`जतमध्ये मूग, उडीद खरेदी केंद्र सुरू करा`

जत तालुक्यात तालुक्यात उडीद खरेदी केंद्र सुरु करावे, अशी मागणी शेतकऱ्यांनी केली.
Start Moog, Urad Shopping Center in Jat`
Start Moog, Urad Shopping Center in Jat`

सांगली :जिल्ह्यात मूग व उडीद हमीभावाने खरेदी करण्यासाठी नोंदणी सुरु केली आहे.  परंतु, जत तालुक्यात सर्वाधिक उडदाचे क्षेत्र आहे. हमीभावाने उडीद विक्री करायची झाल्यास १०० ते १५० किलोमीटरचा पल्ला गाठून सांगली येथे यावे लागते. दरवर्षी खरेदीकेंद्र सुरु करावे, अशी मागणी केली जाते. परंति, आमच्या मागणीकडे कोणीही लक्ष देत नाही. त्यामुळे यंदा तरी जत तालुक्यात हमीभाव खरेदी केंद्र सुरु करणार का? असा प्रश्न उडीद उत्पादकांनी उपस्थित केला. तालुक्यात उडीद खरेदी केंद्र सुरु करावे, अशी मागणी शेतकऱ्यांनी केली.

जिल्ह्यात यंदा उडदाचा १७ हजार ०५८ हेक्टरवर पेरा झाला आहे. यंदा उडीच्या क्षेत्रात वाढ झाली आहे. जत तालुक्यात उन्हाळी पाऊस अपेक्षित झाला. त्यानंतर पिकास उपयुक्त वातावरण मिळाले. यामुळे उडीद पिक चांगले वाढले. तालुक्यात उडदाचे सरासरी क्षेत्र २१५१ हेक्टर असून ६ हजार ५९४ हेक्टरवर पेरा झाला आहे. 

सध्या उडीद हमीभावाने खरेदीसाठी १५ सप्टेंबरपासून नोंदणी सुरु केली आहे. सांगली येथील खरेदी केंद्रात येऊन नोंदणी करणे आवश्यक आहे. सांगलीपासून जत शंभर किलोमीटरवर आहे. नोंदणीसाठी जतहून सांगलीला यायचे. नोंदणी करायची आणि पुन्हा जतला जायचे, यासाठी एक दिवस जातो. त्यातच प्रवासाचा खर्च. त्यानंतर विक्रीसाठी पुन्हा सांगलीला माल घेवून यायचे. त्याचे भाडे हा सर्व खर्च शेतकऱ्यांच्या माथी पडतो. त्यामुळे नाफेडने जत तालुक्यात खरेदी केंद्र सुरु करावे, अशी मागणी होत आहे. परंत, या मागणीकडे लोकप्रतिनिधी आणि शासनाने दुर्लक्ष केले आहे. 

प्रत्येक तालुक्यात हवे केंद्र

कवठेमहांकाळ, तासगाव या तालुक्यात देखील उडदाची पेरणी शेतकरी करतात. सांगलीपासून कवठेमहांकाळ आणि तासगाव तालुके जवळ आहेत. परंतु, गाडीभाडे, शेतातील कामे सोडून विक्रीसाठी यावे लागते. त्यामुळे प्रत्येक तालुक्यात केंद्रे सुरु करावी, अशी शेतकऱ्यांची मागणी आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com