Agriculture News in Marathi Soybean boom continues | Agrowon

सोयाबीनमधील तेजी कायम 

टीम अॅग्रोवन
मंगळवार, 16 नोव्हेंबर 2021

आवक कमी मात्र मागणी जास्त असल्याने देशातील बाजार समित्यांत सोयाबीन दरात १०० ते १५० रुपयांनी वाढ झाली आहे. तर चीनमध्ये कोरोनाचा वाढता प्रादुर्भाव, वाहतुकीतील अडचणी आणि गाळपातील मार्जिन कमी झाल्याने सोयाबीन आयात घटली आहे.

पुणे ः आवक कमी मात्र मागणी जास्त असल्याने देशातील बाजार समित्यांत सोयाबीन दरात १०० ते १५० रुपयांनी वाढ झाली आहे. तर चीनमध्ये कोरोनाचा वाढता प्रादुर्भाव, वाहतुकीतील अडचणी आणि गाळपातील मार्जिन कमी झाल्याने सोयाबीन आयात घटली आहे. आंतरराष्ट्रीय बाजारात सोमवारी सोयाबीन काहीशी घसरले मात्र फंडामेन्टल्स तेजीला पूरक असल्याचे जाणकारांनी सांगितले. 

देशभरातील बाजार समित्यांमध्ये सोयाबीनच्या दरात १०० ते १५० रुपयांची वाढ झाली आहे. बाजारात सोयाबीनची आवक कमी असून मागणी मात्र वाढत असल्याने सोयाबीनच्या दरात वाढ झाल्याचे सूत्रांनी सांगितले. सोमवारी लातूर बाजार समितीत सोयाबीनला सरासरी ५५५० तर अकोला बाजार समितीत ५४०० रुपये दर मिळाला. हिंगोलीत सरासरी ५३०० रुपये दराने सोयाबीनचे व्यवहार झाले. तर इंदोर बाजार समितीत ५४५० रुपये सरासरी दर मिळाला. शनिवारच्या तुलनेत देशातील जवळपास सर्वंच बाजार समित्यांत १०० ते १५० रुपयांची सुधारणा झाली आहे. 

चीनची आयात घटली 
चीनची सोयाबीन आयात ऑक्टोबर महिन्यात ४१.२ टक्क्यांनी कमी झाली आहे. मार्च २०२० नंतर ऑक्टोबरमध्ये चीनने सर्वांत कमी आयात केली. कोरोनाचा वाढता प्रादुर्भाव, वाहतुकीतील अडचणी आणि गाळपातील मार्जिन कमी झाल्याने चीनमधून सोयाबीनला कमी मागणी येत आहे. चीनने ऑक्टोबर महिन्यात ५१.१ लाख टन सोयाबीन आयात केली. तर त्याआधी ८६.९ लाख टन आयात केली होती. तर सप्टेंबर महिन्यात ६८.८ लाख टन सोयाबीनची आयात झाली होती. चीनने ऑक्टोबरपर्यंत यंदा ७९०.८ लाख टन सोयाबीनची आयात केली आहे.

ही आयात मागील वर्षी याच काळात झालेल्या आयातीच्या तुलनेत ५ टक्क्यांनी कमी आहे. चीनमध्ये कोरोनानंतर वराहपालन उद्योग वाढत असताना सोयापेंडला चांगली मागणी राहील, असे गृहित धरून येथील प्रक्रिया उद्योगाने सुरुवातील मोठी खरेदी केली. सोयाबीन प्रक्रिया मार्जिनमध्ये जून महिन्यात घसरण झाल्यानंतर स्पटेंबर महिन्यात मार्जिन निगेटिव्ह झाले होते. त्यानंतर स्टॉक कमी झाल्याने मार्जिन वाढले. 

सीबॉटवरील दर 
आंतरराष्ट्रीय बाजारात सोमवारी सोयाबीन दरात काहीशी घसरण झाली. मात्र सध्याची परिस्थिती दरवाढीला पूरक असल्याचे जाणकारांनी सांगितले. सोमवारी पाच सत्रांत पहिल्यांदा दर कमी झाले. सोयाबीन फंडामेंटल्स सध्या तेजीसाठी अनुकूल आहे. त्यामुळे दरात झालेली घसरण जास्त काळ टिकाणार नाही, जाणकारांनी सांगितले. सोमवारी सीबॉटवर जानेवारी २०२२चे करार १२.४० डॉलर प्रति बुशेल्सनी झाले आहेत. 

प्रतिक्रिया 

वाशीम बाजार समितीत सोयाबीनला किमान ४५०० रुपये आणि कमाल ६३०० रुपये दर मिळाला. बाजारात दिवाळीनंतर केवळ एक ते दीड हजार पोत्यांनी आवक सुधारली आहे. सध्या बाजारात सात हजार पोत्यांची आवक होत आहे. 
- हरिओम भोयर, सोयाबीन व्यापारी, वाशीम 
 

बाजारात अपेक्षेप्रमाणे आवक वाढली नाही. आवकेत किरकोळ वाढ झाली आहे. लातूर बाजार समितीत सोमवारी ३० हजार पोत्यांच्या दरम्यान आवक झाली. तर सरासरी दर ५५०० रुपये मिळाला. 
- अशोक अगरवाल, सोयाबीन व्यापारी, लातूर 
 

 
 


इतर अॅग्रो विशेष
Weather Alert : थंडीची लाट 'या'...देशातल्या वायव्य भागात थंडी अजून दोन ते तीन दिवस...
भारताच्या गहू निर्यातीची घोडदौड वेगात दक्षिण आशिया आणि दक्षिण पूर्व आशियातील वाढत्या...
Top 5 News: वऱ्हाडात तुरीची आवक वाढली1. देशातल्या वायव्य भागात थंडी अजून दोन ते तीन...
ज्वारीच्या राखणीसाठी कणसाला संरक्षण नेवासे, जि. नगर : रब्बी हंगामातील ज्वारी आता...
मध्य प्रदेशात जैविक नियंत्रकाद्वारे जल...पाण्याचे स्रोत आणि जलाशयांमध्ये वेगाने वाढणाऱ्या...
उत्तर महाराष्ट्राला थंडीचा विळखा पुणे : उत्तर भारतातील गोठविणाऱ्या शीत वाऱ्यांमुळे...
राज्यातील ५१ अधिकारी, कर्मचाऱ्यांना...मुंबई : केंद्रीय गृहमंत्रालयाने प्रजासत्ताक...
‘सीडी रेशो’ घसरलेल्या  जिल्ह्यांमध्ये...पुणे ः कर्जवाटप व ठेवीचे गुणोत्तर (सीडी रेशो)...
खराब झालेल्या सोलर  पॅनेलची नुकसान...गडचिरोली : धानोरा तालुक्यातील गिरोला येथील सुरेश...
रब्बी हंगामात ज्वारी घटली; हरभऱ्याची...पुणे : राज्यात रब्बीच्या ९८ टक्के पेरा पूर्ण झाला...
डिजिटल सात-बारा प्रकल्पातून जगताप यांची...पुणेः देशात चर्चित ठरलेल्या डिजिटल सात-बारा...
बाजारपेठेत नव्या बेदाण्याची प्रतीक्षा सांगली ः गेल्या दोन महिन्यांपासून बेदाण्याला...
ऊसतोडणी रखडल्याने वैभववाडी, उंबर्डेत...सिंधुदुर्गनगरी ः वैभववाडी तालुक्यातील नादुरूस्त...
साताऱ्यात कृषिपंपांची वीज तोडणीचा धडाकासातारा : गेल्या १५ दिवसांपासून ग्रामीण भागात...
विविध वाण, तंत्रवापरातून दर्जेदार...वढोदा (ता.चोपडा, जि.जळगाव) येथील संदीप पाटील...
राज्यात थंडीची लाट पसरणार :...पुणे : पाकिस्तान मार्गे देशाच्या पश्चिम...
गरीब कुटुंबांच्या उत्पन्नात ५३...आर्थिक उदारीकरणानंतर (Economic liberalization)...
आंबा, काजू हंगाम उशिरा सुरू होण्याचा...  वृत्तसेवा - गेल्या आठवड्याच्या शेवटी...
खाद्यतेलातील तेजीचा  सोयाबीनला लाभ...पुणेः देशात पामतेलाची उपलब्धता कमी असल्याने...
तापमानात घट; द्राक्ष मण्यांना तडे नाशिक : रविवारी (ता.२३) रोजी सकाळपासूनच धुके आणि...