लालपरीचा संचित तोटा सहा हजार कोटींवर 

लॉकडाउनच्या शिथिलतेनंतरही एस.टी. महामंडळास दररोज सुमारे २३ कोटींचा फटका बसू लागला आहे. प्रवाशांचा प्रतिसाद अत्यल्प असल्याने उत्पन्नापेक्षा खर्चच अधिक होत आहे, त्यामुळे कर्मचाऱ्यांच्या वेतनाला कात्री लावण्याचा निर्णय महामंडळाने घेतला.
st bus
st bus

सोलापूर : लॉकडाउनच्या शिथिलतेनंतरही एस.टी. महामंडळास दररोज सुमारे २३ कोटींचा फटका बसू लागला आहे. प्रवाशांचा प्रतिसाद अत्यल्प असल्याने उत्पन्नापेक्षा खर्चच अधिक होत आहे, त्यामुळे कर्मचाऱ्यांच्या वेतनाला कात्री लावण्याचा निर्णय महामंडळाने घेतला. संचित तोटा आता सहा हजार कोटींवर पोहोचल्याने जनतेची लालपरी टिकविण्यासाठी सरकारने महामंडळाला दोन हजार कोटींची मदत करावी, असे पत्र कामगार संघटनेने मुख्यमंत्री उद्धव ठाकरे व ज्येष्ठ नेते शरद पवार यांना लिहिले आहे.  -  उत्पन्नात घट झाल्याने राज्य सरकारने सवलत मूल्यांपोटी चारशे कोटी रुपये दिल्यानंतर एस.टी. महामंडळातील कामगारांचा पगार झाला. आता जूनच्या वेतनाची चिंता लागली असून, शासनाने उर्वरित २७० कोटी रुपये दिल्यानंतर मे देय जूनचा पगार ५० टक्‍के करण्याचा निर्णयही महामंडळाने घेतला आहे. दोन महिने उशिराने वेतन मिळूनही त्यात कपात केल्याने कामगारांत असंतोष पसरला आहे. दुसरीकडे संचित तोटा वाढू लागल्याने महामंडळाने रोजंदारी कर्मचाऱ्यांना काम देणे बंद केले असून, अनुकंपाखालील लिपिक, टंकलेखक व सहायकांचे काम थांबविण्याचाही निर्णय घेतला आहे. अडचणीतून मार्ग काढण्यासाठी आता महामंडळाच्या मालकीच्या काही जागांची विक्री करण्याचाही निर्णय झाला आहे.  एसटी महामंडळाची सद्यःस्थिती  एकूण कर्मचारी  १.०५ लाख  महामंडळाचे वार्षिक उत्पन्न  २७६ कोटी  दरवर्षीचा अंदाजित खर्च  २८९ कोटी  महामंडळाचा संचित तोटा  ६,१०० कोटी  उत्पन्नाच्या तुलनेत खर्च वाढला  महाराष्ट्र राज्य परिवहन महामंडळाचा २०१४-१५ मध्ये संचित तोटा एक हजार ६८५ कोटी रुपये होता. मात्र, खासगी वाहतुकीशी स्पर्धा करणारी लालपरी मागे पडली आणि २०१९-२० मध्ये हा संचित तोटा सहा हजार कोटींवर पोहचला. डिझेल खर्च, बसगाड्यांच्या देखभाल-दुरुस्तीचा खर्च आणि वेतनावरील खर्चही उत्पन्नातून निघत नाही, अशी अवस्था झाली. आता कोरोनामुळे जिल्हाबंदी असून राज्यातील बहुतांश जिल्ह्यांमध्ये अंतर्गत वाहतूक सुरू आहे. मात्र, प्रवासीच नसल्याने डिझेलचाही खर्च निघत नसल्याची स्थिती आहे. अशा परिस्थितीत बाराही महिने गोरगरिबांची सेवा करणारी लालपरी वाचविण्यासाठी आर्थिक मदतीचा हात पुढे करावा, अशी विनंती कामगारांनी पत्राद्वारे मुख्यमंत्र्यांकडे केली आहे. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com