Agriculture news in Marathi Soybean prices rise in Nagpur | Agrowon

नागपुरात सोयाबीन दरात तेजी

विनोद इंगोले
मंगळवार, 15 जून 2021

सोयाबीन दरातील तेजी कायम असून कळमना बाजार समितीत हमीभावापेक्षा दुपटीने सोयाबीनचे व्यवहार होत आहे. विदर्भातील सोयाबीनचे हब असलेल्या वाशीम जिल्ह्यातही सोयाबीन सात हजार रुपये क्विंटलने विकल्या जात आहे.  

नागपूर : सोयाबीन दरातील तेजी कायम असून कळमना बाजार समितीत हमीभावापेक्षा दुपटीने सोयाबीनचे व्यवहार होत आहे. विदर्भातील सोयाबीनचे हब असलेल्या वाशीम जिल्ह्यातही सोयाबीन सात हजार रुपये क्विंटलने विकल्या जात आहे.  

प्रक्रिया उद्योजकांकडून मागणी वाढल्याने विदर्भात सोयाबीन दरात तेजी आली आहे. वाशीम, कारंजा, अमरावती, यवतमाळ तसेच नागपूरच्या कळमना बाजार समितीत सोयाबीन सात हजार रुपये क्विंटलने विकल्या जात आहे. कळमना बाजार समितीत सोयाबीनची जेमतेम दीडशे क्विंटल आवक आहे. गेल्या आठवड्यात सोयाबीनचे दर ६५०० ते ७१५० होते. या आठवड्यात सोयाबीन दरात काहीशी घसरण होत ६४०० ते ७२०० रुपयांवर दर पोहोचले. सोयाबीनची नवी आवक येण्यास अजून बराच कालावधी असल्याने दरातील तेजी कायम राहण्याची शक्यता व्यापारी सूत्रांनी वर्तविली आहे.

यापुढील काळात देखील सोयाबीनचे दर पाच हजार रुपयांच्या खाली राहणार नाही,असे सांगण्यात आले. बाजारात भुईमूग शेंगाची आवक नियमित ३००० ३५०० रुपये प्रतिक्विंटल दर आहे. गेल्या हंगामात भुईमुगाला पाच हजार रुपयांपर्यंत दर मिळाला होता. या वर्षी मात्र शेंगांची गुणवत्ता नसल्याचे कारण सांगत व्यापाऱ्यांकडून कमी दर दिला जात आहे. शेंगांची आवक २० क्विंटल इतकी जेमतेम आहे. 

कळमना बाजार समितीत ज्वारीची अवघी तीन क्विंटल आवक झाली. २२०० ते ३००० रुपयांचा दर ज्वारीला होता. बाजारातील गव्हाची आवक ८०० क्विंटलच्या आसपास आहे. गव्हाचे दर १६५० ते १७८२ रुपये होते. तांदळाची आवक दहा क्विंटल तर दर ५००० ते ५५०० रुपये होते. हरभरा आवक ३८९ क्विंटल तर दर ४१०० ते ४६९६ होते. मुगाचे दर ५५०० ते ५८०० रुपये आणि आवक पाच क्विंटल होती. बाजारात केळीची आवक ५५ क्विंटल आणि दर ४५० ते ५५० रुपये क्विंटलचा होता. द्राक्षाची आवक ६५ क्विंटल दर ४००० ते ५००० असा होता. डाळिंबाचे दर सात हजार ते १४ हजार रुपये क्विंटल आणि आवक ९६० होती.

मोसंबीची नियमित आवक
कळमना बाजार समितीत सद्यःस्थितीत मोसंबीची सरासरी ३०० क्विंटल आवक होत आहे.  गेल्या आठवड्यात मोठ्या आकाराच्या फळांना पाच हजार ते सहा हजार रुपये क्विंटल असा दर होता. या आठवड्यात देखील मोसंबीचे दर स्थिर असल्याचे व्यापारी सूत्रांनी सांगितले.


इतर ताज्या घडामोडी
सेंद्रिय शेतीचे तंत्र अंगीकारा ः डॉ. ढवणबदनापूर, जि. जालना : अधिक उत्पादन देणाऱ्या संकरित...
पंतप्रधान आवास योजनेसाठी ११ लाख नावे...नगर ः ग्रामीण भागातील गरीब, अल्पभूधारक, घर...
अमरावती : निकृष्ट बियाणेप्रकरणी भरपाईचे...अमरावती ः निकृष्ट बियाण्यासंदर्भाने तालुकास्तरीय...
सात-बारासह फेरफारही मिळणार आता ऑनलाइन...पुणे : शेती संबंधीच्या दस्ताऐवजांची संगणकीकृत...
सांगली : पूरबाधितांच्या पंचनाम्यांचा...सांगली : महापुरानंतर आता नुकसानीचे पंचनामे सुरू...
अतिवृष्टीने नुकसान; ३४ हजारांवर अर्जअकोला : गेल्या महिन्यात जिल्ह्यात तीन दिवस...
जमीन अधिग्रहणाला विरोध; आळेफाट्यावर...आळेफाटा, जि. पुणे : पुणे-नाशिक हायस्पीड...
नगरमध्ये मिळाला पीकविमा; श्रेयासाठी...नगर : अनेक दिवसांच्या प्रतीक्षेनंतर अखेर गेल्या...
पदविकाधारकांना खासगी पशुवैद्यकीय...अकोला : दुग्ध व्यवसाय व्यवस्थापन व पशुसंवर्धन...
राळेगावमध्ये कपाशीवर बोंडअळीचा...राळेगाव, जि. यवतमाळ : जिल्ह्याचे मुख्य पीक...
परभणीत ४४६ कोटी ५९ लाख रुपये वितरणपरभणी ः चालू आर्थिक वर्षात (२०२१-२२) जुलै...
अनेक नोंदणीधारक शेतकरी ज्वारी...भालेर, जि. नंदुरबार ः जिल्ह्यात शुक्रवार (ता. ३०...
डाळ व्यापाऱ्याची चार कोटींनी फसवणूक नागपूर : डाळ व्यापाऱ्याला आमिष दाखवून साखरेच्या...
महसूली प्रकरणांचा निपटारा तीन टप्प्यांत...नाशिक : सेवाहक्कांतर्गत १००पेक्षा अधिक व राज्यात...
उजनीतून खरिपासाठी पहिले आवर्तन सोडणारसोलापूर ः उजनी धरणात आतापर्यंत उपयुक्त पाणीसाठा...
नागपुरात सोयाबीन दरातील घोडदौड कायम नागपूर ः प्रक्रिया उद्योजकांची मागणी वाढल्याने...
कृषी सल्ला : दापोली विभागपावसाच्या पाण्यामुळे फवारणी केलेले कीटकनाशक किंवा...
नगरला वाटाणा, भेंडीच्या दरात सुधारणा;...नगर ः नगर येथील दादा पाटील शेळके कृषी उत्पन्न...
नाशिकमध्ये डाळिंबाच्या आवकेत वाढनाशिक : येथील कृषी उत्पन्न बाजार समितीमध्ये गत...
पावसाच्या उघडिपीमुळे भाजीपाला आवकेत वाढपुणे ः पुणे कृषी उत्पन्न बाजार समितीमध्ये रविवारी...