पुणे : माॅन्सून दाखल होण्यासाठी पोषक हवामान तयार झाल्याने तळ कोकणात आजपासून (ता. ५) मुसळधार पाऊस पडण्याचा इशारा देण्यात आला; तर मध्य महाराष्ट्र आणि मराठवाड्यात वादळी वाऱ्यासह पावसाचा अंदाज आहे. बुधवारपासून (ता.६) कोकणासह मध्य महाराष्ट्र, मराठवाड्यातही पावसाचा जोर वाढणार असल्याचे हवामान विभागाने स्पष्ट केले आहे. केरळ, कर्नाटकच्या किनारपट्टीलगत असलेली चक्राकार वाऱ्याची स्थिती, मॉन्सूनच्या वाटचालीस तयार झालेले हवामान, अरबी समुद्रावरून होत असलेला बाष्पाचा पुरवठा असल्याने किनारपट्टीलगत ढगांची दाटी झाली आहे. सोमवारी (ता. ४) सायंकाळी तळ कोकणातील सिंधुदुर्ग, रत्नागिरी, कोल्हापूरमध्ये जोरदार पावसाला सुरवात झाली होती. उद्यापासून कोकण, मध्य महाराष्ट्र, मराठवाड्यात; तर शुक्रवारपासून (ता. ८) विदर्भात पाऊस जोर धरणार असल्याचे हवामान विभागाने स्पष्ट केले. राज्यात गेल्या काही दिवसांपासून सुरू असलेल्या पूर्वमोसमी पावसाची धार सुरूच आहे. राज्यात सर्वदूर हलक्या ते मध्यम सरी पडत आहेत. सोमवारी (ता. ४) सकाळपर्यंतच्या २४ तासांमध्ये कोकण, मध्य महाराष्ट्रात अनेक ठिकाणी; तर मराठवाडा, विदर्भात तुरळक ठिकाणी पावसाने हेजरी लावली. कोकणातील रत्नागिरीच्या शिरगाव, मंडणगड, सिंधुदुर्गमधील मालवण, मध्य महाराष्ट्रातील साताऱ्याच्या माळवडी, सांगलीतील भाळवणी, ताकारी, वांगी, चिंचणी, मराठवाड्यातील औरंगाबाद जिल्ह्यातील आंबड, बीडमधील धोंडराई, हिंगोलीतील डेहळेगाव, हट्टा यासह काही ठिकणी पावसाचा जोर अधिक होता.
राज्यात विविध ठिकाणी पडलेला पाऊस :
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.