Agriculture news in Marathi Spontaneous support to the public curfew in Solapur | Page 2 ||| Agrowon

सोलापुरात जनता कर्फ्यूला उत्स्फूर्त पाठिंबा

टीम अॅग्रोवन
सोमवार, 23 मार्च 2020

सोलापूर ः ‘कोरोना’च्या संकटावर मात करण्यासाठी पंतप्रधान नरेंद्र मोदींनी जाहीर केलेल्या जनता कर्फ्यूला सोलापूर जिल्ह्यात रविवारी (ता. २२) सगळीकडे उत्स्फूर्त प्रतिसाद मिळाला. अत्यावश्यक सेवेतील मोजके कर्मचारी वगळता जिल्ह्यात सर्वच तालुक्यांत छोटी-मोठी दुकाने, बाजारपेठा बंद राहिल्या. रस्त्यावर निर्मनुष्य आणि शुकशुकाटाचे चित्र राहिले. विशेषतः रोज हजारो यात्रेकरूंच्या संख्येने गजबजणारे पंढरपूर आणि अक्कलकोट या तीर्थक्षेत्रातील रस्ते आणि चौकांनीही पहिल्यांदाच पूर्णपणे मोकळा श्वास घेतला.

सोलापूर ः ‘कोरोना’च्या संकटावर मात करण्यासाठी पंतप्रधान नरेंद्र मोदींनी जाहीर केलेल्या जनता कर्फ्यूला सोलापूर जिल्ह्यात रविवारी (ता. २२) सगळीकडे उत्स्फूर्त प्रतिसाद मिळाला. अत्यावश्यक सेवेतील मोजके कर्मचारी वगळता जिल्ह्यात सर्वच तालुक्यांत छोटी-मोठी दुकाने, बाजारपेठा बंद राहिल्या. रस्त्यावर निर्मनुष्य आणि शुकशुकाटाचे चित्र राहिले. विशेषतः रोज हजारो यात्रेकरूंच्या संख्येने गजबजणारे पंढरपूर आणि अक्कलकोट या तीर्थक्षेत्रातील रस्ते आणि चौकांनीही पहिल्यांदाच पूर्णपणे मोकळा श्वास घेतला.

कोरोनाचे संकट आज देशभर घोंगावत आहे. त्यात महाराष्ट्रातील संख्या वाढत असताना सोलापुरात आतापर्यंत १३ संशयित रुग्ण आढळले. पण त्यांचे रिपोर्ट निगेटिव्ह आले आहेत. सोलापूर जिल्ह्याच्या उंबरठ्यावर कधीही कोरोना येऊन धडकण्याची शक्यता आहे. त्यादृष्टीने प्रशासनाकडून पुरेशी काळजी घेण्यात येत आहे. त्याचाच भाग म्हणून जिल्हाधिकाऱ्यांनी ३१ मार्चपर्यंत अत्यावश्यक सेवा वगळता अन्य सर्व आस्थापना, दुकाने, हॉटेल्स, थिएटर, बार, मॅाल यांसारखी वर्दळीची सर्व ठिकाणे बंद ठेवण्याचे आदेश दिले आहेत. 

त्यानुसार सर्वांनी स्वयंस्फूर्तीने पुढे येत पाठिंबा दिला असताना, आज जनता कर्फ्यू पुकारण्यात आल्याने त्यालाही लोकांनी उत्स्फूर्तपणे पाठिंबा देत घरीच राहणे पसंद केले. सकाळी सात वाजता हा कर्फ्यू सुरू होणार असला, तरी सकाळी सहा वाजल्यापासूनच सर्व चौक, रस्ते निर्मनुष्य झाले. एरव्ही पहाटेपासूनच गजबजणारी मॅार्निंगवॅाकची ठिकाणे, रस्ते, क्रीडा मैदाने रविवारी मोकळी राहिली.

पंढरपूर, अक्कलकोटने घेतला मोकळा श्वास 
एरव्ही रोज हजारोंच्या संख्येने पंढरपुरात श्री विठ्ठल-रुक्मिणीच्या दर्शनासाठी आणि अक्कलकोटला श्री स्वामी समर्थ महाराजांच्या दर्शनासाठी गर्दी होते. पण दोन-तीन दिवसांपासून आधीच ही मंदिरेही दर्शनासाठी पूर्णपणे बंद केली असली, तरी आज कर्फ्यूमुळे या शहरातही रस्त्यावर निर्मनुष्य स्थिती राहिली. त्यामुळे पहिल्यांदाच या तीर्थक्षेत्रातील रस्ते आणि बाजारपेठांनी मोकळा श्वास घेतला. 

शेतकऱ्यांनीही कामे थांबवली 
जिल्ह्यात अनेक ठिकाणी सध्या रब्बी हंगामातील ज्वारी, गहू, हरभरा काढणीचा हंगाम सुरू आहे. सध्या त्यांच्या दृष्टीने कामाची घाई आहे. पण पंतप्रधानांनी केलेल्या आवाहनाला प्रतिसाद म्हणून आजच्या एकदिवसाच्या कर्फ्यूमध्ये सहभागी होण्यासाठी ही कामेही थांबवत घरीच राहण्याचे पसंत केल्याचे चित्र अनेक भागात राहिले. 
 


इतर ताज्या घडामोडी
सूचनांचे पालन न केल्यास दंड आकारण्याचे...पुणे  ः सध्या सर्वत्र कोरोना विषाणूच्या...
पुणे जिल्हयातील बहुतांश कृषी सेवा...पुणे  ः कोरोना विषाणूचा प्रादुर्भाव...
पावसामुळे रब्बी पिके तसेच हळदीचे नुकसाननांदेड ः नांदेड, परभणी, हिंगोली जिल्ह्यातील अनेक...
सांगलीत विम्याचे पैसे परस्पर कर्जापोटी...आटपाडी, जि. सांगली  : तालुक्यातील डाळिंब...
पुणे जिल्हा परिषदेच्या कृषी, पशुसंवर्धन...पुणे  : पुणे जिल्हा परिषदेच्या २०२०-२१ च्या...
नाशिकमध्ये आढळला कोरोनाबाधित रुग्ण नाशिक: जिल्ह्यात कोरोनाचा रुग्ण आढळल्याने खळबळ...
कोल्हापुरात व्हाट्सॲपवरून शेतमाल ...कोल्हापूर: कोरोनाच्या संचारबंदीमुळे निर्माण...
मुंबई बाजार समितीत किरकोळ व्यापाऱ्यांना...मुंबई: मुंबई बाजार समिती प्रशासनाकडून रोज नवनवीन...
संरक्षण सिद्धतेप्रमाणेच आरोग्य...सार्वजनिक आरोग्य आणि करोना सारख्या गंभीर साथी...
‘कोरोना’ आणि पावसामुळे संत्रा झाडालाच शेलगाव, जि. वाशीम : वाशीम तालुक्यातील शेलगाव घुगे...
लातुरात किराणा दुकानांतून होणार...लातूर : ‘कोरोना’ला रोखण्यासाठी सरकारने लागू...
परभणी : रेल्वे सेवा बंदचा लिंबू...परभणी ः ‘कोरोना’ विषाणू संसर्गामुळे रेल्वे...
राज्यात कोरोनामुळे आणखी दोन मृत्यू;...पुणे: राज्यात कोरोना विषाणूचा संसर्ग झालेल्या...
वऱ्हाडात पूर्वमोसमी पावसाचा पुन्हा तडाखाअकोला  ः  वऱ्हाडातील काही भागांत...
‘कोरोना’ मुकाबल्यासाठी अकोल्यात टास्क...अकोला ः कोरोना विषाणूमुळे लागू असलेल्या...
‘कोरोना’विरुद्धचा लढा मानवजातीच्या...मुंबई: ‘कोरोना’विरुद्धचा लढा राज्य, देशांच्या...
फुलंब्री, भोकरदन तालुक्यात गारपीट;...औरंगाबाद/जालना : औरंगाबाद व जालना जिल्ह्यातील...
बुलडाण्यात ‘कोरोना’बाधिताचा मृत्यू;...बुलडाणा : जिल्ह्यात ‘कोरोना’ बाधिताचा मृत्यू...
नाशिकमध्ये आढळला कोरोनाबाधित रुग्ण नाशिक : जिल्ह्यात ‘कोरोना’चा रुग्ण आढळून...
नाशिक : ‘सह्याद्री’ उपलब्ध करुन देणार...नाशिक : शेतकऱ्यांनी एकत्र येत सुरू केलेली...