agriculture news in Marathi sowing after good rain Maharashtra | Page 2 ||| Agrowon

पेरणीची घाई नको : कृषी आयुक्तालय

टीम अॅग्रोवन
मंगळवार, 15 जून 2021

राज्यात खरीप हंगामाच्या पार्श्वभूमीवर शेतकऱ्यांनी पूर्वमशागतीची कामे करावीत; मात्र ८० ते १०० मिलिमीटर इतका पाऊस झाल्याशिवाय पेरणी करू नये, असा सल्ला कृषी आयुक्तालयाने दिला आहे.

पुणेः राज्यात खरीप हंगामाच्या पार्श्वभूमीवर शेतकऱ्यांनी पूर्वमशागतीची कामे करावीत; मात्र ८० ते १०० मिलिमीटर इतका पाऊस झाल्याशिवाय पेरणी करू नये, असा सल्ला कृषी आयुक्तालयाने दिला आहे. 

गेल्या आठ दिवसांपासून राज्याच्या विविध भागांमध्ये कमी-अधिक प्रमाणात पाऊस पडत आहे. परंतु, पावसाचे प्रमाण सर्वत्र सारखे नाही. कोकण सोडून इतर ठिकाणी तुरळक पाऊस होत आहे. त्यामुळे सोयाबीन, तूर ,भुईमूग, मका पिकासाठी पेरणीसाठी आवश्यक असलेली पूर्वतयारीची कामे करावीत, असे आयुक्तालयाचे म्हणणे आहे. 

विदर्भातील धान उत्पादक शेतकऱ्यांनी सध्या भात रोपवाटिकांची पूर्वतयारी चालू ठेवावी. कापूस व सोयाबीन उत्पादकांनी जमिनीच्या प्रकारानुसार पूर्व मशागतीची कामे करावीत. सोयाबीन, कापूस, तूर, उडीद, मूग, मका पिकासाठी नांगरणी व वखराच्या पाळ्या देऊन शेतजमीन तयार करावी, असा सल्ला शेतकऱ्यांना देण्यात आला आहे. 

सूत्रांच्या म्हणण्यानुसार, राज्यात १४ जूनपर्यंत सरासरी ९६ टक्के पाऊस होत असतो. मात्र, यंदा तो १२० टक्के झालेला आहे. गेल्या वर्षी याच कालावधीपर्यंत ११७ टक्के पाऊस झाला होता. कोकण, औरंगाबाद, अमरावती विभागात १०० टक्क्यांपेक्षा जास्त पाऊस झालेला आहे. अर्थात, पुणे विभागात ७५ टक्के तर नाशिक विभागात ४६ टक्के तर नागपूर विभागात आतापर्यंत झालेला पाऊस ८६ टक्के आहे. 

शेतकऱ्यांनी कोल्हापूर विभागात १२ हजार हेक्टरवर खरीप पेरा केलेला आहे. यात धानाचा ९ हजार हेक्टरपेक्षा जास्त धूळपेरा केला आहे. दोन हजार हेक्टरवर सोयाबीनचाही पेरा झालेला आहे. मका, तूर, मूग, उडीद, ज्वारी अशा पिकांच्या ५०० हेक्टरपेक्षा पेरा गेल्या आठवड्यात झालेला होता. 

शेतकऱ्यांनी पुरेसा म्हणजेच किमान ८० ते १०० मिलिमीटर इतका पाऊस झाल्याशिवाय पेरणी करू नये, असा सल्लाही विविध जिल्ह्यांमधील कृषी कार्यालयांकडून दिला जातो आहे. कारण, अपुऱ्या ओलाव्यावर पेरणी केल्यानंतर पावसाचा खंड झाल्यास पेरणी वाया जाऊ शकते. पुरेसा पाऊस झाल्यास खंड पडला तरी पीक तग धरू शकते. त्यामुळे शेतकऱ्यांनी पेरणीची घाई करू नये, असे कृषी विभागाचे म्हणणे आहे. 

उन्हाळी लागवड दुप्पट 
राज्यात यंदा उन्हाळी हंगामातील पेरा २०० टक्क्यांच्या पुढे गेला आहे. उन्हाळी पिकांचा पेरा सरासरी पावणे दोन लाखाच्या आसपास होत असतो. यंदा हाच पेरा गेल्या आठवडयापर्यंत चार लाख हेक्टरच्या पुढे गेला होता. यात उन्हाळी भात, भुईमूग, सूर्यफूल, ज्वारी,बाजरी, मका पिकाचा समावेश होता. सध्या या पिकांची काढणी अंतिम टप्प्यात आहे. 
 


इतर बातम्या
'लासलगाव'च्या कांद्याला टपाल पाकिटावर...नाशिक : कांदा पिकासाठी लासलगाव परिसराची राष्ट्रीय...
नाशिक जिल्ह्याच्या पश्चिम भागात पावसाची...नाशिक : जिल्ह्यात पावसाने ओढ दिल्यानंतर पुन्हा...
तापी, वाघूर, गिरणा नदीला पुन्हा पूरजळगाव  : जिल्ह्यात महत्त्वाच्या मानल्या...
मराठवाड्यात शेतीपिकांची पुन्हा दैनाऔरंगाबाद : मराठवाड्यात पुन्हा एकदा मंगळवारपासून (...
‘येलदरी’च्या १०, ‘सिद्धेश्‍वर’च्या १२...परभणी ः परभणी, हिंगोली जिल्ह्यांत बुधवारी (ता. २२...
‘मांजरा’ ४२ वर्षांत पंधरा वेळा भरलेलातूर ः लातूर, उस्मानाबाद आणि बीड जिल्ह्यांच्या...
परभणी : ‘ई-पीक पाहणी’वर ७७ हजार...परभणी ः ‘‘ई-पीक पाहणी मोबाईल ॲपद्वारे यंदाच्या...
पुण्यातील धरणांच्या पाणलोटात पावसाचा...पुणे : गेल्या दोन दिवसांपासून धरणक्षेत्रात...
कापूस खरेदी नोव्हेंबरच्या पहिल्या...मुंबई : राज्यातील हंगाम २०२१-२२मधील शासकीय कापूस...
साताऱ्यात ई-पीक पाहणीस अल्प प्रतिसाद सातारा : सातारा जिल्ह्यात ई-पीक पाहणी प्रक्रियेस...
मराठवाड्यात पाऊस उठला पिकांच्या मुळावरऔरंगाबाद : आधी पावसाचा लहरीपणा आणि आता अतिपावसाने...
विदर्भात सोयाबीनला फुटले कोंब नागपूर : संततधार तसेच काही भागांत झालेल्या...
‘पीएम किसान’, ‘ई-पीक’चा तिढा सुटलापुणे ः महसूल व कृषी खात्यात तयार झालेल्या...
बुलडाण्यात ७४ टक्के शेतकऱ्यांना मिळाले...बुलडाणा : यंदाच्या खरीप हंगामासाठी नियोजित...
नांदेड : पीकविमा कंपनीच्या विरोधात धरणे...नांदेड : मुखेड तालुक्यात इफ्को टोकियो पीकविमा...
जनावरांचे बाजार कोल्हापुरात सुरू कोल्हापूर : कोरोनामुळे बंद असलेले जनावरांचे बाजार...
अकोला : पावसामुळे सोयाबीन, कापूस...अकोला : आठवडाभराच्या विश्रांतीनंतर या भागात...
नागपुरात पीक नुकसानीचे  पंचनामे सुरू...नागपूर : गेल्या काही दिवसांत नागपूर जिल्ह्यात...
द्राक्षशेतीत हवी कृत्रिम बुद्धिमत्ता ः...पुणे ः देशाच्या द्राक्षशेतीला आधुनिक वळण...
राज्यात जोरदार पावसाची शक्यतापुणे : राज्यात पावसाने सर्वदूर समाधानकारक हजेरी...