Agriculture news in Marathi Soybean price race continues in Nagpur | Agrowon

नागपुरात सोयाबीन दरातील घोडदौड कायम 

टीम अॅग्रोवन
मंगळवार, 3 ऑगस्ट 2021

कळमणा बाजार समितीत ८००० ते ९४५० रुपये दराने सोयाबीनचे व्यवहार झाले. बाजारात नव्या हंगामातील सोयाबीन येण्यास बराच कालावधी असल्याने दरातील तेजी यापुढील काळात देखील कायम राहण्याचा अंदाज व्यापारी सूत्रांकडून वर्तविण्यात आला. 

नागपूर ः प्रक्रिया उद्योजकांची मागणी वाढल्याने सोयाबीन दरात तेजी अनुभवली जात आहे. गेल्या आठवड्यात वाशीम व लातूर बाजार समितीत सोयाबीनने दहा हजार रुपयांचा पल्ला गाठला होता. सोयाबीन दरातील ही घोडदौड कायम असून कळमणा बाजार समितीत ८००० ते ९४५० रुपये दराने सोयाबीनचे व्यवहार झाले. बाजारात नव्या हंगामातील सोयाबीन येण्यास बराच कालावधी असल्याने दरातील तेजी यापुढील काळात देखील कायम राहण्याचा अंदाज व्यापारी सूत्रांकडून वर्तविण्यात आला. 

खाद्यतेलाची मागणी वाढली आहे. त्यामुळे प्रक्रिया उद्योजकांकडून प्रक्रियेकामी सोयाबीनला देखील मागणी वाढती आहे. त्याचा परिणाम खाद्यतेलाच्या दरासोबतच कच्चा सोयाबीनवर देखील झाला आहे. गेल्या आठवड्यात सोयाबीनचे दर ७००० ते ९००० रुपये क्‍विंटल होते. सोयाबीनची आवक अवघी २० क्‍विंटलची असल्याचे व्यापारी सूत्रांकडून सांगण्यात आले. 

वाशीम, लातूर बाजार समितीत सोयाबीनने १० हजार रुपयांचा पल्ला गाठला होता. नागपूरच्या कळमणा बाजार समितीत देखील सोयाबीनमधील तेजी अनुभवली जात असून दर ८००० ते ९४५० रुपयाने व्यवहार होत आहे. सोयाबीनची आवक देखील ४३ क्‍विंटलची होती. बाजारात गव्हाची आवक ५०० क्‍विंटल आणि दर १६५० ते १८७६ होता. तांदूळ आवक १९ क्‍विंटलची असून दर २४०० ते २६०० रुपयांप्रमाणे होते. बाजारात हरभऱ्याची सरासरी आवक एक हजार क्‍विंटलची आहे. हरभरा दरात गेल्या आठवड्याच्या तुलनेत तेजी अनुभवण्यात येत आहे. गेल्या आठवड्यात हरभरा दर ४४०० ते ४८२६ होते. या आठवड्यात ते ४५०० ते ५०६२ रुपयांवर पोचल्याचे बाजार समिती सूत्रांकडून सांगण्यात आले. 

भुईमूग शेंगाचे व्यवहार ४००० ते ५००० रुपयांनी होत असून आवक अवघी ५५ क्‍विंटलची नोंदविण्यात आली. आंबा आवक १००० क्‍विंटल तर दर २१०० ते २३०० रुपये होते. बटाटा १००० ते १२०० रुपये आणि आवक २९२१ क्‍विंटलची होती. कांदा आवक ११०० क्‍विंटल आणि दर १७०० ते २१०० रुपये होते. आले आवक ८७४ क्‍विंटल तर दर १८०० ते २६०० रुपये क्‍विंटल. टोमॅटो आवक २६० क्‍विंटल आणि दर १५०० ते १७०० रुपये.

मोसंबीच्या दरात घसरण 
बाजारात मोसंबीची आवक नियमीत असली तरी गेल्या आठवड्याच्या तुलनेत यावेळी दरात घसरण झाली आहे. गेल्या आठवड्यात ३३०० ते ३८०० रुपये असलेले मोसंबीचे दर या आठवड्यात ३००० ते ३५०० रुपयांपर्यंत खाली आले होते. लहान आकाराच्या फळांचे व्यवहार १६०० ते २००० रुपये आणि मध्यम आकारांच्या फळांना २००० ते २४०० रुपये दर मिळत आहे.


इतर ताज्या घडामोडी
देवसंस्थांच्या जमिनीवर वहिवाटदारांचा...जेजुरी, जि. पुणे : देवसंस्थानच्या मालकीच्या...
पुरस्कारांच्या प्रस्तावावरून कृषी...अकोला : विविध पुरस्कारांसाठी शेतकऱ्यांनी दाखल...
कोयना धरणात १०१ टीएमसीवर पाणीसाठाकोयनानगर, जि. सातारा : शंभर दिवस ओलांडलेल्या...
उजनी धरणात उपयुक्त साठा ६४ टक्केच;...सोलापूर : उजनी धऱणाच्या पाणलोट क्षेत्रात अद्यापही...
अकोला जिल्ह्यात ओला दुष्काळ जाहीर करा...अकोला ः जिल्ह्यात अतिपावसाने धुमाकूळ घातला असून...
राज्यात तीन अन्न प्रक्रिया प्रकल्पांचे...नाशिक : राज्यातील तीन अन्न प्रक्रिया प्रकल्पांचे...
वाशीम झेडपी निवडणुकीचा चेंडू पुन्हा...वाशीम : सर्वोच्च न्यायालयाच्या आदेशानुसार रिक्त...
‘एफआरपी’च्या तुकड्यांनी शेतकरी...कऱ्हाड, जि. सातारा : एकरकमी ‘एफआरपी’चे तीन तुकडे...
हिंगोलीत मुहूर्ताच्या सोयाबीनला ११ हजार...हिंगोली : येथील कृषी उत्पन्न बाजार समितीअंतर्गत...
पीक नुकसान नोंदीसाठी विमा कंपन्यांच्या...परभणी : ७२ तासांच्या आत पीक नुकसानीची नोंद...
राज्यसभेच्या एका जागेसाठी ४ ऑक्टोबरला...नवी दिल्ली : महाराष्ट्रातून राज्यसभेवर रिक्त...
गणेशोत्सवासाठी सिंधुदुर्ग सज्ज; तीन...सिंधुदुर्गनगरी : घरोघरी गणेशोत्सव साजरा करण्याची...
ई-पीक पाहणीसाठी सोलापुरचे जिल्हाधिकारी...सोलापूर ः माढा तालुक्यात सुरू असलेल्या ई-पीक...
परभणी जिल्ह्यात १२७ गावे बाधितपरभणी ः जिल्ह्यात सोमवार (ता. ६) ते मंगळवार (ता....
हतनूर धरणातून पाण्याचा विसर्ग सुरूभुसावळ, जि. जळगाव : तालुक्यातील हतनूर धरणात...
संगणकीय सातबारावर कुळांची नावे नोंद करागडहिंग्लज, जि. कोल्हापूर : हस्तलिखित सातबारा...
पावसाचा २७ हजार हेक्टरला फटकानाशिक : नांदगाव तालुक्यातील झालेल्या...
सहा हजार क्विंटल धान्याचे होणार कंपोस्ट...भंडारा : वैनगंगा नदीला आलेल्या पुरामुळे गेल्या...
शेतकरी पुरस्कारासाठी दाखल केलेले...अकोला : शेतीत विविध प्रयोग करणाऱ्या, उत्पादन...
एकरकमी ‘एफआरपी’साठी ‘मिस कॉल’ मोहीमकोल्हापूर : केंद्र सरकारने ‘एफआरपी’चे तुकडे...