agriculture news in Marathi soybean reached at 10 thousand rupees Maharashtra | Agrowon

सोयाबीनने गाठला दहा हजारांचा ऐतिहासिक टप्पा 

टीम अॅग्रोवन
बुधवार, 28 जुलै 2021

वाशीम बाजार समितीत १०० क्विंटल सोयाबीनला १० हजार रुपये, तर लातूर बाजार समितीत ९ हजार ८५१ रुपये कमाल दर मिळाला. 

अकोला/लातूर ः गेले काही महिने सोयाबीनला चांगला दर मिळत असून मंगळवारी (ता.२७) ऐतिहासिक १० हजाराच टप्पा गाठला. वाशीम बाजार समितीत १०० क्विंटल सोयाबीनला १० हजार रुपये, तर लातूर बाजार समितीत ९ हजार ८५१ रुपये कमाल दर मिळाला. आंतरराष्ट्रीय बाजारपेठेत पेंडीची मागणी, वायदे बाजारात होणारे व्यवहार, त्यात कमी असलेली आवक यामुळे सोयाबीन तेजीत आहे. 

वाशीम बाजार समितीत गेल्या काही महिन्यांत सोयाबीन सात हजारांवर विकली जात आहे. आता हा दर पुन्हा वाढून दहा हजारांपर्यंत पोचला. सोयाबीनला किमान दर ८ हजारांपासून दर मिळाला. दर्जेदार सोयाबीनची यंदा बियाण्यासाठी मोठ्या प्रमाणात कंपन्यांनी खरेदी केली होती. मंगळवारी सुमारे १४०० क्विंटलची आवक झाली होती. पहिल्यांदाच दहा हजारांचा प्रतिक्विंटलला भाव मिळाला. शेतकऱ्यांकडील बहुतांश सोयाबीन विक्री झालेले आहे. सध्या आवक होत असलेला माल हा साठवून ठेवलेल्यापैकी असल्याचे सांगितले जाते. 

लातूर शहरातील तेल उत्पादक कंपन्यांनी दहा हजार रुपयांनी सोयाबीनची खरेदी केली आहे. येथील आडत बाजारात आक्टोबरमध्ये सोयाबीनला कमाल भाव चार हजार १९० रुपये राहिला होता. त्यानंतर प्रत्येक महिन्यात त्यात सातत्याने वाढ होत गेली. फेब्रुवारीमध्ये पाच हजाराचा टप्पा पार झाला. मार्चमध्ये सहा हजारापर्यंत सोयाबीन गेले. एप्रिलपासून सोयाबीनच्या भावात कधीच मंदी आली नाही. साडे सात हजार, आठ हजार असे भाव वाढत गेला. २३ जुलै रोजी सौद्यात आठ हजार ९५१ रुपये कमाल भाव राहिला आहे. सरासरी भाव नऊ हजार सातशे रुपये राहिला आहे. तर शहरात तेल उत्पादक कंपन्यांनी दहा हजार रुपये प्रति क्विंटलला भाव दिला आहे. 

शेतीमाल बाजार अभ्यासक दिनेश सोमाणी म्हणाले... 

  • सोयाबीन पीक कमी होते आणि खाद्यतेलाच्या वाढत्या दराने सोयाबीन दराला आधार मिळाला. 
  • सोयाबीनचा साठा अत्यल्प उपलब्ध. 
  • बाजारातील घडामोडींमुळे सोयाबीन १० हजारांवर पोहोचले आहे. 
  • एनसीडीईएक्ससी संलग्न वेअरहाउसेसमध्ये साठा नाही आणि ज्यांनी ऑगस्ट कॉन्ट्रॅक्ट विकले आणि डिलिव्हरी देण्यात असमर्थ ठरल्यास मागील तीन दिवसांच्या हजर दरावर तीन ते चार टक्के दंड द्यावा लागणार आहे. म्हणजेच जर हजर दर १० हजार रुपये असतील, तर डिलिव्हरी देण्यात असमर्थ ठरल्यास १० हजार ३०० रुपये द्यावे लागतील. 
  • सीबॉटवर सोयाबीन १३६६ डॉलरवर आहे आणि सोयातेल ६३.५० डॉलरवर आहे. 

लातूर बाजार समितीतील कमाल दर (रुपये/क्विंटल) 
महिना ः
कमाल दर 
आक्टोबर २०२० ः ४१९० 
नोव्होंबर २०२० ः ४२३१ 
डिसेंबर २०२० ः ४३७५ 
जानेवारी २०२१ ः ४५९१ 
फेब्रुवारी २०२१ ः ५११३ 
मार्च २०२१ ः ५८०५ 
एप्रिल २०२१ ः ७६५२ 
मे २०२१ ः ७६४१ 
जून २०२१ ः ७६४१ 
जुलै ः ९८५१ 

प्रतिक्रीया 
वाशीम बाजार समितीत सोयाबीन १० हजार रुपये दराने विक्री झाली. जेएस ३३५ या वाणाला हा भाव मिळाला. एकूण आवकेपैकी किमान १०० पोत्याला दहा हजारांचा भाव मिळावा असावा. 
- वामनराव सोळंके, निरीक्षक, कृषी उत्पन्न बाजार समिती, वाशीम 


इतर अॅग्रो विशेष
बीजोत्पादनातून साधली कुटुंबाची भरभराटसुरेश हुसे यांना वडिलोपार्जित केवळ दीड एकर शेती....
ऑनलाइन ठिबक योजनेत पुन्हा कागदपत्रांचा...पुणे : कोट्यवधी रुपयांच्या घोटाळ्याची परंपरा...
सर्वदूर जोरदार पावसाची शक्यतापुणे : बंगालच्या उपसागरातील ‘गुलाब’...
प्रगतिपथावरील जलसंधारण प्रकल्प लवकर...औरंगाबाद : जिल्ह्याचा सर्वांगीण विकास साध्य...
‘रूफटॉप सौरऊर्जे’ला कसे मिळणार बूस्टर?नागपूर ः दीर्घ खोळंब्यानंतर महावितरणने पुन्हा...
केळी, संत्रा क्लस्टरमध्ये वर्ध्याचा...वर्धा : केंद्राच्या धर्तीवर राज्याने निर्यात धोरण...
सांगलीत ३० टक्के द्राक्ष फळछाटणी पूर्णसांगली ः जिल्ह्यात यंदाच्या द्राक्ष फळ छाटणीस...
‘अलमट्टी’ची उंची वाढवू नका ः राजू शेट्टीकोल्हापूर : कोल्हापूर, सांगली व बेळगाव...
'गुलाब' चक्रीवादळ कलिंगापट्टणमनजीक...पुणे : बंगालच्या उपसागरात घोंगावणारे 'गुलाब'...
येवला बाजार समितीचा ‘अंनिस’कडून गौरवयेवला, जि. नाशिक : ६४ वर्षांची परंपरा मोडीत काढत...
सोयाबीन विक्रीची घाई नकोनागपूर : मुहूर्ताचे दर पाहून शेतकऱ्यांकडून अधिक...
‘गुलाब’ चक्रीवादळ आज पूर्व किनाऱ्याला...पुणे : बंगालच्या उपसागरात तयार झालेल्या कमी दाब...
राज्यात पावसाचा जोर वाढणारपुणे : बंगालच्या उपसागरातील वादळी प्रणालीमुळे...
साहित्य संमेलनातून वैचारिक दिशा...औरंगाबाद : साहित्य हे समाजाच्या विकासासाठी...
लहान संत्रा फळांचे करायचे काय?नागपूर : लहान आकाराच्या संत्रा फळांवर नांदेड...
दहा जिल्ह्यांत ‘कृषी तंत्रज्ञान पारायण’नगर ः फळबागा, शेतीपिके आणि पशुसंवर्धनाबाबत ऐनवेळी...
दुग्ध व्यवसायातून उंचावले शेती-...सिंधुदुर्ग जिल्ह्यातील निवजे (ता. कुडाळ) येथील...
सोनपेठ तालुक्यातील शेतकरी महिलांचा...परभणी जिल्ह्यातील सोनपेठ येथे महिला आर्थिक विकास...
बंगालच्या उपसागरात घोंघावतेय चक्रीवादळपुणे : बंगालच्या उपसागरात तयार झालेल्या कमी दाब...
शेतीसह पर्यावरणाचे संवर्धनमान्हेरे (ता. अकोले, जि. नगर) येथील तुकाराम भोरू...