Agriculture news in Marathi Sowing should be done after adequate rainfall | Agrowon

पुरेशा पावसानंतरच पेरणी करावी

टीम अॅग्रोवन
शुक्रवार, 11 जून 2021

अनेक ठिकाणी अद्याप पुरेसा पाऊस झालेला नाही. यामुळे चांगल्या पावसानंतर जमिनीतील पुरेशा ओलाव्याचा विचार करूनच बियाण्यांची पेरणी करावी, असे आवाहन जिल्‍हा अधीक्षक कृषी अधिकारी ज्ञानेश्‍वर बोटे यांनी केले आहे.

पुणे ः राज्यात मॉन्सूनचे दमदार आगमन झाल्यानंतर दोन दिवसांपासून पुणे जिल्ह्यात पावसाने विश्रांती घेतली आहे. तर अनेक ठिकाणी अद्याप पुरेसा पाऊस झालेला नाही. यामुळे चांगल्या पावसानंतर जमिनीतील पुरेशा ओलाव्याचा विचार करूनच बियाण्यांची पेरणी करावी, असे आवाहन जिल्‍हा अधीक्षक कृषी अधिकारी ज्ञानेश्‍वर बोटे यांनी केले आहे.

खरिपाबाबत बोठे म्हणाले, ‘‘जिल्ह्यात ७ जूनअखेर ६३ मिलिमीटर एवढा पाऊस झाला असून, साधारणतः १०० मिलिमीटरपेक्षा जास्त पाऊस झाल्यानंतरच जमिनीतील पुरेसा उपलब्ध ओलाव्यांचा विचार करून वाफसा परिस्थितीत बियाणे पेरणी करण्यात यावी. जिल्ह्याचे खरीप हंगामाचे सरासरी क्षेत्र १ लाख ८४ हजार २७८ हेक्टर आहे. गेल्या हंगामात (२०२०-२१) २ लाख १४ हजार ९७२ हेक्टर क्षेत्रावर भात, बाजरी, मका, मूग, उडीद, सोयाबीन व भुईमूग या मुख्य पिकांची पेरणी झाली होती. जिल्ह्यात सोयाबीन व मका क्षेत्रात वाढ होत आहे. या हंगामात (२०२१-२२) मध्ये २ लाख १९ हजार ७०० हेक्टर क्षेत्रावर मुख्य पिकांच्या पेरणीचे नियोजन करण्यात आले आहे. यासाठी बियाण्‍यांची मागणी २८ हजार ८६ क्विंटल एवढी आहे.’’

महाबीज व खासगी वितरकांकडून एकूण २८ हजार ८६ क्विंटल बियाणे मागणी पैकी २२ हजार ७२१ क्विंटल बियाणे उपलब्ध झाले आहे. जिल्ह्यात तृणधान्य पिकांमध्ये भात हे प्रमुख पिकासाठी १२ हजार ६८८ क्विंटल बियाणे मागणी असून, तुलनेत १३ हजार ९३७ (११० टक्के) बियाणेपुरवठा झाला आहे. वेल्हा, मावळ, मुळशी, भोर, हवेली, जुन्नर, खेड, पुरंदर तालुक्यांत रोपवाटिका तयार करण्यास सुरुवात झाली आहे. तसेच नियोजित केलेल्या क्षेत्रासाठी एकूण २ लाख १४ हजार ८०० टन खताची आवश्यकता असून, जिल्ह्यामध्ये गतवर्षीचा शिल्लक साठा ८९ हजार ७६३ टन व चालू हंगामामध्ये पुरवठा झालेला खतसाठा ४९ हजार २२१ टन अशाप्रकारे एकूण १ लाख ३८ हजार ९८४ टन उपलब्ध झाले आहे. असे बोठे यांनी सांगितले. 

जादा दराने विक्री केल्यास परवाना रद्द 
केंद्र सरकारच्या आदेशानुसार अनुदानित खताच्या अनुदानामध्ये झालेल्या वाढीच्या परिपत्रकानुसार निश्‍चित झालेल्या दरानेच खतांची विक्री करण्यासंबंधी जिल्ह्यातील सर्व खत विक्रेत्यांना सूचना दिल्या आहेत. कोणत्याही विक्रेत्याने जादा दराने विक्री केल्यास कारवाई करण्यात येईल. याबाबत कळविण्याचे आवाहन जिल्हा अधीक्षक कृषी अधिकारी ज्ञानेश्‍वर बोटे (९४२२३८४३८४) यांनी केले. संनियंत्रण कक्षाचा दूरध्वनी क्र. ९४०४९६३९६४, ९४२१३६७०२०, ०२०-२५५३७७१८/२५५३८३१० असा असून, ई-मेल आयडी dsaopune@gmail.com, adozppune@gmail.com असा आहे.


इतर बातम्या
फळपीक विमा योजनेत त्रुटी, गोंधळसोलापूर ः पुनर्रचित हवामान आधारित फळपीक विमा...
पूर्व विदर्भात मुसळधार शक्य पुणे : कोकण ते केरळ दरम्यान असलेले कमी दाबाचे...
पूर्वहंगामी द्राक्षाचे विमा कवच चारपट...नाशिक : गेल्या काही वर्षांत नैसर्गिक आपत्तीमुळे...
‘एचटीबीटी’ बियाण्याची पाळेमुळे...पुणे ः देशात अवैध तणनाशक सहनशील ‘एचटीबीटी’ कापूस...
डाळिंब विमा अर्जासाठी १४ जुलैपर्यंत...सांगली : पंतप्रधान पीकविमा योजनेअंतर्गत पुनर्रचित...
उसासाठी यंदाची ‘एफआरपी’ जाहीर कराकोल्हापूर : यंदाच्या गळीत हंगामातील उसाची एफआरपी...
कांदा व्यापाऱ्याकडून शेतकऱ्याला मारहाण नाशिक : जिल्ह्यातील बाजार समित्यांमध्ये कांद्याची...
शेतीला आधुनिक तंत्रज्ञानाची जोड  ...नाशिक : राज्यात खरीप हंगामास सुरुवात झाली असून,...
अमरावती जिल्हा परिषदेची सभा...अमरावती : पीकविमा भरपाई, समृद्धी महामार्गाच्या...
संत्रा आयात शुल्क कपातीसाठी प्रयत्न करा...नागपूर : विदर्भाचे मुख्य फळपीक असलेल्या...
दूधदरप्रश्‍नी वैजापूर बाजार समितीच्या...औरंगाबाद : दूध उत्पादकांच्या मागण्याच्या...
खेडमध्ये बटाटा लागवडीस वेगचास, जि. पुणे : खेड तालुक्यात बटाटा लागवडीस...
स्थानिक काजूची आवक आजरा तालुक्यात...आजरा, जि. कोल्हापूर : आजरा बाजारपेठेत स्थानिक...
लाभार्थी शेतकऱ्यांचे अनुदान तातडीने अदा...बुलडाणा : शासन शेतकऱ्यांचा जीवनस्तर उंचविण्यासाठी...
पुणे बाजार समितीची ‘प्रादेशिक’ अधिसूचना...पुणे : पुणे बाजार समितीची निवडणूक टाळून सत्ता एका...
कांद्याची २५ दिवसांत विक्रमी अकरा लाख...नाशिक : जिल्ह्यातील कृषी उत्पन्न बाजार...
खानदेशात युरियाप्रश्नी प्रशासनाची धावपळजळगाव :  खानदेशात खरिपाला सुरवात होत असतानाच...
‘डीएससी’त अडथळे  आणल्यास कारवाई करापुणे ः राज्यातील सरपंच व ग्रामसेवकांचे संगणकीय...
खानदेशात बाजार समित्यांचे कामकाज पूर्ववतजळगाव :  खानदेशात बाजार समित्यांचे कामकाज...
विधिमंडळाचे पावसाळी अधिवेशन ५, ६ जुलै... मुंबई : कोरोना संकटाची सध्याची स्थिती पाहता आणि...