरदार प्रहार केला. यामध्ये खातेप्रमुख टक्केवारी घेत असल्याचा आरोप प्रा. सुभाष माने यांच्यासह काही सदस्यांनी केला. आरोग्य केंद्र व ग्रामपंचायतींमध्ये बायोमेट्रिक बसविण्याच्या निर्णयाची अंमलबजावणी होत नाही. बायोमेट्रिक खरेदीतील गैरप्रकाराची चौकशीची मागणी अरुण तोडकर यांनी केली. त्यावर डॅा. भारुड हेही हतबल असल्याचे दिसले. 

दोन तास गोंधळाचे
जिल्ह्यातील शाळांना व्यावसायिक दराने वीजबिल दिले जाते. ४७ लाखांची वीजबिल थकबाकी आहे. त्यामुळे ४०० शाळांमधील वीजपुरवठा बंद असल्याचा प्रश्नही तोडकर यांनी उपस्थित केला. बजेटवरील चर्चाही दूरच राहिली. पण, यासारख्या अनेक विषयांवर सदस्य नुसताच गोंधळ घालत असल्याचे चित्र होते. पहिले दोन तास फक्त गोंधळातच गेले.


इतर ताज्या घडामोडी
आव्हानाला सामोरे जाण्यासाठी शेतकरी...हवामान बदलाच्या समस्येला सामोरे जाण्यासाठी शेतकरी...
खानदेशात कमाल तापमानात ९ अश सेल्सिअसने...जळगाव  : भर दुपारीही अंगात हुडहुडी भरविणारी...
फ्लॉवर रोपांना कंदच आले नाही;...नाशिक : ‘‘नाशिक शहराजवळील विविध गावांमध्ये...
'जलयुक्त शिवार' सामूहिक चळवळीतून...जळगाव : ‘महाराष्ट्र शासनाने सुरू केलेली...
वाशीममध्ये मूग, उडीद नुकसानग्रस्तांना...वाशीम  ः जिल्ह्यात या खरीप हंगामात नुकसान...
औरंगाबाद, जालना जिल्ह्यांत केंद्रांवरील...औरंगाबाद : बाजारात हमी दरापेक्षा कमी दराने तुरीची...
ग्रामीण भागात आरोग्यसेवा द्या : भगतसिंह...नाशिक : महाराष्ट्र आरोग्य विज्ञान...
रत्नागिरी दूध संघाकडून १ कोटी २० लाख...रत्नागिरी : जिल्ह्यातील दूध उत्पादक शेतकऱ्यांसाठी...
नांदेड, परभणी जिल्ह्यांतील चाळीस...नांदेड : महात्मा जोतिराव फुले शेतकरी कर्जमुक्ती...
सांगली, कोल्हापूरसाठी विशेष पॅकेज : डॉ...सांगली : ‘‘महापूराने सांगली, कोल्हापूर जिल्ह्याचे...
वीज दरवाढीबाबत चार फेब्रुवारीला हरकती...मसूर, जि. सातारा ः महावितरणचा २०.४ टक्के वीज...
नियमित कर्ज फेडणाऱ्या शेतकऱ्यांचीही...मेढा, जि. सातारा : नियमित कर्जफेड करणाऱ्या...
कुलगुरू डॉ. विलास भाले यांना हरितरत्न...अकोला  ः नवी दिल्ली येथील अखिल भारतीय कृषी...
अकोले तालुका गैरव्यवहार प्रकरणी तीन...नगर ः अकोले तालुक्‍यातील पाच ग्रामपंचायती व...
मोहोळ येथे शेतकऱ्यांनी बॅंक...मोहोळ, जि. सोलापूर : अतिवृष्टीमुळे मोहोळ तालुक्‍...
बॅंकांनी रोखली गटशेतीची वाट :...नागपूर  ः गटशेती योजनेचे अनुदान ६०...
हवामान बदल सहनशील वाण संशोधनाला मिळणार...परभणी: बदलत्‍या हवामानात शाश्‍वत उत्‍पादन...
ग्रामपंचायतींमध्ये राष्ट्रीयदिनी...मुंबई ः राज्यातील सर्व ग्रामपंचायती, पंचायत...
अल्पसंख्यांक समाजामुळे सत्ता परिवर्तन ः...मुंबई : महाराष्ट्रात झालेल्या निवडणुकीत मुस्लिम...
शंकरराव चव्हाण यांच्या...नांदेड ः नांदेडचे नगराध्यक्ष ते...