Agriculture news in Marathi Spontaneous response of consumers to the purchase of legumes in Aurangabad | Agrowon

औरंगाबादेत ग्राहकांचा रानभाज्या खरेदीला उत्स्फूर्त प्रतिसाद

टीम अॅग्रोवन
सोमवार, 10 ऑगस्ट 2020

आरोग्यदायी व अनेक औषधी गुणधर्म असलेल्या रानभाज्यांनी सर्वांनाच रानभाज्या महोत्सवात भुरळ घातली. जवळपास ५७ प्रकारच्या भाज्या या महोत्सवात सहभागी झाल्या. तर जवळपास २० स्टॉल वरून त्यांची थेट ग्राहकांना विक्री झाली.

औरंगाबाद ः आरोग्यदायी व अनेक औषधी गुणधर्म असलेल्या रानभाज्यांनी सर्वांनाच रानभाज्या महोत्सवात भुरळ घातली. जवळपास ५७ प्रकारच्या भाज्या या महोत्सवात सहभागी झाल्या. तर जवळपास २० स्टॉल वरून त्यांची थेट ग्राहकांना विक्री झाली.

सर्वांना या रानभाज्यांची ओळख व्हावी. त्याची पाककृती नवीन पिढीला कळावी, रानभाज्यांच्या विक्रीस चालना मिळावी. तसेच ग्रामीण भागातील लोकांना आर्थिक उत्पन्नाचे साधन निर्माण व्हावे, या उद्देशाने कृषी विभाग आत्मा व कृषी विज्ञान केंद्र औरंगाबाद व गांधीली यांच्या संयुक्त विद्यमाने या रानभाजी महोत्सवाचे आयोजन औरंगाबाद येथे रविवारी (ता. ९) करण्यात आले होते. करटोली, घोळ, अंबुशी, कुर्डू, केना, सुरण, दिंडा, कुडा, टाकळा, पाथ्री, भुई आवळी, कपाळफोडी, तरोटा आगडा, उंबर, चिगूर, सराटे मयाळू, फांद, तांदुळकुंदरा, राणकेळी आदींचा यामध्ये प्रामुख्याने समावेश होता. वसंतराव नाईक मराठवाडा कृषी विद्यापीठाअंतर्गत स्थानिक पैठण रोडवरील कृषी विज्ञान केंद्रात आयोजित या महोत्सवातून ४० हजारांच्या रानभाज्या विकल्या गेल्या. ग्राहकांचा या भाजी खरेदीला अपेक्षेच्या पुढे जाऊन प्रतिसाद मिळाला.

विभागीय कृषी सहसंचालक डाॅ. डी. एल. जाधव यांच्या हस्ते या महोत्सवाचे उद्घाटन करण्यात आले. यावेळी सहयोगी संचालक संशोधन डाॅ. एस. बी. पवार, कृषी विज्ञान केंद्र कार्यक्रम समन्वयक डाॅ. किशोर झाडे, जिल्हा अधीक्षक कृषी अधिकारी डाॅ. तुकाराम मोटे, उपविभागीय कृषी अधिकारी अनिल हदगावकर, प्रबोध चव्हाण, नाबार्डचे जिल्हा व्यवस्थापक सुरेश पटवेकर आदींची प्रामुख्याने  उपस्थिती होती. जिल्हा अधीक्षक कृषी अधिकारी डॉ. तुकाराम मोटे यांनी या कार्यक्रमाचे प्रास्ताविक केले.

उदघाटक डाॅ. जाधव म्हणाले, की ९ ऑगस्ट हा दिवस संयुक्त राष्ट्र महासंघाच्या वतीने जागतिक आदिवासी दिन म्हणून साजरा केला जात आहे. या दिनाचे निमित्य साधत रानभाज्यांच्या संवर्धनातून आदिवासींची समृद्धी ही संकल्पना राबविण्याचे या वर्षी पासून धोरण ठरवले आहे. त्या निमित्ताने या रानभाज्या महोत्सवाचे नियोजन केले आहे. आत्ताच्या पिढीला ना या भाज्यांची ओळख ना त्यापासून भाजी कशी बनवायची याचीही माहिती. त्यांना ही माहिती देण्याचा प्रयत्न या महोत्सवातून करण्यात आला. वेगवेगळ्या रानभाज्या पाहण्याची व खरेदी करण्याची संधी या महोत्सवातून उपलब्ध करून देण्यात आला. फेसबुक व युट्यूबवर हा महोत्सव दाखविण्यात आला. कार्यक्रमाचे सूत्रसंचालन श्री. संजीव साठे यांनी केले.


इतर ताज्या घडामोडी
मोदी सरकारकडून शेतकऱ्यांच्या ह्रदयावर...नवी दिल्ली : कृषी सुधारणा कायद्यांविरोधात...
कृषी कायद्यांविरोधात सर्व आघाड्यांवर...चंडीगड ः केंद्र सरकारच्या कृषी कायद्यांना...
काळा पैसा बंद झाल्याने त्यांचा विरोध; ...नवी दिल्ली : ‘‘कृषी सुधारणा कायद्यांमुळे...
कृषी कायदे झुगारून लावा; काँग्रेसशासित...नवी दिल्ली   ः काँग्रेसशासित राज्यांनी...
नगर जिल्ह्यात पीक नुकसानीचे पंचनामे...नगर  ः महिनाभर सतत पाऊस पडल्याने जिल्ह्यातील...
पुणे विभागात एक लाख ३८ हजार हेक्टरवर...पुणे  ः यंदा वेळेवर पाऊस झाल्याने चारा...
पावसाचा नगरमधील १७ हजार कांदा...नगर  ः गेल्या महिनाभरात झालेल्या सततच्या...
नुकसानीबाबत परभणीतील सहा हजारांवर ...परभणी : अतिवृष्टी तसेच नाले, ओढे, नद्यांच्या...
 पावसाची विश्रांती; सिंधुदुर्गात भात...सिंधुदुर्ग  ः जिल्ह्यात पावसाने विश्रांती...
पानपिंपरी, विड्याच्या पानाला...बुलडाणा  ः पानपिंपरी व विड्याचे पानमळे हे...
जत तालुक्यातील सात गावांमधील ...सांगली  ः जत तालुक्यातील सात गावांमधील...
अकोला जिल्ह्यात ८७ हजार हेक्टरवर हरभरा...अकोला  ः यंदा समाधानकारक पावसामुळे सर्वच...
ऊस वाहतूक दरात ५० टक्के वाढ द्या : ...कोल्हापूर : ऊस वाहतुकीच्या दरात ५० टक्के वाढ...
शेतकरी विरोधी कृषी कायदे रद्द करा :...मुंबई : केंद्र सरकारने मंजूर केलेली कृषी...
कृषी विधेयकाआधीही शेतकरी स्वतः माल विकू...सोलापूर  ः केंद्र सरकारने आणलेल्या कृषी...
केंद्राची कृषी विधेयके शेतकरी-कामगार...पुणे : केंद्र सरकारने मंजूर केलेली कृषी, पणन आणि...
दक्षिण आशियात तापमानात किंचित वाढ...पुणे : दक्षिण आशियातील देशांत मॉन्सूनोत्तर...
आदर्श शेतकरी नाही, तर केवळ नोकरदार...चंद्रपूर : आधुनिक तंत्रज्ञानाचा पुरस्कर्ते...
सहकारी संस्थांच्या निवडणुका पुन्हा...मुंबई : कोरोना संकटामुळे राज्यातील मुदत संपलेल्या...
जळगावात भरीताची वांगी १५०० ते २५००...जळगाव  ः येथील कृषी उत्पन्न बाजार समितीमध्ये...