नाशिक : जिल्ह्यात द्राक्ष पट्ट्यात सध्या द्राक्षबागांवर ''स्पोडोप्टेरा लिट्यूरा'' अळी मोठ्या प्रमाणात नुकसान करत आहे. नाशिक जिल्ह्यातील निफाड, दिंडोरी, बागलाण, चांदवड आणि नाशिक तालुक्यांमध्ये द्राक्ष क्षेत्र हजारो हेक्टर क्षेत्रावर अळीचा प्रादुर्भाव दिसून येऊ लागला आहे. त्यामुळे छाटणीपूर्व, छाटणीदरम्यान व छाटणीनंतर नवीन फुटींमध्ये, द्राक्षाच्या पोंगा अवस्थेमध्ये अळीने मोठे नुकसान होत आहे. द्राक्षबागांच्या छाटण्या झाल्यानंतर नव्याने तयार होऊन शेंडा, फूट, लहान पाने, पोंगा व तयार झालेले घड ही अळी खाऊन फस्त करत आहेत. या अळीने खाल्लेल्या वेलींच्या ठिकाणी नव्याने फळ येणार नसल्याने उत्पादनात घट होण्याची शक्यता निर्माण झाली आहे. रात्रीच्या वेळेस प्रादुर्भाव करून कोवळे डोळे-घड यांचे नुकसान करते. दिवसभर ही अळी जमिनीवर पालापाचोळा, गवत खोडाची साल या मध्ये लपून राहते. सध्या अळीचा प्रादुर्भाव मोठ्या प्रमाणावर दिसून येत आहे. मात्र रात्रीत वेगाने फैलाव होऊन पूर्ण झाडावर या अळ्यांचा परिणाम दिसू लागला आहे. त्यामुळे सध्या छाटणीनंतर फुटवे या अळ्या खात आहेत. त्यामुळे शेतकरी पुन्हा छाटणी पुढे ढकलू लागले आहेत. रासायनिक कीटकनाशकांच्या फवारण्या करूनही अनेक भागात प्रादुर्भाव नियंत्रणात आलेला नाही. शेतकरी रात्रीच्या वेळी बॅटरी घेऊन पाहणी करत आहेत. त्यामुळे शेतकऱ्यांसमोर नेमका प्रादुर्भाव नियंत्रित करण्यात नेमका पर्याय समोर येणे अपेक्षित आहे.
अळीमुळे मुख्य अडचणी
प्रतिक्रिया
गेल्या तीन वर्षांपासून ही अळी तुरळक दिसून येत होती. मात्र चालू वर्षी मोठ्या प्रमाणावर अळीचा प्रादुर्भाव दिसून येत आहे. कीटकनाशकांचा परिणाम होताना दिसत नाही. त्यामुळे शासकीय यंत्रणेने वेळीच लक्ष द्यावे; अन्यथा अगोदरच संकटात असणारे हे पीक मोठ्या प्रमाणावर अडचणीत येण्याची शक्यता आहे. - दीपक ठुबे, द्राक्ष उत्पादक शेतकरी, खेडगाव, तक. दिंडोरी.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.