Agriculture news in marathi, Sowing is complete in Yeola; Dandi is just rain | Agrowon

येवल्यात पेरण्या पूर्ण; पावसाची मात्र दांडी

टीम अॅग्रोवन
शनिवार, 14 जुलै 2018

येवला, जि. नाशिक  : यंदाच्या खरीप हंगामात येवला तालुक्यात ९९ टक्के पेरण्या झाल्या आहेत. मात्र, पावसाने हुलकावणी दिल्याने उगवलेल्या पिकांवर पाण्याअभावी विपरित परिणाम होत आहे. यंदाच्या हंगामात मका पेरणी सर्वाधिक असून मागील वर्षीच्या तुलनेत यंदा तालुक्यातील मूग व सोयाबीनचे क्षेत्रही वाढले आहे.

येवला, जि. नाशिक  : यंदाच्या खरीप हंगामात येवला तालुक्यात ९९ टक्के पेरण्या झाल्या आहेत. मात्र, पावसाने हुलकावणी दिल्याने उगवलेल्या पिकांवर पाण्याअभावी विपरित परिणाम होत आहे. यंदाच्या हंगामात मका पेरणी सर्वाधिक असून मागील वर्षीच्या तुलनेत यंदा तालुक्यातील मूग व सोयाबीनचे क्षेत्रही वाढले आहे.

जमिनीतील ओल आणि पुढच्या पावसावर नजर ठेवून शेतकऱ्यांनी पेरण्या उरकल्या आहेत. माॅन्सूनपूर्व रोहिणीनंतर मृगाने संपता संपता, तर त्यानंतरच्या आर्द्राच्या आलेल्या पावसावर पेरणीची सुरवात झाली. येवला तालुक्याचे खरीप हंगामासाठीचे एकूण सर्वसाधारण क्षेत्र ५४ हजार २३३ हेक्टर आहे. त्यापैकी ५४ हजार १०५ हेक्टर क्षेत्रात आजवर खरीप पेरणी झाली आहे. मक्यानंतर तालुक्यात कपाशीची अधिक लागवड झाली आहे.

यंदा तालुक्यात कपाशीचे क्षेत्र घटल्याचे स्पष्ट दिसत आहे. गतवर्षीचा बोंड अळीचा फेरा, त्यातून घटलेले एकरी उत्पादन, याचा हा परिणाम मानला जात आहे. यंदाच्या हंगामात सोयाबीन, मूग, भुईमूग, तूर, उडीद या खरीप पिकांची त्यांच्यासाठीच्या सर्वसाधारण क्षेत्रापेक्षा अधिक पेरणी झाल्याचे दिसत आहे. बाजरीची पेरणी निम्म्याने घटली आहे. मक्याचे उत्पादन लवकर हाती येते. पुढील कांदा लागवडीसाठी रान लवकर मोकळे होते. त्यामुळेच शेतकऱ्यांनी मका पेरणीस प्राधान्य दिले आहे.

गेल्या काही दिवसांपासून पावसाने उघडीप दिल्याने उगवणीच्या वाटेवर असलेल्या पिकांची वाढ होत नसल्याचे चित्र आहे. पावसाचे दमदार आगमन लवकर झाले तरच शेतकऱ्यांसमोर उभे ठाकलेले दुबार पेरणीचे संकट दूर होणार आहे.


इतर बातम्या
सोशल मिडीयावर ‘#ओला_दुष्काळ’ ट्रेंडनांदेड : राज्यात अतिवृष्टीमुळे उद्भवलेल्या पूर...
वातावरणातील धुलिकणांचे प्रमाण वाढतेय...पठारी प्रदेशात वातावरणातील धुलिकणांची पातळी...
राज्याबरोबर केंद्राच्या मदतीची गरजः शरद...उमरगा, जि. उस्मानाबाद: नैसर्गिक आपत्तीच्या...
साताऱ्यात पावसाने बटाटा पीक गेले वाहूनविसापूर, जि. सातारा ः पुसेगावसह (ता. खटाव)...
परभणी जिल्ह्यात सव्वा लाख हेक्टर...परभणी ः यंदाच्या पावसाळ्यात जून ते ऑक्टोबर...
`समृद्धी`वर उभारणार गोदामे, शीतगृहे पुणेः मराठवाडा आणि विदर्भातील शेतकऱ्यांना शेतमाल...
दोन लाख रुपयांवरील थकबाकीदारांना...शिराढोण, जि. उस्मानाबाद ः दोन लाख रुपयांपेक्षा...
पुण्यातील फूल बाजाराच्या कामाला गती पुणे: पुणे कृषी उत्पन्न बाजार समितीच्या वतीने...
पुणे जिल्ह्यात अठरा हजार हेक्टरवर...पुणे ः गेल्या तीन दिवसांपासून पावसाने काहीशी...
मदतीची घोषणा, की आश्वासनांनी बोळवण?...सोलापूर ः जोरदार पाऊस आणि पुराच्या तडाख्याने...
नगरमध्ये रब्बी ज्वारीचे तीन हजार...नगर ः रब्बी ज्वारीचे सुधारित बियाणे पेरणी होऊन...
धानाला १००० रुपये बोनस द्या;...भंडारा : निविष्ठांच्या दरात झालेली वाढ, कीड...
अमरावती जिल्ह्यासाठी २१४ कोटींची मागणीअमरावती : संततधार पाऊस, ढगाळ वातावरण, कीडरोगाचा...
राजारामबापू कारखाना उसाचे २५ लाख टन...इस्लामपूर, जि. सांगली : राज्याचे जलसंपदामंत्री,...
ऊस तोडणी हंगामात पावसाचा अडथळाकोल्हापूर : शासनाने गुरुवार (ता. १५) पासून ऊस...
नाशिक जिल्ह्यात हमीभावाने होणार बाजरी...येवला, जि. नाशिक : शासकीय भरड धान्य खरेदी...
शेतकऱ्यांनी आधुनिक शेतीकडे वळावे ः डॉ....आळसंद, जि. सांगली :  शेतकऱ्यांनी आता...
राज्यात ठिकठिकणी जोरदार पाऊस पुणेः राज्यातील पावसाचा प्रभाव कमी...
केळी निर्यातीसाठी ‘बनानानेट’च्या...नागपूर: राज्यातून केळीची निर्यात वाढल्यानंतर आता...
देशातील सूतगिरण्या ९५ टक्के क्षमतेने...जळगाव ः देशातील सुमारे ७१५ सूतगिरण्या ९५ टक्के...