agriculture news in marathi, Speed ​​of redevelopment of Pune market committee | Agrowon

पुणे बाजार समिती पुनर्विकासाला गती

टीम अॅग्रोवन
रविवार, 16 जून 2019

पुणे : पुणे कृषी उत्पन्न बाजार समितीच्या पुनर्विकासाला गती मिळाली आहे. सुमारे ७०० कोटींचा हा प्रकल्प बाजार समिती आणि आडतदार यांच्यातील विसंवादामुळे रखडला होता. मात्र, आता अडते असोसिएशनने काही अटींवर मान्यता दिल्याने या प्रकल्पाला गती मिळणार आहे. मूळ आराखड्यामध्ये अडतदारांच्या सूचनांनुसार काही दुरुस्त्या करण्यात येणार आहे. यानंतर या आराखड्याचे मुख्यमंत्र्यांना सादरीकरण करून अंतिम मंजुरीसाठी सादर करण्यात येणार असल्याचे बाजार समितीचे प्रशासक बी. जे. देशमुख यांनी सांगितले. दरम्यान, बुधवारी (ता. १९) बाजार समिती प्रशासन, वास्तुविशारद आणि अडतदारांमध्ये बैठक होणार आहे.

पुणे : पुणे कृषी उत्पन्न बाजार समितीच्या पुनर्विकासाला गती मिळाली आहे. सुमारे ७०० कोटींचा हा प्रकल्प बाजार समिती आणि आडतदार यांच्यातील विसंवादामुळे रखडला होता. मात्र, आता अडते असोसिएशनने काही अटींवर मान्यता दिल्याने या प्रकल्पाला गती मिळणार आहे. मूळ आराखड्यामध्ये अडतदारांच्या सूचनांनुसार काही दुरुस्त्या करण्यात येणार आहे. यानंतर या आराखड्याचे मुख्यमंत्र्यांना सादरीकरण करून अंतिम मंजुरीसाठी सादर करण्यात येणार असल्याचे बाजार समितीचे प्रशासक बी. जे. देशमुख यांनी सांगितले. दरम्यान, बुधवारी (ता. १९) बाजार समिती प्रशासन, वास्तुविशारद आणि अडतदारांमध्ये बैठक होणार आहे.

वाढत्या शहरीकरणामुळे पुणे कृषी उत्पन्न बाजार समितीचे गुलटेकडी येथील आवार आता शहरात आले आहे. वाढलेला व्यापार, वाहतूक कोंडी, इमारतींची दुरवस्था यामुळे या बाजार आवाराचा पुनर्विकास व्हावा, यासाठी दोन वर्षांपूर्वी प्रशासकीय मंडळाचे अध्यक्ष दिलीप खैरे यांनी प्रयत्न केले. यासाठी वास्तुविशारदाची नियुक्ती केली. वास्तुविशारदांनी अत्याधुनिक बाजाराचा आराखडा बाजार समितीला सादर केला. या वेळी बाजार विस्थापित होऊन नुकसान होईल, वेळेत बांधकाम पूर्ण न झाल्यास नुकसानीला सामोरे जावे लागेल, बांधकामाची रक्कम अडतदारांकडून घेण्यास अडतदारांचा विरोध आदी विविध कारणांनी झालेल्या विरोधामुळे पुनर्विकास प्रकल्प रेंगाळला होता. 
मात्र, या प्रकल्पाला गती देण्यासाठी प्रशासक बी. जे. देशमुख यांनी गती दिली असून, अडतदार संघटना, विविध अडते यांच्याशी चर्चा करून, मूळ आराखड्यात बदल करण्यास मान्यता दिली.

आराखडा अंतिम करण्यासाठी बुधवारी (ता. १९) वास्तुविशारद, अडतदारांमध्ये बैठकीचे आयोजन करण्यात आले आहे. या बैठकीत अडत्यांच्या सूचना आणि मागणीनुसार आराखड्यात बदल करण्यात येणार असल्याचे श्री. देशमुख यांनी सांगितले. हा आराखडा अंतिम झाल्यानंतर मुख्यमंत्र्यांना त्याचे सादरीकरण करण्यात येणार आहे. यानंतर राज्य शासनाच्या मान्यतेनंतर प्रक्रिया सुरू केली जाणार आहे. 

आंतरराष्ट्रीय वास्तुविशारदाची होणार नियुक्ती 

पुरंदर येथील आंतरराष्‍ट्रीय विमानतळालगत दिवे येथे सुमारे ४०० एकरांवर राष्ट्रीय बाजार उभारण्यात येणार आहे. यासाठीच्या जागेची मोजणी प्रक्रिया पूर्ण झाली असून, अहवाल तहसीलदार कार्यालयाकडून जिल्हाधिकारी कार्यालयाला सादर होणार आहे. यानंतर राज्य शासनाच्या मार्गदर्शनानंतर जागा खरेदी किंवा भाडेतत्त्वावर घेतली जाणार आहे. या बाजार उभारणीसाठी आंतरराष्ट्रीय पातळीवरील बाजार उभारणीचा अनुभव असलेल्या वास्तुविशारदांची नियुक्ती करण्यात येणार आहे, असेही देशमुख यांनी स्पष्ट केले.


इतर ताज्या घडामोडी
नगर जिल्ह्यात सततच्या पावसाने मुगाचे...नगर  ः नगर जिल्ह्यात गेल्या काही दिवसापासून...
नांदेड जिल्ह्यात साडेसात लाख हेक्टरवर...नांदेड ः यंदा नांदेड जिल्ह्यातील खरिपाच्या पेरणी...
पुणे जिल्ह्यात भात लागवडीसाठी पट्टा...पुणे  ः चालू वर्षी खरीप हंगामात ड्रम सीडर...
दोंडाईचा मालधक्क्यावर अधिकाऱ्यांच्या...धुळे ः युरिया वितरणातील घोळ, शेतकऱ्यांच्या...
नगर जिल्ह्यात फळबाग लागवड वाढण्याचा...नगर  ः यंदा पाऊस चांगला, शिवाय मागील काही...
कोल्हापुरात अर्धा टक्के शेतकऱ्यांनी ...कोल्हापूर : राज्यात पंतप्रधान पीक विमा योजनेला...
रत्नागिरी जिल्ह्यात पशुसंवर्धन विभागाची...रत्नागिरी  ः महात्मा गांधी राष्ट्रीय ग्रामीण...
अकोला जिल्ह्यातील दोन लाखांवर ...अकोला  : जिल्ह्यात यंदाच्या खरीप हंगामात...
नागपूर कृषी महाविद्यालय राबवणार ‘ई-...नागपूर  : ‘कोरोना’च्या पार्श्वभूमीवर लॉकडाउन...
उभ्या पिकात मूलस्थानी जलसंवर्धनकोरडवाहू शेतीमध्ये जमिनीतील पाण्याची कमतरता पाहता...
दूध प्रश्न बाजूला; शेतकरी संघटनांमधील...कोल्हापूर  : दूध दरप्रश्नी सरकारवर दबाव...
पुण्यात भाजीपाल्याचा पुरवठा संतुलित; दर...पुणे ः गुलटेकडी येथील पुणे कृषी उत्पन्न बाजार...
घरोघरी असावी पोषण परसबागपरसबागेचा आकार हा जागेची उपलब्धता, कुटुंबातील...
आरोग्यमंत्री राजेश टोपे यांना मातृशोक;...मुंबई : राज्याचे आरोग्यमंत्री राजेश टोपे यांच्या...
अपचन, खोकला, कफावर गुणकारी पिंपळी पावडर आपल्या घरातील ज्येष्ठ मंडळींना पिंपळी नक्कीच...
मागण्यांसाठी मराठवाड्यात दूध...औरंगाबाद : दूध उत्पादन खर्चाच्या तुलनेत परवडणारा...
नैसर्गिकरीत्या वाढवा रोगप्रतिकारक शक्तीरोगप्रतिकारक शक्ती म्हणजेच शरीरात बाहेरून प्रवेश...
परभणी जिल्ह्यात रास्ता रोको, दूध संकलन...परभणी : दूध दरवाढीसाठी भाजपतर्फे शनिवारी (ता.१)...
दूध दरप्रश्नी आंदोलनाला विदर्भात...नागपूर : दूध दरप्रश्नी भाजपच्या वतीने...
दूध दरप्रश्नी भाजपचे सातारा जिल्ह्यात...सातारा  : गाईच्या दुधाला प्रतिलिटर १० रुपये...