बीजप्रक्रिया करूनच बियाण्यांची पेरणी करा : डॉ. प्रवीण चव्हाण

बीजप्रक्रिया करूनच बियाण्यांची पेरणी करा : डॉ. प्रवीण चव्हाण
बीजप्रक्रिया करूनच बियाण्यांची पेरणी करा : डॉ. प्रवीण चव्हाण

उस्मानाबादः शेतकऱ्यांनी सोयाबीनची पेरणी करताना बिजप्रक्रिया करूनच पेरणी करावी, असे आवाहन कृषी महाविद्यालयाचे सहायक प्रा. डॉ. प्रवीण चव्हाण यांनी केले. दहिफळ (ता. कळंब) येथे `अॅग्रोवन` आणि `स्मार्टकेम टेक्‍नॉलॉजीज लि.` यांच्या संयुक्त विद्यमाने `सोयाबीन व ऊस पीक व्यवस्थापन` या विषयावर ॲग्रोवन संवाद कार्यक्रमाचे बुधवारी (ता. २०) आयोजन करण्यात आले होते. या वेळी मार्गदर्शक म्हणून ते बोलत होते. नॅचरल शुगरचे संचालक पांडुरंग आवाड, महाधनचे प्रतिनिधी ज्ञानेश्‍वर पंडित, पोपटराव पाटील यांची प्रमुख उपस्थिती होती.

डॉ. चव्हाण म्हणाले, सोयाबीनची उगवण क्षमता वाढावी, पिकाची रोगप्रतिकारक शक्ती वाढावी, यासाठी बियाण्यांवर प्रक्रिया करण्याची गरज असते. यातून हेक्‍टरी उत्पादन वाढीस मदत होते. शिवाय असे पीक कीडरोगास लवकर बळी पडत नाहीत. त्यासाठी बीजप्रक्रिया ही अत्यावशक आहे. या वेळी सोयाबीन व्यवस्थापनावरही त्यांनी सविस्तर मार्गदर्शन केले. उसाच्या दोन ओळींतील अंतर पाच ते सात फूट ठेऊन लागवडीचा खर्च कमी करावा. तसेच यातून उत्पादन वाढही चांगली मिळते. त्यामुळे ऊस उत्पादकांनी अशा लहान गोष्टीचे तंतोतंप पालन करावे. कमी खर्चात जास्तीचे उत्पादन मिळविण्यासाठी शेतकऱ्यांनी प्रयत्न करावेत, असे आवाहन नॅचरल शुगरचे संचालक तथा कृषिभूषण पांडुरंग आवाड यांनी केले.

खत, तण व्यवस्थापन करून ठिबकद्वारेच उसाला पाणी देणे गरजेचे असल्याचेही आवाड या वेळी म्हणाले. वसंत भातलवंडे, दत्तात्रेय कुटे, गंगाधर ढवळे, गोरख कागदे, भास्कर मते, पंढरीनाथ काळे, आश्रुबा भातलवंडे, नारायण काळे, नारायण भातलवंडे आदी शेतकरी उपस्थित होते. कार्यक्रमासाठी बालाजी भातलवंडे, लक्ष्मण कास्ते, रोहित थोरवे, यांनी पुढाकार घेतला. ॲग्रोवनचे प्रतिनिधी बालाजी थोडसरे यांनी प्रास्ताविक करून सूत्रसंचालन केले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com