शिराळ्यातील गूळ हंगाम अवघ्या तीन महिन्यांत संपला

शिराळ्यातील गूळ हंगाम अवघ्या तीन महिन्यांत संपला
शिराळ्यातील गूळ हंगाम अवघ्या तीन महिन्यांत संपला

सांगली ः शिराळा तालुक्यातील दरवर्षी पाच ते साडे पाच महिने चालणारा गूळ हंगाम यंदा अवघ्या तीन महिन्यांत संपला. गेल्यावर्षीपेक्षा यंदाच्या हंगामात गुळाला ८०० ते १२०० रुपये प्रतिक्विंटलला दर कमी मिळाला. त्यामुळे गूळ उत्पादक शेतकऱ्यांचे आर्थिक नुकसान झाले आहे. 

शिराळा तालुका हा गूळ उत्पादनाचे आगार मानले जाते. परंतु, मजुरांची टंचाई आणि गूळनिर्मितीसाठी लागणारा कुशल गुळव्या यांची वानवा असल्याने गुऱ्हाळघरे संकटात आली आहेत. यामुळे यंदाच्या हंगामात अंदाजे ३ ते ५ गुऱ्हाळघरे सुरू झाली होती. साखर कारखान्यांनी उसाचे दर जाहीर केले नसल्याने त्याचा फटका गुळाच्या दरावर झाला. त्यातच शिराळा तालुक्याच्या पश्चिम भागात अतिपावसामुळे उसाचे मोठ्या प्रमाणात नुकसान झाले. त्याचा परिणाम गुळाच्या उताऱ्यावर झाला. गेल्यावर्षी दोन टन उसाचे गाळप केल्यानंतर ३१० ते ३२० किलो गुळाचे उत्पादन झाले होते. मात्र, यंदा दोन टन उसाचे गाळप केल्यानंतर २५० ते २६० किलो गूळ मिळाला. याचाच अर्थ असा की, ५० ते ६० किलोचा उतारा कमी मिळाला. 

अपेक्षित दर नाही  शिराळा तालुक्‍यातील सर्वच गूळ उत्पादक शेतकरी कऱ्हाड (जि. सातारा) येथील बाजार समितीत गुळाची विक्री करतात. हंगाम सुरू होताना गुळाचे कमीच होते. साखर कारखान्यांनी उसाचा दर करण्यास विलंब केला. त्याचा फटका गुळाच्या दरावर झाला असे गूळ उत्पादक शेतकऱ्यांनी सांगितले. यामुळे बाजार समितीत गेल्या वर्षी ५ हजार रुपये मिळाला होता. यंदा याच गुळाला ८०० ते १ हजार २०० रुपयांनी दर कमी मिळाल्याने गूळ उत्पादक शेतकऱ्यांना मोठा आर्थिक फटका बसला आहे.

अतिपावसाने उसाचे मोठ्या प्रमाणात नुकसान झाले. त्यातच गुळाचा उताराही कमी मिळाला. त्यात गुळाला अपेक्षित दर मिळाला नसल्याने मोठे आर्थिक नुकसान झाले आहे.  - कुलदीप देशमुख, गूळ उत्पादक आणि गुऱ्हाळ घर मालक, कोकरुड, जि. सांगली  

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com