'रासाका' लवकर सुरू करा, शेतकऱ्यांची मागणी

निफाड : तालुक्यातील रानवड सहकारी साखर कारखाना लवकर सुरू व्हावा, अशी मागणी निफाड तालुक्यातील काँग्रेस व शिवसेनेच्या शिष्टमंडळाने कृषिमंत्री दादा भुसे यांच्याकडे केली.
Start ‘Rasaka’ early, farmers demand
Start ‘Rasaka’ early, farmers demand

नाशिक  : गेल्या काही दिवसांपासून निफाड तालुक्यातील रानवड सहकारी साखर कारखाना सुरू होण्याबाबत काम चालू आहे. मात्र अद्याप त्यादृष्टीने गती आली नाही. कारखाना सुरू होणे ऊस उत्पादकांसाठी अत्यंत महत्वाचे आहे. कारखाना लवकर सुरू व्हावा, अशी मागणी निफाड तालुक्यातील काँग्रेस व शिवसेनेच्या शिष्टमंडळाने कृषिमंत्री दादा भुसे यांच्याकडे केली. 

निवेदनानुसार, गेल्या काही वर्षांपासून जिल्ह्यात चांगला पाऊस पडत आहे. त्यामुळे पाण्याची उपलब्धता झाल्याने ऊस लागवड वाढली आहे. मात्र जिल्ह्यातील एकच साखर कारखाना सुरु आहे. त्यामुळे ऊस विक्रीसाठी अडचणी येत आहे. गेल्या वर्षीच्या उत्पादकांचा ऊस पंधरा महिन्यांचा होऊन देखील तुटला नाही. त्यात नवीन उसाचे क्षेत्र मोठे आहे.  

जिल्हा काँग्रेसचे सरचिटणीस सचिन होळकर यांनी कृषिमंत्री दादा भुसे यांची भेट घेऊन त्यांना निवेदन दिले. किसान काँग्रेसचे स. का. पाटील, शिवसेनेनेचे नेते सुरेश डोखळे, जिल्हाप्रमुख सुनील पाटील, पंडित महाराज कोल्हे आदी उपस्थित होते.

होळकर म्हणाले, ‘‘भविष्यात कारखाना सुरू झाला नाही, तर उसाची विक्री अवघड होईल. सर्व बाबींचा विचार करता रानवड सहकारी साखर कारखाना अत्यंत लवकर सुरू होणे गरजेचे आहे.’’ 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com