agriculture news in marathi, The speed of the cultivation of sugar due to heavy rains | Agrowon

जोरदार पावसामुळे उसाच्या लागवडीला वेग
टीम अॅग्रोवन
बुधवार, 29 ऑगस्ट 2018

पुणे ः जोरदार पावसामुळे शेतकऱ्यांनी उसाच्या उशिराने लागवडी सुरू केल्या आहेत. गेल्या आठवड्यापासून चांगल्या झालेल्या पावसामुळे अाडसाली उसाच्या लागवडीला वेग आला आहे. आत्तापर्यंत विभागात आडसाली उसाच्या ६२ हजार १४ हेक्टरवर लागवडी झाल्या आहेत. येत्या काळात अधिक चांगला पाऊस झाल्यास या ऊस लागवडीच्या क्षेत्रात आणखी वाढ होईल.  

पुणे ः जोरदार पावसामुळे शेतकऱ्यांनी उसाच्या उशिराने लागवडी सुरू केल्या आहेत. गेल्या आठवड्यापासून चांगल्या झालेल्या पावसामुळे अाडसाली उसाच्या लागवडीला वेग आला आहे. आत्तापर्यंत विभागात आडसाली उसाच्या ६२ हजार १४ हेक्टरवर लागवडी झाल्या आहेत. येत्या काळात अधिक चांगला पाऊस झाल्यास या ऊस लागवडीच्या क्षेत्रात आणखी वाढ होईल.  

पुणे विभागात मुळा, भंडारदरा, कुकडी, उजनी अशा काही धरणांमुळे पाण्याची बऱ्यापैकी उपलब्धता आहे. यंदा ही धरणे भरत आली आहे. मात्र, इतर पिकांच्या तुलनेत ऊस पीक हे शाश्वत उत्पन्न म्हणून शेतकरी ऊस पिकांकडे पाहतात. त्यामुळे बहुतांशी शेतकरी दरवर्षी उसाच्या लागवडी करतात. जूनमध्ये दहा ते वीस, जुलै महिन्यात पावसाचा चांगलाच खंड पडला होता. त्यामुळे अनेक शेतकऱ्यांनी उसाएेवजी सोयाबीन, तूर, मूग आदी कमी पाण्याच्या पिकांवर भर दिला आहे. त्यामुळे ऊस लागवडीत घट झाल्याचे चित्र आहे. चांगला पाऊस झाल्यास ऊस लागवडी याच काळात एक लाखाहून अधिक क्षेत्रावर होतात. सुरवातीच्या काळात कमी झालेल्या पावसामुळे उसाच्या क्षेत्रात घट झाल्याची स्थिती आहे.

दरवर्षी शेतकरी आडसाली, पूर्व हंगामी, सुरू अशा तीन हंगामात उसाच्या लागवडी करतात. जून ते जुलै महिन्यात आडसाली उसाच्या शेतकरी प्रामुख्याने लागवडी करतात. लागवड केल्यानंतर साधारणपणे पंधरा ते सतरा महिन्यांनी ऊस साखर कारखान्यास तोडणीस देतात. पुणे विभागात उसाचे एकूण सरासरी तीन लाख ७३ हजार १२९ हेक्टर क्षेत्र आहे.

विभागातील नगर जिल्ह्यात शेवगाव, राहुरी, श्रीगोंदा, कर्जत, नेवासा, पाथर्डी, राहाता या तालुक्यांत बऱ्यापैकी लागवडी झाल्या आहेत. पुणे जिल्ह्यातील शिरूर, दौंड, बारामती, इंदापूर, हवेली, जुन्नर, पुरंदर या तालुक्यांत लागवडी झाल्या आहेत. मुळशी, भोर, मावळ, वेल्हे, खेड, आंबेगाव या तालुक्यात अजूनही उसाच्या लागवडी झालेल्या नाहीत. सोलापूर जिल्ह्यातील मंगळवेढा, माळशिरस, पंढरपूर, करमाळा, दक्षिण सोलापूर या तालुक्यांत उसाच्या लागवडी झाल्या आहेत. तर उत्तर सोलापूर, बार्शी, मोहोळ, माढा, सांगोला ही तालुके ऊस लागवडीपासून दूर असल्याचे चित्र आहे.

 

जिल्हानिहाय आडसाली उसाच्या झालेल्या लागवडी (क्षेत्र, हेक्टरमध्ये)
जिल्हा  सरासरी क्षेत्र अाडसाली ऊस लागवड टक्के
नगर १,०४,३३७ ३३,०६२ ३२
पुणे  १,२४,७५१ २१,७०४ १७
सोलापूर १,४४,०४१ ७२४८
एकूण  ३,७३,१२९ ६२,०१४ १७

 

इतर ताज्या घडामोडी
लोक-जैविपा - भर दुष्काळात उभारलेली...शेतकऱ्यांचा पुढाकार अनुभवल्यावर वन विभागाच्या...
नगर : नुकसान भरपाईसाठी एकशे पस्तीस...नगर : जिल्ह्यात ऑक्टोबर ते नोव्हेंबर या...
'या' बाजार समितीत शेतकऱ्यांना अल्प दरात...अकोला : सध्या कोणत्याही शासकीय योजनेचा फायदा...
जळगाव जिल्ह्यात सर्वच नुकसानग्रस्तांना...जळगाव : अतिवृष्टीमुळे बाधित झालेल्या शेतकऱ्यांना...
केंद्रीय पथक आज मराठवाड्यात पीक...औरंगाबाद : मराठवाड्यात ऑक्‍टोबर-...
फळबागांची लागवड खोळंबण्यास ‘तो’ ठरला...पुणे : मागील दोन ते तीन महिन्यांत जोरदार पाऊस...
सांगलीत बेदाणा लिलावास प्रारंभसांगली : दिवाळीच्या महिन्याच्या सुटीनंतर बाजार...
अमरावती जिल्ह्याला २४ टक्‍के...अमरावती : मॉन्सूनोत्तर पावसाचा जिल्ह्यात ८० टक्‍...
परभणी विभागात २८ हजार क्विंटल...परभणी : महाबीजच्या परभणी विभागातील सहा...
हमीभावासाठी 'सीसीआय'ला द्या कापूस : ॲड...वर्धा : ‘‘शेतकऱ्यांनी आधारभूत किमतीपेक्षा कमी...
राज्यात रताळी ५०० ते ६००० हजार रुपये...जळगावात २२०० ते ३२०० रुपये  जळगाव...
पेरणीपूर्व मशागतीय पद्धतीने करा...रब्बी हंगामात ज्वारी, गहू, हरभरा, करडई व सूर्यफूल...
कांदा पिकासाठी संतुलित अन्नद्रव्य...कांदा उत्पादकता कमी होण्यासाठी असंतुलित खत...
जळगाव जिल्हा परिषदेत निधीवाटपावरून आरोप...जळगाव : जिल्हा परिषद सेस फंड, शिक्षण, महिला-...
वऱ्हाडला पीक नुकसानभरपाईचा २६५ कोटींचा...अकोला : ऑक्टोबरमध्ये झालेल्या अतिपावसाचा फटका...
पुणे विभागात रब्बीसाठी अडीच लाख टन खते...पुणे : रब्बी हंगामात शेतकऱ्यांना खतांची अडचण येऊ...
सांगली जिल्ह्यात भूजल पातळी ५८...सांगली : जिल्ह्यात गेल्या पाच वर्षांपेक्षा यंदा...
नाशिक : भिजलेल्या पिकांमुळे चाऱ्याचा...नाशिक : जिल्ह्यात झालेल्या मॉन्सूनोत्तर पावसाने...
धक्कादायक, एकाच गावातल्या ६०० मेंढ्या...नगर  ः मागील महिन्यात अतिवृष्टीने पारनेर...
अधिक उपसा केला तर पाणी टंचाईची शक्यता...लातूर : जिल्ह्यात पावसाळ्याच्या चारही महिन्यांत...