Agriculture news in marathi, Sowing on nine thousand 971 hectares in Parbhani district | Page 2 ||| Agrowon

परभणी जिल्ह्यात नऊ हजार ९७१ हेक्टरवर पेरणी

टीम अॅग्रोवन
शनिवार, 16 नोव्हेंबर 2019

परभणी : जिल्ह्यात यंदाच्या रब्बी हंगामात गुरुवार (ता.१४) पर्यंत ९ हजार ९७१ हेक्टर (३.५९ टक्के) क्षेत्रावर रब्बीची पेरणी झाली आहे. अजून जमीन वाफशावर नसल्यामुळे, खरिपाची सुगीची कामे सुरु असल्यामुळे पेरणी लांबणीवर पडली आहे. सिंचनासाठी पाणी उपलब्ध झाल्यामुळे, जमिनीत ओलावा उपलब्ध असल्यामुळे यंदा रब्बीच्या क्षेत्रात वाढ अपेक्षित आहे.

परभणी : जिल्ह्यात यंदाच्या रब्बी हंगामात गुरुवार (ता.१४) पर्यंत ९ हजार ९७१ हेक्टर (३.५९ टक्के) क्षेत्रावर रब्बीची पेरणी झाली आहे. अजून जमीन वाफशावर नसल्यामुळे, खरिपाची सुगीची कामे सुरु असल्यामुळे पेरणी लांबणीवर पडली आहे. सिंचनासाठी पाणी उपलब्ध झाल्यामुळे, जमिनीत ओलावा उपलब्ध असल्यामुळे यंदा रब्बीच्या क्षेत्रात वाढ अपेक्षित आहे.

जिल्ह्यात यंदा रब्बी हंगामात २ लाख ७७ हजार ३६७ हेक्टरवर पेरणी प्रस्तावित आहे. यामध्ये ज्वारी १ लाख ५९ हजार ७८ हेक्टर, गहू ३० हजार ४७६ हेक्टर, हरभरा ५३ हजार २६४ हेक्टर, जवस १ हजार १९९ हेक्टर, सूर्यफुल १ हजार ९३ हेक्टर या पिकांचा समावेश आहे. ऑक्टोबर महिन्यात ज्वारी, करडई, हरभऱ्याची, तर नोव्हेबरमध्ये गव्हाची पेरणी केली जाते. परंतु यंदा ऑक्टोबरमध्ये दुसऱ्या पंधरावाड्यापासून नोव्हेबरच्या अनेक भागांत पाऊस सुरू राहिला. त्यामुळे खरिपाच्या सुगीसोबतच रब्बीची पेरणी रखडली. 

सप्टेबरच्या अखेरीस आणि ऑक्टोबरच्या सुरुवातीस मूग, उडीद, तसेच लवकर काढणी झालेल्या सोयाबीननंतर सेलू, मानवत, पाथरी, परभणी तालुक्यातील काही गावातील शेतकऱ्यांनी ज्वारी, हरभऱ्याची पेरणी केली. परंतु सततच्या पावसामुळे उगवलेल्या ज्वारीच्या पिकामध्ये पाणी साचून राहिल्याने पीक पिवळे पडले, वाढ खुंटली आहे. हरभऱ्याची उगवण व्यवस्थितीत झाली नाही. त्यामुळे अनेक शेतकऱ्यांना दुबार पेरणी करावी लागत आहे.

जिल्ह्यामध्ये गुरुवार (ता.१४) पर्यंत एकूण ९ हजार ९७१ हेक्टरवर परेणी झाली. पेरणी क्षेत्रामध्ये ज्वारीची ८ हजार १०९ हेक्टर (५.१० टक्के), हरभऱ्याची १ हजार ७९८ हेक्टर (३.३९ टक्के), करडईची ६४ हेक्टरवर (०.२५ टक्के) पेरणी झाली.

तालुकानिहाय  पेरणी क्षेत्र (हेक्टरमध्ये)

तालुका सर्वसाधारण क्षेत्र पेरणी  टक्केवारी
परभणी  ७४३५५ १३५२ १.८२
जिंतूर २६६६९ १९५० ७.३१
सेलू ३८५५८ ४२०८ १०.९१
मानवत ९७१६  ३६५ ३.७६
पाथरी २४८४९ १०४८  ७.३१
सोनपेठ १८३१४ २८४ १.५५
गंगाखेड ४३७००  ५०२ १.१५
पालम   १९३२३  ६२ ०.३२
पूर्णा २१८८३ २००  ०.९१

 


इतर ताज्या घडामोडी
नांदेड जिल्ह्यात मूग, उडदाच्या...नांदेड : यंदा खरीप हंगामात जिल्ह्यात मुगाची...
नगरमध्ये ज्वारीवरील लष्करी अळीबाबत...नगर ः ज्वारीवर लष्करी अळी पडल्याने ज्वारीला...
नमुने निकषात, मात्र शेतमालाला मिळतोय...अकोला  ः शेतकरी शेतमाल पिकवतो. मात्र, छोट्या...
आघाडी सरकारचे खातेवाटप दोन दिवसांत ः...मुंबई ः मुख्यमंत्री उद्धव ठाकरे यांच्या...
नांदेड जिल्ह्यात हरभरा पेरणीच्या...नांदेड : जिल्ह्यात बुधवार (ता. ४) पर्यंत एकूण १...
सिंचन घोटाळ्यात अजित पवार निर्दोष;...मुंबई ः राज्यातील बहुचर्चित सिंचन घोटाळ्यात...
साखर कामगारांच्या प्रश्नांकडे लक्ष...पुणे ः साखर कामगारांची अवस्था दयनीय झाली आहे....
गडकरींनी ‘त्या’ पत्रात पंतप्रधानांना...पुणे : राष्ट्रीय फलोत्पादन मंडळाच्या वादग्रस्त...
परभणीत पेरू १५०० ते २५०० रुपये...परभणी : येथील पाथरी रस्त्यावरील फळे भाजीपाला...
उसाला द्या शिफारशीनुसार खतमात्रारासायनिक खते जमिनीवर पसरून न देता चळी घेऊन किंवा...
नियोजन गव्हाच्या उशिरा पेरणीचे बागायत उशिरा पेरणीची शिफारस १६ नोव्हेंबर ते १५...
मधमाशीला हानिकारक कीटकनाशके टाळा : आर....‌अंबाजोगाई : ‘‘शेतकऱ्यांनी मधमाश्यांच्या जाती...
परभणी जिल्ह्यात साडेसहा हजारांवर...परभणी : जिल्ह्यात यंदाच्या रब्बी हंगामात...
सोलापूर : कांदा लिलाव बंद पाडण्याचा डाव...सोलापूर : सोलापूर बाजार समितीमध्ये गेल्या काही...
कोल्हापूर : शेती, घरांच्या नुकसानीसाठी...कोल्हापूर : जिल्ह्यातील अतिवृष्टी आणि...
विज्ञान, अध्यात्माच्या ताकदीने देश विश्...कुंडल, जि. सांगली :  ज्ञान, विज्ञान, संगणक व...
संत्र्याचे विपणनाचे जाळे विणण्याची गरज...अमरावती  ः सांघिक तत्त्वावर संत्रा...
फडणवीसांविरोधात पक्षांतर्गत नाराजांची...मुंबई ः भाजपवर विरोधी पक्षात बसण्याची नामुष्की...
कृषी पदवीधर तरूणांनी समाजासाठी काम...नगर : ‘‘देशात प्रामाणिकपणे काम केलेले अनेक शेतकरी...
फडणवीस सरकारची ३१० कोटींची हमी रद्द...मुंबई ः शिवसेना, काँग्रेस आणि राष्ट्रवादीने एकत्र...