agriculture news in Marathi soybean sowing may increased by 10 percent Maharashtra | Page 3 ||| Agrowon

सोयाबीन लागवड क्षेत्रात दहा टक्के वाढीची शक्यता 

टीम अॅग्रोवन
मंगळवार, 15 जून 2021

बियाणे उपलब्धता नसल्याने शेतकरी लागवड कमी करतील तर सोयाबीन उद्योगाशी संबंधित जाणकारांनी मात्र या वर्षी देशात ९.९% लागवड क्षेत्रात वाढीचा अंदाज वर्तविला आहे.

नागपूर : देशात सोयाबीन लागवड क्षेत्र आणि उत्पादनासंदर्भात विविध दावे-प्रतिदावे केले जात आहेत. काहींच्या मते यावर्षी बियाणे उपलब्धता नसल्याने शेतकरी लागवड कमी करतील तर सोयाबीन उद्योगाशी संबंधित जाणकारांनी मात्र या वर्षी देशात ९.९% लागवड क्षेत्रात वाढीचा अंदाज वर्तविला आहे. 

सोयाबीन प्रक्रिया उद्योगाशी संबंधित जाणकारांच्या मतानुसार, यावर्षी जागतिक स्तरावर सोयाबीन उत्पादक देशांमध्ये विविध कारणांमुळे उत्पादन घटले. परिणामी खाद्य तेलाच्या दरात वाढ झाली. आंतरराष्ट्रीयस्तरावरील दरातील तेजी भारतातही अनुभवण्यात आली. भारतात ३८८० रुपये सोयाबीनचा हमीभाव होता.

हंगामा अखेरीस सोयाबीनला हमीभावापेक्षा दुप्पट दर मिळाला. ६००० ते ७००० रुपयांपर्यंत बाजार होता. आंतरराष्ट्रीयस्तरावर देखील सोयाबीन दरात तेजी आहे. त्यासोबतच चालू व्यापारी वर्षात जगातील प्रक्रिया उद्योजकांकडे असलेला कच्‍या मालाचा साठा देखील कमी होणार आहे. त्यामुळेच दरातील तेजी कायम राहण्याची शक्यता वर्तविली जात आहे. 

दुसरीकडे सोयाबीन खरेदी विक्री करणाऱ्या व्यापाऱ्यांनी मात्र यावर्षी लागवड क्षेत्र घटण्याची शक्यता वर्तवली आहे. देशात बियाण्यांचा तुटवडा असला आणि लागवड वाढणार असेल तर मग बियाण्यांसाठी ओरड होणे अपेक्षित होते. मात्र सोयाबीन उत्पादक राज्यांतून अशा प्रकारची बियाण्यांबातची ओरड झाली नाही. त्यामुळेच शेतकरी लागवड क्षेत्र कमी करतील, असे संकेत आहेत.

‘महाबीज’देखील मध्य प्रदेशातून बियाणे घेते. त्यांच्याकडून देखील अतिरिक्त बियाणे मागणी झाली नाही. परिणामी याला दुजोरा मिळतो, असे मध्य प्रदेशातील एका व्यापाऱ्याने सांगितले. दुसरीकडे राजस्थानमध्ये सोयाबीन खालील क्षेत्रात एक लाख हेक्‍टर वाढीचा निर्णय घेतला आहे. 

दर तेजीतच 
वायदे बाजारात १८ एप्रिल २०२१ रोजी सोयाबीनचे दर ८१०० रुपये प्रतिक्विंटलवर पोचले होते. आता हे दर ७१४० रुपये प्रतिक्विंटलवर स्थिर आहेत. गेल्या वर्षीच्या दरासोबत याची तुलना केल्यास दरातील वाढ ८० टक्के आहे. त्यामुळे यंदाच्या हंगामात देखील सोयाबीनचे दर खाली येण्याची शक्यता कमीच आहे. कारण जून ते ऑगस्ट या दरम्यान सोयाबीनची लागवड होते. त्याकरिता बियाणे उपलब्ध होण्याचे आव्हान देखील शेतक‍ऱ्यांसमोर आहे. शेतकरी आपल्याकडील बियाण्यांचा वापर करतात मात्र गेल्या हंगामात पावसामुळे सोयाबीनची पत खालावली. परिणामी अशा बियाण्यांची उगवणक्षमता कमी राहणार आहे. 

बियाण्याची टंचाई 
२०२१-२२ या वर्षात २,८९,८६६ टन बियाण्याची गरज आहे. त्यापैकी २,८१,१०१ टन बियाणेच देशात उपलब्ध आहे. अशी स्थिती असली तरी देशात हमीभावापेक्षा सोयाबीनला दुप्पट दर मिळाला आहे. त्यामुळे सोयाबीन लागवड क्षेत्र वाढ होणार आहे. २०२०-२१ मध्ये १२१ लाख हेक्टर असलेले हे क्षेत्र ९.९ टक्क्यांनी वाढून १३३ लाख हेक्‍टरवर पोहोचेल, असे जाणकार सांगतात. 
 


इतर अॅग्रोमनी
साखरनिर्यातीचे १८०० कोटींचे अनुदान मंजूरकोल्हापूर : केंद्राने २०२०-२१ या हंगामात निर्यात...
देशभरात सोयाबीन ५५०० ते ७३००च्या दरम्यानपुणे : सध्या बाजारात येणाऱ्या सोयाबीनपैकी ज्या...
खाद्यतेल आयात शुल्क  कपातीचा ग्राहकांना...पुणे : केंद्र सरकारने देशांतर्गत वाढत्या...
तूर, उडीद आयात कालावधी वाढविल्याचा होईल...पुणे : केंद्र सरकारने तूर आणि उडीद आयातीसाठीचा...
हळद निर्यात ऑगस्टमध्ये ११ टक्क्यांनी...पुणे : देशात निर्यातयोग्य हळदीचा साठा उपलब्ध आहे...
राज्यात तीन अन्न प्रक्रिया प्रकल्पांचे...नाशिक : राज्यातील तीन अन्न प्रक्रिया प्रकल्पांचे...
केंद्राच्या निर्य़ातीनंतर सोयाबीनच्या...पुणे : केंद्र सरकारने खाद्यतेल आयात शुल्कात कपात...
केंद्र सरकारकडून खाद्यतेल आयात शुल्कात...नवी दिल्ली ः देशात खाद्यतेलाच्या वाढत्या किमतीवर...
वाढत्या मागणीने हरभरा दरात सुधारणापुणे : साठेबाज, व्यापारी आणि मिलर्सवर असलेली...
तूर, मूग, उडीद आयातीची प्रक्रिया सुरू;...पुणे : केंद्र सरकारने पंचवार्षिक करार करून...
रब्बीचे हमीभाव जाहीर : गव्हात ४०; हरभरा...नवी दिल्ली : केंद्र सरकारने रबी हंगामासाठी...
उडीद दरात सुधारणेची चिन्हेपुणे ः गेल्या हंगामात देशात उडदाचे उत्पादन कमी...
बेदाणा दरात प्रतिकिलो २५ ते ३० रुपयांची...सांगली : अफगाणिस्तानात तालिबानी राजवट आल्यामुळे...
जालन्यात रेशीम कोषाला उच्चांकी ५१...जालना : जालना कृषी उत्पन्न बाजार समिती अंतर्गत...
साखरेच्या किमान विक्री दरात वाढ करावी...नागपूर : एफआरपीत वाढ झाली असतानाच साखरेच्या...
सोयाबीन दराची पुन्हा दहा हजारी; दर...पुणे ः गेल्या सप्ताहात सोयाबीन दरात मोठी सुधारणा...
कडधान्याचे गणित पावसावरच अवलंबूनमुंबई : देशात यंदा मॅान्सूनची सुरुवात चांगली झाली...
साखरदराचा वारू चौखूर उधळला; ३५०० चा...कोल्हापूर : गेल्या पंधरा दिवसांपासून स्थानिक...
पंढरपुरात बेदाण्यास सर्वाधिक ३०५ रुपये...सोलापूर : पंढरपूर कृषी उत्पन्न बाजार समितीमध्ये...
सोयापेंड आयात थांबवा : राज्य सरकारचे...पुणे : जनुकीय परावर्तित (जीएम) सोयाबीनपेंडच्या...