agriculture news in Marathi soybean and cotton producers not given crop insurance Maharashtra | Agrowon

कापूस, सोयाबीन उत्पादक विमा कंपन्यांकडून वाऱ्यावर 

टीम अॅग्रोवन
बुधवार, 3 जून 2020

धान उत्पादक ३४ हजार शेतकऱ्यांना सुमारे १३ कोटी ७१ लाख रुपयांची भरपाई पीकविमा कंपन्यांकडून देण्यात आली.

गडचिरोली: धान उत्पादक ३४ हजार शेतकऱ्यांना सुमारे १३ कोटी ७१ लाख रुपयांची भरपाई पीकविमा कंपन्यांकडून देण्यात आली. मात्र त्याचवेळी कापूस व सोयाबीन उत्पादकांना मात्र वाऱ्यावर सोडण्यात आल्याने शेतकऱ्यांमध्ये तीव्र असंतोष व्यक्‍त होत आहे. 

नक्षलप्रवण आदिवासीबहूल आणि दुर्गम अशी ओळख असलेल्या गडचिरोली जिल्ह्यात धान लागवड क्षेत्र सर्वाधीक आहे. नजीकच्या काळात नगदी पीक म्हणून शेतकरी सोयाबीन, कापूस यासारख्या पिकाकडे देखील वळले आहेत. नैसर्गिक संकटातून सावरता यावे याकरीता शेतकऱ्यांव्दारे या पिकांना विमा संरक्षण दिले जाते. त्यासाठी ठरावीक विमा हप्ताही भरण्यात येतो. नैसर्गिक आपत्तीमुळे होणाऱ्या नुकसानीची भरपाई यातून होईल, अशी अपेक्षा त्यांना असते. 

परंतु गेल्या हंगामात या भागातील शेतकऱ्यांना धानाचे झालेल्या नुकसानीची भरपाई देण्यात आली. त्याचवेळी कापूस, सोयाबीन घेणाऱ्या शेतकऱ्यांना मात्र भरपाईपासून डावलण्यात आले. गेल्यावर्षी पीकविम्याबाबत जागृती करण्यात आल्याने शेतकऱ्यांचा या योजनेला मोठा प्रतिसाद मिळाला. २०१९ मध्ये १ हजार ६२ हेक्‍टर क्षेत्रावरील कापूस पिकाचा विमा काढण्यात आला. सोयाबीनचा १०९ हेक्‍टर तर धान पिकाचा सर्वाधीक २८ हजार ३२४ हेक्‍टर क्षेत्राचा विमा काढण्यात आला. विमा हप्ता म्हणून ५ कोटी ५५ लाख रुपयांचा भरणा केला. 

गेल्यावर्षी सर्वाधीक पाऊस झाला. खोलगट भागातील जमिनीत तसेच नदी, नाल्यांच्या काठावर असलेल्या जमिनीत पुराचे पाणी शिरल्याने नुकसान झाले. या नुकसानीचे पंचनामे करुन अहवाल सादर करण्यात आला. त्यानंतर विमा कंपन्यांनी ३४ हजार ६४७ शेतकऱ्यांना १३ कोटी ७१ लाख रुपयांचा विमा दावा मंजूर केला आहे. 

पीक विमा योजनेची स्थिती (क्षेत्र हेक्टरमध्ये) (भरपाई रुपयात) 

पीक शेतकरी संरक्षित क्षेत्र लाभधारक भरपाई 
कापूस १०३९ १०६२.८५ शून्य शून्य 
धान ३५,११० २८३२४.४७ ३४६४७ १३७१.३ 
सोयाबीन ८८ १०९.१ शून्य शून्य 

 


इतर बातम्या
औरंगाबादमध्ये निम्म्याच शेतकऱ्यांची मका...औरंगाबाद  : जिल्ह्यात आधारभूत किमतीने भरड...
वऱ्हाडातील शेतकऱ्यांचा सोयाबीनकडे अधिक...अकोला ः खरिपातील पेरण्या अंतिम टप्प्यात पोचल्या...
औरंगाबाद जिल्ह्यात आठवड्यात १५१ खत कृषी...औरंगाबाद : ‘‘कृषी विभाग व जिल्हा परिषद...
नांदेड, परभणी, हिंगोलीतील १२४ मंडळांत...नांदेड  ः नांदेड, परभणी, हिंगोली जिल्ह्यातील...
दुभत्या जनावरांच्या किमतीतही चाळीस...नगर ः दुधाचे दर कमी-जास्ती झाले की दुभत्या...
‘कृषी अधिकारीच म्हणतात, खतांसंदर्भात...पुणे ः शेतकऱ्यांना खतांची टंचाई भासत आहे. कृषी...
सिंधुदुर्गात मुसळधार सुरूच, पुरस्थिती...सिंधुदुर्ग  ः जिल्ह्यात मुसळधार पाऊस सुरूच...
कोल्हापुरातील छोटे प्रकल्प भरू लागलेकोल्हापूर :  जिल्ह्याच्या पश्चिम भागात पाऊस...
हमाल, मापाडी तोलणारांचे प्रश्‍न सोडवा ः...पुणे ः राज्यातील अनेक भागांत हमाल तोलाईदारांना...
रत्नागिरीत नऊ हजार हेक्टरवर फळबाग...रत्नागिरी  ः कोरोनाच्या सावटातही जिल्ह्यात...
फळपीक विमा योजना शेतकऱ्यांसाठी की कंपन्...नगर : नवीन निकषांप्रमाणे फळपीक विमा योजनेचा लाभ...
‘सारथी’ बंद होणार नाही, आठ कोटींचा निधी...मुंबई : राज्य सरकारने मराठी तरुणांच्या व्यावसायिक...
खते, बी- बियाणे विक्रेत्यांची दुकाने...कोल्हापूर : निकृष्ट बियाणे प्रकरणी बियाणे...
हिंगोली जिल्ह्यात आतापर्यंत ७१.२० टक्के...हिंगोली : जिल्ह्यात यंदाच्या खरीप हंगामात बुधवार...
वऱ्हाडातील अडीच हजारांवर कृषी...अकोला ः कृषी विक्रेत्यांच्या विविध मागण्यांसाठी...
कृषी योजनांचे उद्दिष्ट तीन...नगर ः कृषी विभागातून शेतकऱ्यांसाठी देण्यात...
सोलापूर जिल्ह्याच्या वाट्याला ५६७ कोटी...सोलापूर : महात्मा जोतिराव फुले शेतकरी कर्जमुक्ती...
पीकपद्धतीमधील बदल अधिक लाभदायक ः...अकोला ः रासायनिक खतांचा अवाजवी वापर, मशागतीच्या...
सोलापुरात निकृष्ट सोयाबीन...सोलापूर  ः जिल्ह्यात निकृष्ठ सोयाबीनबाबत...
सोयाबीनची पेरणी खानदेशात वाढलीजळगाव  ः खानदेशात तेलबियांमध्ये सोयाबीनचे...