agriculture news in marathi, solar power project will implement in Colleges, nagpur, maharashtra | Agrowon

`माफसू`ची महाविद्यालये उजळणार सौरऊर्जेने
टीम अॅग्रोवन
सोमवार, 1 ऑक्टोबर 2018

माफसूअंतर्गत असलेल्या सर्वच महाविद्यालयांत सौरऊर्जा प्रकल्प कार्यान्वीत होणार आहे. नागपुरातील पशुवैद्यक महाविद्यालयापासून याची सुरवात केली आहे. राज्यातील इतर महाविद्यालयाच्या इमारतींवरदेखील ही यंत्रणा बसवण्यात येईल. त्या माध्यमातून विजेवरील खर्च कमी होण्यास मदत मिळेल.
- डॉ. आशिष पातूरकर, कुलगुरू, महाराष्ट्र पशू व मत्स्य विज्ञान विद्यापीठ, नागपूर.

नागपूर  ः विजेवरील खर्च कमी करण्यासाठी महाराष्ट्र पशू व मत्स्य विज्ञान विद्यापीठाने सौरऊर्जेला प्राधान्य दिले आहे. त्याअंतर्गत राज्यातील सर्वच महाविद्यालयांच्या छतावर सौर पॅनल बसवून वीजनिर्मिती केली जाणार आहे. या महत्त्वाकांक्षी प्रकल्पाची सुरवात नागपूर पशुवैद्यक महाविद्यालयातून करण्यात आली आहे.

महाराष्ट्र राज्य पशू व मत्स्य विज्ञान विद्यापीठ अंतर्गत राज्यात सहा पशुवैद्यक महाविद्यालये आहेत. यातील पाच पदवी महाविद्यालये असून, अकोला येथे एकमेव पदव्युत्तर महाविद्यालय आहे. उदगीर व नागपूर येथे दोन मत्स्यविज्ञान, तसेच नागपूर व पुसद (जि. यवतमाळ) येथे डेअरी तंत्रज्ञान महाविद्यालय आहे. या महाविद्यालयात होणाऱ्या पारंपरिक विजेवर लाखो रुपयांचा खर्च वर्षाकाठी विद्यापीठ प्रशासनाला करावा लागतो. वाणिज्यिक वापराची वीज आकारणी महावितरणकडून महाविद्यालयांना केली जाते. त्यामुळे हा खर्च अधिकच वाढतो.

त्यावर उपाय म्हणून माफसू प्रशासनाने सौरऊर्जेवर वीजनिर्मितीचा महत्त्वाकांक्षी प्रकल्प हाती घेतला आहे. पुणे येथील एका कंपनीमार्फत हे काम निशुल्क करून दिले जाणार आहे. संबंधित कंपनीला केंद्र शासनाच्या अपारंपरिक व ऊर्जास्त्रोत मंत्रालयाच्या वतीने या कामाचा निधी दिला जाईल. त्यामुळे माफसूवर अतिरिक्‍त खर्चाचादेखील बोजा पडणार नाही, असे सूत्रांनी सांगितले.

सौर पॅनलच्या माध्यमातून मिळणारी वीज महावितरणच्या फिडरला दिली जाईल; त्यानंतर महावितरणकडून तीन रुपये २६ पैसे युनिटने माफसू परत वीज खरेदी करेल. यापूर्वी प्रतियुनिट १० रुपयांपेक्षा अधिक पैसे वीज वापरापोटी खर्ची होत होते.  याप्रकल्पामुळे विजेवरील खर्चात मोठी बचत होणार आहे.
 

इतर ताज्या घडामोडी
तातडीने पंचनामे पूर्ण करून अहवाल...बुलडाणा : जिल्ह्यात झालेल्या मुसळधार अवकाळी व...
काढणीपश्चात नुकसान टाळण्यासाठी...फळे आणि भाजीपाल्याची टिकवण क्षमता वाढविण्यासाठी...
भात, नागली पिकांचे ११ हजार हेक्टरवर...रत्नागिरी ः क्यार वादळाच्या प्रभावामुळे झालेल्या...
वैयक्तिक कौशल्य विकास प्रशिक्षणाचे...अकोला ः केंद्र शासन पुरस्कृत पंतप्रधान कौशल्य...
नागपूर : रिक्‍त पदांमुळे वाढली कृषी...नागपूर ः मॉन्सूनोत्तर पावसामुळे झालेल्या...
नाशिक : रब्बी हंगामाच्या क्षेत्रात ३०...येसगाव, जि. नाशिक ः दमदार पावसामुळे गाव व परिसरात...
बियाणे कंपन्यांचे हित जपण्यासाठीच...यवतमाळ ः केंद्र सरकार बियाणे अधिनियमात सुधारणा...
सातारा : पंचनाम्याचा फेरा नको; सरसकट...सातारा  ः जिल्ह्यात पावसाने अक्षरश: थैमान...
तीन जिल्ह्यांतील शेतकऱ्यांना तारण...नांदेड  ः  २०१८-१९ या वर्षात शेतीमाल...
भाजप सत्ता स्थापन करणार नाही :...मुंबई  : आम्हाला सरकार स्थापनेसाठी निमंत्रण...
श्रीगोंदे तालुक्यात पिके गेली; पण...श्रीगोंदे, जि. नगर  : श्रीगोंदा तालुक्यात...
परभणी, हिंगोली जिल्ह्यांत ६१४ क्विंटल...नांदेड : नांदेड, परभणी, हिंगोली जिल्ह्यात किंमत...
`ऊस उत्पादकांवरील अन्याय सहन करणार नाही`कोल्हापूर  ः पूरग्रस्त शेतकऱ्यांच्या नुकसान...
गुलटेकडीत फ्लॉवर, वांगी, गाजराच्या दरात...पुणे ः गुलटेकडी येथील कृषी उत्पन्न बाजार...
वनस्पतींच्या संरक्षणामध्ये कार्यरत...वनस्पतीच्या मुळांमध्ये राहत असलेल्या...
‘एसआरटी’द्वारे कमी पाण्यात अधिक उत्पादन...औरंगाबाद : ‘‘ एसआरटी तंत्रज्ञानाद्वारे जमिनीची...
सांगली जिल्ह्यातील दुष्काळी पट्ट्यातील...सांगली : जिल्ह्यात मॉन्सूनोत्तर पाऊस दमदार झाला....
‘स्वाभिमानी’च्या आंदोलनामुळे विम्याचे...सोलापूर : मंगळवेढा तालुक्‍यातील शेतकऱ्यांचे...
सिंचन विहिरींसाठी त्रास झाल्यास करा...यवतमाळ  ः डॉ. बाबासाहेब आंबेडकर कृषी...
अकोला जिल्ह्यात ३.८४ लाख हेक्टरला...अकोला  ः गेल्या महिन्यात झालेल्या सततचा पाऊस...