Agriculture news in Marathi, ST bus in WiFi service off | Agrowon

एसटी बसमधील ‘वायफाय’ सेवा बंद
टीम अॅग्रोवन
सोमवार, 14 ऑक्टोबर 2019

जळगाव ः राज्य परिवहन महामंडळाने (एसटी) प्रवाशांना बसमधून उत्तम सेवा देण्याच्या उद्देशाने नवनवीन सुविधा देण्यास सुरवात केली. यात मनोरंजनासाठी वायफाय सुविधा देण्याची घोषणा केली. मात्र, ही सेवा प्रवाशांपर्यंत कधीच ‘कनेक्‍ट’ झाली नसून, ती आजवर ‘डिस्कनेक्‍ट’च आहे. त्यामुळे बसमध्ये लावलेले ‘वायफाय’ सेवेचे बॉक्‍स केवळ ‘शोपीस’ ठरत आहेत. 

जळगाव ः राज्य परिवहन महामंडळाने (एसटी) प्रवाशांना बसमधून उत्तम सेवा देण्याच्या उद्देशाने नवनवीन सुविधा देण्यास सुरवात केली. यात मनोरंजनासाठी वायफाय सुविधा देण्याची घोषणा केली. मात्र, ही सेवा प्रवाशांपर्यंत कधीच ‘कनेक्‍ट’ झाली नसून, ती आजवर ‘डिस्कनेक्‍ट’च आहे. त्यामुळे बसमध्ये लावलेले ‘वायफाय’ सेवेचे बॉक्‍स केवळ ‘शोपीस’ ठरत आहेत. 

राज्य परिवहन महामंडळाने प्रत्येक बसमध्ये प्रवाशांसाठी सुविधा पुरविण्याचा निर्णय घेतला आहे. मात्र, या सुविधांचा लाभ प्रवाशांना होत नसल्याने बोजवारा उडाला आहे. बसमध्ये असलेली प्रथमोपचार पेटी नेहमी रिकामीच असल्याची स्थिती आहे. तसेच आग विझविण्यासाठीचे सिलिंडरही अनेक बसमध्ये नाही. अगदी भंगार अवस्थेतील बस रस्त्यावरून धावते. तिच्या खिडक्‍या तुटलेल्या, पत्र्याचाही मोठ्या प्रमाणात आवाज येतो. तसेच एसटीत नव्याने दाखल झालेल्या ‘शिवशाही’ बसची देखील तीच स्थिती झाली असून, तुलनेत खासगी ट्रॅव्हल्समध्ये या सुविधांवर अधिक भर दिला जात असल्याचे पाहावयास मिळते. 

‘एसटी’ बसमध्ये केवळ औपचारिकता म्हणून सेवा पुरविल्या जात आहेत. प्रवाशांच्या सोयीसाठी ठेवलेल्या प्रथमोपचार पेट्यांचा वापर अपघातावेळी होऊ शकेल, अशा सुस्थितीत त्या अजिबात नसल्याचे चित्र बसमध्ये पाहावयास मिळते. 

बसमधून प्रवास करणाऱ्या प्रवाशांच्या मनोरंजनासाठी ‘वायफाय’ सुविधा पुरविण्याचा निर्णय घेऊन त्यासाठी ‘कॉन्ट्रॅक्‍ट’ही देण्यात आला होता. परंतु, ही सुविधा आजवर सुरूच झालेली नाही. बसमध्ये मनोरंजनासाठी लावलेल्या ‘वायफाय’च्या बॉक्‍समधून निघणारी ‘रेंज’ प्रवाशांच्या मोबाईलपर्यंत पोचलेलीच नाही. त्यामुळे हे बॉक्‍स नावालाच उरले आहेत. प्रवाशांना देण्यात येणाऱ्या सेवा-सुविधांच्या दुरवस्थेकडे लक्ष देण्यास महामंडळाचे वरिष्ठ अधिकारी, पदाधिऱ्यांना वेळच नसल्याचे चित्र यावरून स्पष्ट होत आहे.

बसमध्ये ‘वायफाय’ सेवा सुरू करण्याचा निर्णय वरिष्ठ स्तरावरून झालेला होता. आता ती सेवा बंद झाल्याचा निर्णयही तिकडूनच झाला. सेवा सुरू करण्यासाठी संबंधित कंपनीने ती उपलब्ध करून दिली होती. ही सेवा बंद झाल्याने ‘एसटी’ला कोणत्याही प्रकारचा तोटा नाही. 
- राजेंद्र देवरे, 
विभाग नियंत्रक, रापम, जळगाव विभाग

इतर बातम्या
जळगाव जिल्हा परिषदेत निधीवाटपावरून आरोप...जळगाव : जिल्हा परिषद सेस फंड, शिक्षण, महिला-...
वऱ्हाडला पीक नुकसानभरपाईचा २६५ कोटींचा...अकोला : ऑक्टोबरमध्ये झालेल्या अतिपावसाचा फटका...
पुणे विभागात रब्बीसाठी अडीच लाख टन खते...पुणे : रब्बी हंगामात शेतकऱ्यांना खतांची अडचण येऊ...
सांगली जिल्ह्यात भूजल पातळी ५८...सांगली : जिल्ह्यात गेल्या पाच वर्षांपेक्षा यंदा...
नाशिक : भिजलेल्या पिकांमुळे चाऱ्याचा...नाशिक : जिल्ह्यात झालेल्या मॉन्सूनोत्तर पावसाने...
धक्कादायक, एकाच गावातल्या ६०० मेंढ्या...नगर  ः मागील महिन्यात अतिवृष्टीने पारनेर...
अधिक उपसा केला तर पाणी टंचाईची शक्यता...लातूर : जिल्ह्यात पावसाळ्याच्या चारही महिन्यांत...
नाशिक जिल्ह्यात नुकसानीपोटी १८१ कोटींची...नाशिक : जिल्ह्यात झालेल्या अतिवृष्टीमुळे...
नागपूर जिल्ह्यात शेतकऱ्यांसाठी कॉंग्रेस...नागपूर : मॉन्सूनोत्तर पावसामुळे शेतकऱ्यांना...
नाशिक जिल्ह्यात टोमॅटोला गेले तडे ! ५०...नाशिक  : मॉन्सूनोत्तर पावसाच्या तडाख्यामुळे...
...'या' सिंचन योजनेची पाणीपट्टी होणार...सांगली : ताकारी उपसा सिंचन योजनेच्या पाणीपट्टीची...
किसान सभेकडून विमा कंपनीला २८...पुणे : पुण्यातील दि ओरिएन्टल इन्शुरन्स कंपनीकडून...
हैबतबाबांच्या पायरीपूजनाने आळंदीत...आळंदी, जि. पुणे  ः टाळ-मृदंगाचा निनाद आणि...
गूळ सौदे सुरू करण्यासाठी दोन्ही घटकांना...कोल्हापूर  : गेल्या दोन दिवसांपासून व्यापारी...
सांगली जिल्ह्यात ऊस दरासाठी ‘स्वाभिमानी...सांगली : जिल्ह्यात गळीत हंगाम सुरू होताच...
उद्यापासून हंगाम सुरु, पण ऊसतोड बंदच !मुंबई / पुणे  ः राज्यातील यंदाचा ऊस गाळप...
कोल्हापुरात कारखान्यांकडून ऊसतोड सुरू...कोल्हापूर  : गेल्या चार दिवसांपासून...
विदर्भ, मराठवाड्यात गारठा वाढलापुणे   : किमान तापमानात घट होत असल्याने...
खतमाफियांमुळे शेतकऱ्यांची मोठी लूटपुणे : बोगस मिश्रखतांचे उत्पादन व विक्री करणाऱ्या...
बटाटा, टोमॅटोतील उशिरा येणाऱ्या करपा...बटाटा आणि टोमॅटो यांसारख्या पिकांमध्ये प्रचंड...