agriculture news in Marathi soybean will hit record price Maharashtra | Agrowon

सोयाबीन विक्रमी टप्पा गाठेल 

दिनेश सोमाणी
सोमवार, 18 जानेवारी 2021

कमी उत्पादन, चांगली निर्यात आणि वाढलेला वापर हे घटक सोयाबीन दरातील तेजी कायम राहून दराचा विक्रमी टप्पा गाठण्यासाठी इंधनाचे काम करत आहेत.

कमी उत्पादन, चांगली निर्यात आणि वाढलेला वापर हे घटक सोयाबीन दरातील तेजी कायम राहून दराचा विक्रमी टप्पा गाठण्यासाठी इंधनाचे काम करत आहेत. सध्या शेतकरी, व्यापारी आणि साठेबाज यांच्याकडे कमी माल उपलब्ध आहे. त्यामुळे येणाऱ्या काळात दर वाढून सोयाबीन यंदा ५१५० ते ५४०० रुपयांच्या टप्पा गाठेल. 

देशात यंदा पिकाचे मोठे नुकसान झाल्याने सोयाबीन उत्पादनात घट आली. त्यामुळे हंगामाच्या प्रारंभीपासूनच दरात सुधारणा होत आहे. त्यातच जागतिक सोयाबीन उत्पादनही घटले आहे. अमेरिकेच्या कृषी विभागाने (यूएसडीए) नुकतेच जाहीर केलेल्या अहवालात जागतिक सोयाबीन उत्पादनात घट झाल्याचे म्हटले आहे. तसेच जागतिक सोयाबीन साठाही घटला आहे, असे नमूद केले. त्यामुळे देशात बर्ड फ्लूमुळे सोयाबीन अल्प काळात दबावात राहून पुन्हा सुधारले. ‘यूएसडीए’च्या अहवालानंतर सोयाबीन दरात पुन्हा सुधारणा पाहायला मिळाली. आंतरराष्ट्रीय बाजारात ‘सीबॉट’वर काही काळात सोयाबीन १२९० डॉलर प्रतिबुशेलवरून १४५० डॉलर प्रतिबुशेलवर गेले आहे. 

भारतीय सोयामिलमध्ये प्रथिने जास्त आहेत. त्यामुळे भारतीय सोयामिलला व्हिएतनाम आणि अमेरिकेतून मागणी आहे. त्यामुळे विविध अहवालांमधून यंदा देशातून मागील वर्षीच्या तुलनेत सोयामिल निर्यात दुप्पट होण्याचा अंदाज आहे. सोयामिल यंदा १५ वर्षांतील विक्रमी पातळी गाठण्याची शक्यता आहे. सध्या सोयामिलचे दर हे ३६ हजार ते ३७ हजार रुपये प्रतिटन आहेत. येणाऱ्या काळात हे दर ४० हजार रुपयांचा टप्पा गाठण्याची शक्यता आहे. 

सोयाबीनचा साठा कमी 
सोयाबीन विक्रीचा हंगाम संपल्यात जमा आहे. सध्या शेतकरी, व्यापारी आणि साठेबाज यांच्याकडे कमी माल उपलब्ध असून, त्यांना यंदा चांगले दर मिळाले. जे काही सोयाबीन शिल्लक आहे त्यावर पुढील ६ ते ७ महिने, पुढील हंगामातील सोयाबीन बाजारात येईपर्यंत गरज भागवायची आहे. त्यामुळे दरात मोठी सुधारणा होण्याचा अंदाज आहे. 

मका दरात सुधारणा 
मका दर २०२० मध्ये दबावात होते. मात्र अलीकडच्या काळात मका दरात सुधारणा झाली होती. त्यानंतर देशात बर्ड फ्लूचा प्रादुर्भाव काही राज्यांमध्ये आढळला. बर्ड फ्लूचा प्रादुर्भाव झालेल्या राज्यांची संख्या वाढत गेली तशी पोल्ट्री उद्योगाला फटका बसला. पोल्ट्रीचे मुख्य खाद्य असलेल्या मक्याच्या दरातही घसरण झाली. परंतु आता दर सुधारले आहेत. स्थानिक बाजारात अनेक ठिकणी दर हे १००० ते १४५० रुपये प्रतिक्विंटलच्या जपळपास आहेत. हे दर स्थिर राहण्याची शक्यता आहे. तर पुढील काही काळ दरात सुधारणा होण्याची शक्यता आहे. तसेच सध्याच्या दराने मका निर्यातीसाठी हालचाली सुरू आहेत. आंतरराष्ट्रीय बाजारातही मक्याचे दर सुधारले आहेत. ‘सीबॉट’वर मक्याचे दर ४६५ डॉलरवरून ५३० डॉलर प्रतिबुशेलवर गेले आहेत. 

सोयाबीन दराला अनुकूल घटक 

  • अमेरिकेच्या कृषी विभागाने 
  • भारतीय सोयाबीनची निर्यात चांगली होण्याची शक्यता 
  • मागील हंगामातील सोयाबीनचा कमी साठा 
  • पाऊस, अतिवृष्टी आणि येलो मोझॅक रोगाने सोयाबीन उत्पादनात घट 
  • सोयामील प्लांट मालकांना मिळत असलेले चांगले मार्जिन 
  • सध्या बाजारात दर वाढतेच 
  • नवीन माल बाजारात येण्याला आणखी सात महिन्यांचा कालावधी

इतर अॅग्रो विशेष
मॉन्सून यंदा वेळेवर पुणे : सध्या मॉन्सूनच्या प्रगतीसाठी वातावरण पोषक...
शेतकऱ्यांकडे २९ लाख क्विंटल घरचे बियाणे पुणे ः कृषी विभागाने ग्रामबिजोत्पादन मोहिमेतून...
मध्य महाराष्ट्रात तुरळक सरी पुणे : मध्य महाराष्ट्राच्या काही भागांत...
पावसाचा प्रभाव वाढणार पुणे : कर्नाटकाच्या उत्तर भागात चक्रीय वाऱ्याची...
राज्यातील पाणीसाठा ४४ टक्क्यांवर पुणे ः राज्यातील अनेक भागांत उन्हाचा चटका वाढला...
हरभरा दर पाच हजारांवर अकोला ः यंदा हरभऱ्याचा दर शासनाने जाहीर केलेल्या...
साठ कृषी कर्मचाऱ्यांचा कोरोनाने घेतला...पुणे ः कोविड १९ साथीच्या तडाख्यात सापडल्याने कृषी...
महात्मा फुले कृषी विद्यापीठाचे कुलसचिव...नगर ः राहुरी येथील महात्मा फुले कृषी विद्यापीठाचे...
शेततळ्यांद्वारे मिर्झापूरचे शिवार झाले...मागेल त्याला शेततळे योजनेंतर्गत मिर्झापूर (ता.जि...
दर्जेदार बियाणे उत्पादनातून ‘वर्णेश्‍वर...वर्णा (जि. परभणी) येथील शेतकऱ्यांनी वर्णेश्‍वर ॲ...
ऊसपट्ट्यात दहा एकर दर्जेदार पपईकोल्हापूर जिल्ह्यातील खडकेवाडा (ता. कागल) येथील...
अन्न प्रक्रियेसाठी ‘थ्री डी प्रिंटिंग’...सर्वसामान्यपणे आपल्याला विविध आकारातील कुकीज,...
मराठवाडा, विदर्भात पाऊस वाढण्याची...पुणे : कर्नाटकाच्या उत्तर भागात चक्रिय वाऱ्याची...
अत्याधुनिक हवामान केंद्रे आता...नाशिक जिल्ह्यातील मोहाडी येथील प्रसिद्ध सह्याद्री...
कापूस बियाणे विक्री एक जूनपासून पुणे ः राज्यात कापूस बियाणे विक्रीवर यंदा देखील...
कारखान्यांकडून इथेनॉलचे ३०२ कोटी  लिटर...कोल्हापूर : यंदा साखर कारखान्यांनी इथेनॉल कंपन्या...
मोहफुलांवरील दारूबंदी कायद्याचे निर्बंध...पुणे ः मोहफुलांच्या प्रक्रिया उद्योगातून आदिवासी...
तुरळक ठिकाणी हलक्या सरी पुणे : पूर्वमोसमी पावसाचा काहीसा प्रभाव कमी झाला...
बाजार समित्यांमध्ये तुरीचे दर स्थिरावले अकोला ः यंदा तुरीचे उत्पादन कमी झाले. शिवाय...
ठिकठिकाणी गारपीट, पावसाचा दणका पुणे : मध्य महाराष्ट्र, मराठवाडा आणि कोकणात...