Agriculture news in marathi Some brokers try to buy cashew nuts at low rates | Agrowon

कमी दरात काजू खरेदीचा काही दलालांचा प्रयत्न

टीम अॅग्रोवन
बुधवार, 1 एप्रिल 2020

सिंधुदुर्ग ः ‘कोरोना’मुळे निर्माण झालेल्या परिस्थितीचा फायदा उठविण्याचा प्रयत्न जिल्ह्यात काही दलालांकडून सुरू असून शेतकऱ्यांकडून ५० ते ६० रूपये दराने काजू बी खरेदी केली जात आहे. ‘कोरोना’मुळे आणखी दर कमी होईल, अशी भीती दाखवून काजू खरेदी करण्याचा त्यांचा हेतु आहे. दलालांच्या या भूमिकेमुळे शेतकरी चितेंत आहेत.

सिंधुदुर्ग ः ‘कोरोना’मुळे निर्माण झालेल्या परिस्थितीचा फायदा उठविण्याचा प्रयत्न जिल्ह्यात काही दलालांकडून सुरू असून शेतकऱ्यांकडून ५० ते ६० रूपये दराने काजू बी खरेदी केली जात आहे. ‘कोरोना’मुळे आणखी दर कमी होईल, अशी भीती दाखवून काजू खरेदी करण्याचा त्यांचा हेतु आहे. दलालांच्या या भूमिकेमुळे शेतकरी चितेंत आहेत.

जिल्ह्यात उत्पादनक्षम काजूचे क्षेत्र ४९ हजार हेक्टर आहे. काजू हे जिल्ह्यातील एकमेव फळपीक आहे. जे जिल्ह्यातील प्रत्येक तालुक्यात घेतले जाते. त्यामुळे काजूला जिल्ह्याचा आर्थिक कणा मानला जातो. काजू व्यवसायातून जिल्ह्यात बाराशे ते पंधराशे कोटीची आर्थिक उलाढाल होते. परंतु यावर्षी लांबलेला पाऊस आणि वातावरणातील सतत बदल काजू उत्पादनाच्या मुळावर आले आहेत. यावर्षी काजूचे उत्पादन जेमतेम २५ टक्केच येईल, अशी अपेक्षा आहे.

मात्र, असे असले तरी जिल्ह्यात गेल्या महिनाभरापासून काजू उत्पादनाला सुरुवात झाली आहे. अतिशय काटेकोर नियोजन केलेल्या शेतकऱ्यांच्या बागेतून काजूचे चांगले उत्पादन मिळत आहे. साधारणपणे फेब्रुवारीच्या पहिल्या आठवड्यात काजुला १३० ते १४० रूपये दर मिळत होता. त्यानतंर हा दर अखेरपर्यंत सुरू होता. काजू बी खरेदीची जिल्ह्यातील प्रकिया विविध स्तरावर होते. 

अधिकांश काजू खरेदीदार आठवडा बाजारांमध्ये जाऊन करतात. परंतु मार्चच्या पहिल्या आठवड्यांपासून देशात ‘कोरोना’चा प्रादुर्भाव जाणवू लागला. त्यानतंर तत्काळ जिल्ह्यातील आठवडा बाजारांवर निर्बंध घालण्यात आले. त्यामुळे आपसुकच काजू खरेदी थांबली. याचाच फायदा सध्या दलाल घेत आहे. कोरोनामुळे काजु बीचे दर घसरले आहेत. सध्या ५० ते ६० रूपयेच दर आहे, असे सांगून शेतकऱ्यांची फसवणूक करीत आहेत.

येत्या काही दिवसांत अजूनही काजूचे दर कमी होणार आहेत, असे चित्र शेतकऱ्यांसमोर उभे करून अधिकाधिक काजू कमी दराने खरेदी करण्याचा प्रयत्न करीत आहेत. त्यामुळे काही बागायतदार कवडीमोल दराने काजूची विक्री करीत आहेत.

‘कोरोना’चा फायदा उठवित काही दलाल कमी दराने काजू बी खरेदी करीत आहेत. मयताच्या टाळू वरील लोणी लाटण्याचा हा प्रकार आहे. अशा दलालांवर शासनाने कडक कारवाई करणे आवश्‍यक आहे. शेतकऱ्यांनी कुणाही दलालांवर विश्‍वास ठेवू नये.
सुशांत नाईक, काजू उत्पादक शेतकरी

५० ते ६० रूपये काजू बी खरेदी करण्याचे प्रकार जिल्ह्यात काही ठिकाणी सुरू आहेत. परंतु जिल्ह्यातील कुणीही शेतकऱ्यांनी कवडीमोल दराने काजू विक्री न करता काजू बी सुकवून तिची व्यवस्थित साठवणूक करून ठेवावी. काजू विक्री करण्यासाठी अजिबात घाई करू नये. जिल्हा बँक शेतकऱ्यांच्या सोबत आहे.
- अतुल काळसेकर, संचालक, सिंधुदुर्ग जिल्हा बँक


इतर बातम्या
Breaking : मॉन्सून एक्सप्रेस केरळात...पुणे : नैर्ऋत्य मोसमी वारे (मॉन्सून) सोमवारी (ता....
राज्यात नवे २४८७ रुग्ण; सध्या ३४,४८०...मुंबई : राज्यात आज दिवसभरात २४८७ नवीन रुग्णांचे...
राज्य सरकारचे ‘पुनश्‍च हरीओम्’ :...मुंबई : कोरोनाच्या साथीचा प्रादुर्भाव रोखण्यासाठी...
शैक्षणिक वर्ष जूनपासूनच : मुख्यमंत्री...मुंबई : ‘‘शिक्षण हे जीवनावश्यक आहे ते...
अंतिम वर्षाची परीक्षा नाही :...मुंबई : सध्याच्या परिस्थितीत विद्यापीठाच्या...
टोळधाडबाधितांना मदत देणार : पंतप्रधान...नवी दिल्ली : देशातील अनेक भागांत टोळधाडीचे संकट...
पीकविम्याचे कामकाज या महिन्यातपुणे: राज्यातील शेतकऱ्यांना प्रधानमंत्री पीकविमा...
प्रतिबंधित क्षेत्राबाहेरील यंत्रमाग...मालेगाव, जि. नाशिक : ‘‘लॉकडाऊनमुळे यंत्रमागाची...
गोंधळी शिवारात ६२ हजारांचा एचटीबीटी...यवतमाळ ः कृषी विभागाच्या पथकाने अमरावती, यवतमाळ...
लोकांना पूर धोक्‍याची जाणीव करुन द्या ः...भंडारा ः वैनगंगा नदी तसेच इतर नदीकाठावरील खोलगट...
परवानगी नसलेल्या एचटीबीटी बियाण्यांचा...अमरावती ः घरपोच बियाणे वाटपाच्या माध्यमातून...
टोळधाड प्रादुर्भावग्रस्त क्षेत्राला...भंडारा ः भंडारा जिल्ह्यातील टोळधाड...
विदर्भ राज्य आंदोलन समितीचे ७ जूनला...अकोला ः कोरोनामुळे उद्योगधंदे, व्यापार, शेती,...
नांदेड जिल्ह्यात पाच हजारावर...नांदेड : किमान आधारभूत किंमत खरेदी योजनेअंतर्गंत...
शेतकऱ्यांनी डिजिटल व्यासपीठाचा वापर...पुणे ः कोरोनामुळे शेतीक्षेत्राचे चित्र बदलणार आहे...
‘सोयाबीन लागवड तंत्रज्ञान व प्रक्रिये’...परभणी : वसंतराव नाईक मराठवाडा कृषी विद्यापीठातील...
नांदेडमधील कापूस संशोधन केंद्रात...नांदेड : वसंतराव नाईक मराठवाडा कृषी...
नगर अर्बन बॅंकेला चाळीस लाखांचा दंडनगर : नगर अर्बन को-ऑपरेटिव्ह बॅंकेला रिझर्व्ह...
‘कुकडी’चे उन्हाळी आवर्तन सहा जूनला...नगर : ‘कुकडी’च्या उन्हाळी आवर्तनासाठी पुणे येथे...
दुग्ध व्यवसायाने घराला आधारशेतीपूरक व्यवसायामध्ये दुग्ध व्यवसाय पूर्वीपासूनच...