Agriculture news in marathi Soybean boom uninterrupted | Agrowon

सोयाबीनची तेजी अबाधित 

टीम अॅग्रोवन
गुरुवार, 8 एप्रिल 2021

यंदा सोयाबीच्या दरांमध्ये झालेली सुधारणा कायम राहण्याची शक्यता आहे. अंदाजापेक्षा उत्पादनात घट झाल्याने पुरवठ्यावर ताण आला आहे. त्याचबरोबर आंतरराष्ट्रीय बाजारातील सोयाबीनच्या दरांमध्ये सुधारणा झाल्याने देशांतर्गत किमतींना आधार मिळतो आहे. 

पुणे ः यंदा सोयाबीच्या दरांमध्ये झालेली सुधारणा कायम राहण्याची शक्यता आहे. अंदाजापेक्षा उत्पादनात घट झाल्याने पुरवठ्यावर ताण आला आहे. त्याचबरोबर आंतरराष्ट्रीय बाजारातील सोयाबीनच्या दरांमध्ये सुधारणा झाल्याने देशांतर्गत किमतींना आधार मिळतो आहे. 

केंद्रीय कृषी मंत्रालयाच्या अंदाजानुसार, यंदा सोयाबीनेचा १३७ लाख टन उत्पादनाचा अंदाज दिला आहे, सोयाबीन प्रोसेसर्स असोसिएशन ऑफ इंडियाने (सोपा) १०४.६ लाख टन उत्पादनाचा अंदाज दिला आहे. असे असले तरी बाजारात होत असलेली आवक बघता, ८० ते ८५ लाख टन इतकाच अंदाज व्यापारी आणि समीक्षकांनी बंधला आहे. गेल्या एक ते दीड महिन्यात, रोजची आवक एक लाख पोत्यांपर्यंतच मर्यादित आहे. 
सोयाबीनला चांगले दर मिळाल्यामुळे येत्या खरीप हंगामात सोयाबीनच्या लागवडीत वाढ होणे अपेक्षित आहे. असे असले तरी नवीन पिकाची आवक ऑक्टोबर आधी सुरू होणार नसल्याने इतक्यातच सोयाबीनचे दर थंडावण्याची शक्यता दिसत नाही. त्याचा परिपाक सोयाबीनच्या देशांतर्गत किमतींवर झाला आहे. एनसीडीईएक्सवरील सोयबीनचे हजर (स्पॉट) भाव ६,५०० रुपयांच्यावर आहेत. मात्र एप्रिलच्या वायद्यांची सध्याची पातळी बघता भावात अजून सुधारणा अपेक्षित नाही. 

मागील आठवड्यात अकोला बाजारपेठेत सोयाबीनला ६,००० रुपयांचा दर मिळाला. तसेच वाशीम बाजार समितीत ६,३५० रुपयांचा उच्चांकी दर मिळाला. वाशीममध्ये दीड हजार क्विंटलपेक्षा अधिक आवक झाली होती. तर अमरावती आणि उमरेड बाजार समितीमध्ये भाव अनुक्रमे ६,००० आणि ६,२०० रुपयांपर्यंत गेले होते. 

सोयाबीनचा आंतरराष्ट्रीय बाजार 
ब्राझीलमधील पीक बाजारात आल्यानंतर सोयाबीनच्या किमती थंडावतील असा अंदाज होता. मात्र आंतरराष्ट्रीय बाजारभाव बघता, तसे होताना दिसत नाही. तसेच मलेशिया, जो पाम तेलाचा मोठा निर्यातदार आहे. तेथे यंदा मजूरटंचाई आणि विपरीत हवामानामुळे पाम तेलाच्या उत्पादनाला फटका बसला आहे. त्यामुळे मलेशियातील पाम तेलाचे साठे घटल्याचा अंदाज रॉयटर्स या वृत्तसंस्थेने दिला आहे. त्यामुळे आंतरराष्ट्रीय बाजारात सोयाबीन आणि सोया तेलाचे भाव तेजीतच आहेत. नोव्हेंबर २०२० ते फेब्रुवारी या काळात भारताची खाद्य तेल आयात ३.७ टक्क्यांनी घटली आहे. यंदा चीनकडूनही सोयाबीनची आयात वाढली आहे. तसेच अर्जंटिनामध्ये उत्पादनात आणि अमेरिकेतील सोयाबीनचे साठ्यांमध्ये घट अपेक्षित आहे. गेल्या काही दिवसांत अमेरिकेतील सोयाबीनच्या दराची पातळी काही प्रमाणात कमी झाली असून, सोयाबीन आता परत १४ डॉलरच्या जवळपास आहे. 

बाजार समिती आवक (क्विंटलमध्ये) किमान कमाल सरासरी 
उद्गिर १४२५ ६३८० ६४८० ६४०० 
कारंजा १४०० ६०५० ६४३० ६२५० 
लातूर ६७६३ ३९६१ ६४५० ६३०० 
अकोला १०५७ ६००० ६३०० ६१५० 
हिंगणघाट १७६६ ५००० ६५५५ ५५७० 
वाशीम २२३१ ६२०० ६५०० ६४०० 
स्रोत : MSAMB (ता: ६ एप्रिल)

इतर अॅग्रोमनी
भारतात होणारी सोयापेंड निर्यात...पुणे : भारत सरकारने जणुकीय सुधारित सोयापेंड...
बेदाण्याला उठाव असल्याने दर स्थिरसांगली ः सणांमुळे बेदाण्याला चांगली मागणी आहे....
खरिपात तेलबिया उत्पादनात घट होणारपुणे : खरीप हंगाम २०२१-२२ मध्ये तेलबिया...
साखरनिर्यातीचे १८०० कोटींचे अनुदान मंजूरकोल्हापूर : केंद्राने २०२०-२१ या हंगामात निर्यात...
देशभरात सोयाबीन ५५०० ते ७३००च्या दरम्यानपुणे : सध्या बाजारात येणाऱ्या सोयाबीनपैकी ज्या...
खाद्यतेल आयात शुल्क  कपातीचा ग्राहकांना...पुणे : केंद्र सरकारने देशांतर्गत वाढत्या...
तूर, उडीद आयात कालावधी वाढविल्याचा होईल...पुणे : केंद्र सरकारने तूर आणि उडीद आयातीसाठीचा...
हळद निर्यात ऑगस्टमध्ये ११ टक्क्यांनी...पुणे : देशात निर्यातयोग्य हळदीचा साठा उपलब्ध आहे...
राज्यात तीन अन्न प्रक्रिया प्रकल्पांचे...नाशिक : राज्यातील तीन अन्न प्रक्रिया प्रकल्पांचे...
केंद्राच्या निर्य़ातीनंतर सोयाबीनच्या...पुणे : केंद्र सरकारने खाद्यतेल आयात शुल्कात कपात...
केंद्र सरकारकडून खाद्यतेल आयात शुल्कात...नवी दिल्ली ः देशात खाद्यतेलाच्या वाढत्या किमतीवर...
वाढत्या मागणीने हरभरा दरात सुधारणापुणे : साठेबाज, व्यापारी आणि मिलर्सवर असलेली...
तूर, मूग, उडीद आयातीची प्रक्रिया सुरू;...पुणे : केंद्र सरकारने पंचवार्षिक करार करून...
रब्बीचे हमीभाव जाहीर : गव्हात ४०; हरभरा...नवी दिल्ली : केंद्र सरकारने रबी हंगामासाठी...
उडीद दरात सुधारणेची चिन्हेपुणे ः गेल्या हंगामात देशात उडदाचे उत्पादन कमी...
बेदाणा दरात प्रतिकिलो २५ ते ३० रुपयांची...सांगली : अफगाणिस्तानात तालिबानी राजवट आल्यामुळे...
जालन्यात रेशीम कोषाला उच्चांकी ५१...जालना : जालना कृषी उत्पन्न बाजार समिती अंतर्गत...
साखरेच्या किमान विक्री दरात वाढ करावी...नागपूर : एफआरपीत वाढ झाली असतानाच साखरेच्या...
सोयाबीन दराची पुन्हा दहा हजारी; दर...पुणे ः गेल्या सप्ताहात सोयाबीन दरात मोठी सुधारणा...
कडधान्याचे गणित पावसावरच अवलंबूनमुंबई : देशात यंदा मॅान्सूनची सुरुवात चांगली झाली...