रिसोड तालुक्यात सोयाबीनची हेक्टरी अडीच क्विंटल उत्पादकता

रिसोड, जि. वाशीम ः सततच्या पावसाने सोयाबीन पिकाचे मातेरे झाले आहे. नुकसान झालेल्या पिकांच्या सर्वेक्षणासाठी युवक कॉंग्रेसने पाठपुरावा केल्याने अखेर भर जहागीर महसूल मंडळात सोयाबीन पिकांचे सर्वेक्षण करण्यात आले.
Soybean in Risod taluka Two and a half quintals productivity per hectare
Soybean in Risod taluka Two and a half quintals productivity per hectare

रिसोड, जि. वाशीम ः  सततच्या पावसाने सोयाबीन पिकाचे मातेरे झाले आहे.  नुकसान झालेल्या पिकांच्या सर्वेक्षणासाठी युवक कॉंग्रेसने पाठपुरावा केल्याने अखेर भर जहागीर महसूल मंडळात सोयाबीन पिकांचे सर्वेक्षण करण्यात आले. भर जहागीर येथील एका प्लॉटचे उत्पन्न ८१.७६ किलोग्रॅम आले. त्यामुळे आता शेतकऱ्यांच्या नजरा अंतिम पैसेवारीकडे लागल्या आहेत.

अतिपावसाने घास हिरावला. शेतातील उभ्या सोयाबीन पिकाला कोंब आले. तरीही प्रशासकीय अधिकारी, कर्मचारी इकडे लक्ष देत नव्हते.  परंतु, युवक कॉँग्रेसने मांगवाडी, भर जहागीर, कुऱ्हा, मोप, चाकोली या दोन महसुल मंडळांत तहसीलदार आशिष शेलार, कृषी अधिकारी काव्यश्री घोलप, यांच्यासह इतरांनी  शेतकऱ्यांच्या बांधावर जाऊन पाहणी केली.

महसूल विभागाच्या आदेशानुसार भर जहागीर, मांगवाडी, गणेशपूर, एकलासपूर, पाचांबा, चिंचाबाभर, जवळा, नेर आदी गावातील १०० बाय १०० चे प्लॉट सोयाबीन पिकामध्ये टाकून त्याचे उत्पादन काढण्यात आले.  भर जहागीर येथील प्रल्हाद फुके यांच्या शेतातील एका प्लॉटचे उत्पादन ८१.७६ किलो ग्रॅम आले. त्यामुळे हेक्टरी २ क्विंटल ४४ किलो उत्पादकता आली.  

यावेळी तलाठी रवींद्र खंडारे, पंचायत समिती सदस्य शारदा रवींद्र आढाव,  सरपंच पी. के. चोपडे, कृषी सहाय्यक एस. सी. खाडे, प्रल्हाद फुके, ग्रामपंचायत सदस्य महादेव क्षीरसागर, भानुदास गिते, देवराव कांबळे, गजानन सानप , प्रकाश सभादिंडे, महादेव घुगे, भगवान थोरात, महादेव थोरात, पवन सभादिंडे, यासह इतर शेतकरी उपस्थित होते.  

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com