agriculture news in Marathi soybean got 4311 rupees rate Maharashtra | Agrowon

सोयाबीनला मिळाला ४३११ रुपये दर

टीम अॅग्रोवन
मंगळवार, 13 ऑक्टोबर 2020

पावसाआधी काढणी झालेल्या दर्जेदार सोयाबीनला वाशीम कृषी उत्पन्न बाजार समितीत हंगामातील उच्चांकी ४३११ रुपये दर सोमवारी (ता.१२)मिळाला. 

वाशीम ः सोयाबीन काढणीच्या तोंडावर पाऊस सुरु झाल्याने मालाचे नुकसान होत आहे. पावसाआधी काढणी झालेल्या दर्जेदार सोयाबीनला वाशीम कृषी उत्पन्न बाजार समितीत हंगामातील उच्चांकी ४३११ रुपये दर सोमवारी (ता.१२)मिळाला. बाजारात सुमारे चार हजार पोत्यांची आवक झाली होती. 

काही दिवसांपूर्वी तुरीच्या दरात तेजी आली. त्यापाठोपाठ आता सोयाबीनमध्येही तेजीचे दिवस तयार होत आहेत. प्रामुख्याने या हंगामात तयार झालेले व पावसापासून वाचलेले सोयाबीन बियाणे म्हणून वापरण्यासाठी खरेदी केले जात आहे. सोमवारी वाशीम कृषी उत्पन्न बाजार समितीत चांगल्या सोयाबीनला वाढीव भाव मिळाला. सुमारे दोनशे क्विंटल सोयाबीनला हा दर मिळाला.

या हंगामातील नवीन सोयाबीनची काढणी सुरु असून बाजारपेठेत विक्रीसाठी आवक वाढू लागली आहे. वाशीम जिल्हा सोयाबीन उत्पादनात अग्रेसर मानला जातो. या जिल्ह्यातील दर्जेदार सोयाबीन बियाण्यासाठी अधिक प्रमाणात वापरले जाते. मागील दोन हंगामापासून सोयाबीन काढणीच्या वेळेसच पावसाने हजेरी लावत नुकसान केले. यंदाही सध्या अशीच स्थिती आहे.

सलग पावसामुळे अनेकांचे सोयाबीन सोंगणी होऊनही त्याची सुडी शेतातच पडून आहे. ज्या शेतकऱ्यांचे सोयाबीन पावसाच्या तडाख्यातून सुटले, असा माल आता चांगला भाव खाऊ लागला आहे. सोमवारी वाशीममध्ये कमीत कमी ३८०० व जास्तीत जास्त ४३११ रुपयांचा सोयाबीनला भाव भेटला. ३९७५ पोत्यांची आवक झाली होती.

अकोल्यात सरासरी ३६५० रुपये 
अकोला कृषी उत्पन्न बाजार समितीत सोमवारी सोयाबीनला सरासरी ३६५० रुपये भाव मिळाला. कमीत कमी ३३०० व जास्तीत जास्त ३८२५ रुपये दराने सोयाबीन विकले. ६८७९ पोत्यांची आवक होती.

पावसाचा दर्जावर परिणाम
यंदाचे सोयाबीन मोठ्या प्रमाणात भिजले आहे. रविवारी जिल्हाभर जोरदार पाऊस झाला आहे. अनेक ठिकाणी सोयाबीन सुडी पावसात भिजली. यामुळे सोयाबीनच्या दर्जाला फटका बसू शकतो. परिणामी आगामी काळात दर्जेदार सोयाबीनला वाढीव दर राहतील, असा अंदाज व्यापारी सूत्रांकडून व्यक्त करण्यात आला.


इतर अॅग्रो विशेष
निर्यातीसाठी संत्रा आंबटच!  सुमारे पाच वर्षांपूर्वी बांगलादेशने...
हळद लागवडीसाठी ट्रॅक्टरचलित यंत्रात...नांदेड जिल्ह्यात हळदीकडे नगदी पीक म्हणून शेतकरी...
फळपीक विमा योजनेत त्रुटी, गोंधळसोलापूर ः पुनर्रचित हवामान आधारित फळपीक विमा...
खर्च, जोखीम करणारे नागरे यांचे तीनमजली...शिवणी आरमाळ (जि.. बुलडाणा) येथील कैलास नागरे...
पूर्वहंगामी द्राक्षाचे विमा कवच चारपट...नाशिक : गेल्या काही वर्षांत नैसर्गिक आपत्तीमुळे...
‘एचटीबीटी’ बियाण्याची पाळेमुळे...पुणे ः देशात अवैध तणनाशक सहनशील ‘एचटीबीटी’ कापूस...
डाळिंब विमा अर्जासाठी १४ जुलैपर्यंत...सांगली : पंतप्रधान पीकविमा योजनेअंतर्गत पुनर्रचित...
कांदा व्यापाऱ्याकडून शेतकऱ्याला मारहाण नाशिक : जिल्ह्यातील बाजार समित्यांमध्ये कांद्याची...
संत्रा आयात शुल्क कपातीसाठी प्रयत्न करा...नागपूर : विदर्भाचे मुख्य फळपीक असलेल्या...
राज्यात आठवडाभर हलक्या पावसाची शक्यतापुणे : कोकणसह राज्यातील काही भागांत पावसाने...
देशात सव्वादोन लाख हेक्टरवर हळद लागवडसांगली ः यंदा देशात हळदीची लागवड अंतिम टप्प्यात...
आयातशुल्क वाढीचा संत्रा निर्यातीवर...अमरावती : संत्र्याचा मुख्य आयातदार असलेल्या...
मध्य प्रदेशात सोयाबीनचे क्षेत्र कमी...नागपूर : मध्य प्रदेशात पिवळं सोनं म्हणून ओळखल्या...
प्रक्रिया उद्योगातून ‘सूर्या’ची झळाळी तेलगाव (ता. वसमत. जि. हिंगोली) येथील सूर्या...
संकटांमधून जांभूळ शेती उद्योगाची वाटचालसिंधुदुर्ग जिल्ह्यातील निरुखे येथील अनिरुद्ध...
पावसाचा जोर कमी होणार पुणे : कोकण, कोल्हापूर, सातारा, सांगली, पुणे व...
कोकणात पावसाचा जोर ओसरला पुणे : कोकणात धुमाकूळ घातलेल्या पावसाचा जोर...
सोसायट्यांवर बॅंकिंग सुधारणांचा परिणाम...पुणे ः बॅंकिंग नियमन कायद्यात झालेल्या...
राज्यात ‘एचटीबीटी’च्या ७५ लाख पाकिटांची...पुणे ः बंदी असूनही देशात कपाशीच्या तणनाशक सहनशील...
राज्यातील धरणांत २३४ टीएमसी पाणीसाठानगर ः राज्याच्या एकूण सहा महसूली विभागांतील...