agriculture news in Marathi soybean production decreased in America Maharashtra | Agrowon

अमेरिकेत सोयाबीन उत्पादनात घट

टीम अॅग्रोवन
शुक्रवार, 22 जानेवारी 2021

अमेरिकेत यंदा सोयाबीन उत्पादनात घटीचा अंदाज आहे. मिनेसोटा, लोवा आणि कनसास या प्रांतात सोयाबीन उत्पादनात घट झाली आहे.

वॉशिंग्टन ः अमेरिकेत यंदा सोयाबीन उत्पादनात घटीचा अंदाज आहे. मिनेसोटा, लोवा आणि कनसास या प्रांतात सोयाबीन उत्पादनात घट झाली आहे. त्यामुळे अमेरिकेतील सोयाबीन उत्पादन ३५ दशलक्ष बुशेल्सने घटून ४ हजार १३५ बुशेल्स होण्याची शक्यता आहे. अमेरिकेत ८२.३ दशलक्ष हेक्टरवर सोयाबीन लागवड झाली आहे, अशी माहिती अमेरिकेच्या कृषी विभागाने (यूएसडीए) जाहीर केलेल्या अहवालातून मिळाली. 

अमेरिकेत यंदा सोयाबीन उत्पादकता ५०.२ बुशेल्स प्रतिहेक्टर राहण्याची शक्यता आहे. देशात सोयाबीन गाळप ५ दशलक्ष बुशेल्सने वाढून २ हजार २०० बुशेल्स होण्याचा अंदाज व्यक्त करण्यात आला आहे. अर्जेंटिनात पिकाला फटका बसल्याने यंदा अमेरिकेतून सोयामिल निर्यात वाढण्याची शक्यता व्यक्त करण्यात आली आहे. निर्यात यंदा २ हजार २३० बुशेल्स होण्याचा अंदाज आहे. उत्पादनात घट होणार असल्याने तसेच देशांतर्गत सोयाबीनचा वापर वाढीचा अंदाज आणि निर्यातवाढ होणार असल्याने साठा १४० दशलक्ष बुशेल्स राहण्याची शक्यता आहे, ‘यूएसडीए’ने अहवालात म्हटले आहे. 

सोयाबीन तेजीत
जानेवारीत सोयाबीन आणि सोयाबीन उत्पादनांचा दर डिसेंबरच्या तुलनेत जास्त राहण्याचा अंदाज आहे. २०२०-२१ च्या हंगामात सोयाबीनचा सरासरी दर हा ११.१५ बुशेल्स राहण्याची शक्यता आहे. हा दर गेल्या सहा वर्षांतील उच्चांकी आहे. सोयामिलचा दर हा ३९० डॉलर प्रतिशॉर्ट टन राहण्याचा अंदाज आहे. हा दर २० डॉलरने अधिक आहे. तर सोयाबीन तेलाचा दर ३८.५ सेंट प्रतिपाउंड राहील, असे अहवालात म्हटले आहे. सध्या आंतरराष्ट्रीय बाजारात सोयाबीनचे दर काहीसे कमी झाले असतानाही १३८५ डॉलर प्रतिबुशेल्सवर आहेत.   

जागतिक उत्पादनातही घट
तेलबियांमध्ये यंदा सूर्यफूल उत्पादनात वाढ होण्याची शक्यता आहे. तर सोयाबीन, सरकी, शेंगदाणा, मोहरी आणि पाम उत्पादनात घटीची शक्यता आहे. रशियात सूर्यफूल उत्पादनात ५ लाख टनांनी वाढ झाली आहे. सोयाबीन उत्पादनात मात्र मोठी घट पाहायला मिळत आहे. अर्जेंटिनात उत्पादन २ दशलक्ष टन ते ४८ दशलक्ष टनांनी घट होईल, उरुग्वेमध्ये २ लाख टन ते २.२ दशलक्ष टनांनी घट होईल. या दोन्ही देशांमध्ये डिसेंबर महिन्यात आणि जानेवारीत सुरुवातीला दुष्काळी स्थिती होती. त्यामुळे येथे सोयाबीन उत्पादनात घट होणार आहे. जागतिक सोयाबीन साठा ८४.३ दशलक्ष टनांवर असण्याची शक्यता ‘यूएसडीए’ने व्यक्त केली आहे. 

चीनमध्ये वाढीची शक्यता
दक्षिण अमेरिकेत सोयाबीन उत्पादनात २.१ दशलक्ष टनांनी घट होण्याची शक्यता आहे. मात्र चीनमध्ये उत्पादनात १९.६ दशलक्ष टनांनी उत्पादन वाढ शक्य आहे. चीनने यंदा सोयाबीन आंतरराष्ट्रीय बाजारातून मोठी खरेदी केली आहे. तसेच सोयाबीन उत्पादक पट्ट्यात अनुकूल वातावरणामुळे उत्पादनात वाढ होण्याची शक्यता आहे. जागतिक पातळीवर अमेरिका आणि अर्जेंटिनात सोयाबीन साठा कमी आहे. तर चीनमध्ये सध्या जगात सर्वाधिक सोयाबीन साठा आहे.


इतर अॅग्रोमनी
अमेरिकेत सोयाबीन उत्पादनात घटवॉशिंग्टन ः अमेरिकेत यंदा सोयाबीन उत्पादनात घटीचा...
जागतिक मका उत्पादनात घट वॉशिंग्टन ः जागतिक मका उत्पादनात घट होणार...
बेदाणा पॅकिंगसाठीच्या बॉक्सच्या दरात...सांगली ः बेदाणा, डाळिंबासह अन्य फळभाज्यांच्या...
सोयाबीन विक्रमी टप्पा गाठेल कमी उत्पादन, चांगली निर्यात आणि वाढलेला वापर हे...
दराचे संरक्षण देणाऱ्या योजना राबवाव्यात पुणे ः ‘एनसीडीईएक्स’ने ‘पुट ऑप्शन’मधून शेतकरी...
‘बासमती’ची तांदळाचा तुटवडाकोल्हापूर: गेल्या महिन्यापासून सुरु असलेल्या...
सोयाबीन बाजारात तेजीचेच संकेतपुणे ः शेतकरी आणि व्यापाऱ्यांनी ८० टक्के सोयाबीन...
तांदळाच्या विक्रमी निर्यातीची यंदा शक्‍...कोल्हापूर : देशात यंदा भाताचे चांगले उत्पादन...
कापसाच्या दरात सुधाराची चिन्हेपुणे ः ‘सीसीआयने’ कापसाला हमीभावापेक्षा  ३००...
केंद्रीय अर्थसंकल्पातून होणार सवलतींची...नवी दिल्ली ः कोरोनाच्या संसर्गामुळे...
मालविक्रीसाठी ३५ शेतकरी कंपन्या एकाच...शेतकऱ्यांना ‘शेतीमाल पिकवता येतो, मात्र विकता येत...
हंगामाच्या प्रारंभीच कोलम, आंबेमोहोर...कोल्हापूर: देशातील तांदळाचा हंगाम सुरु झाला आहे....
राष्ट्रीय सहकारी साखर कारखाना महासंघ...कोल्हापूर : राज्य सहकारी साखर कारखाना...
सुताच्या दरात मोठी वाढजळगाव ः जगभरातील प्रमुख आयातदारांकडून सुताची मोठी...
कारखान्यांपुढे साखर विक्रीचे आव्हानकोल्हापूर : गेल्या काही दिवसांत देशात वाढणारी...
हमीभावाने १८ टक्के अधिक धान्य खरेदी :...नवी दिल्ली : केंद्र सरकारने नोव्हेंबरअखेर खरीप...
कापूस गाठींच्या दरात सुधारणाजळगाव ः जगातील वस्त्रोद्योग ९५ ते ९७ टक्के...
आंतरराष्ट्रीय बाजारात साखरेला दराचा...कोल्हापूर : आंतरराष्ट्रीय बाजारात गेल्या पंधरा...
खाद्यतेल आयातीत १२ टक्के घटपुणे ः देशात २०१९-२० (नोव्हेंबर ते ऑक्टोबर) मध्ये...
चांगल्या बाजारभावासाठी ‘एनसीडीईएक्स’चा...शेतकऱ्यांसाठी दराचे संरक्षण (प्राइज इन्शुरन्स)...