agriculture news in marathi, Start the Silk Kosh Shopping Center at Hirje promptly | Agrowon

हिरजे येथे रेशीम कोष खरेदी केंद्र तातडीने सुरू करा
टीम अॅग्रोवन
गुरुवार, 13 सप्टेंबर 2018

सोलापूर : हिरज (ता. उत्तर सोलापूर) येथे होणाऱ्या रेशीम संशोधन केंद्रात प्रयोगशाळा प्रशिक्षण सुविधा मिळावी, त्याबरोबरच राज्यातील रेशीम उत्पादक शेतकऱ्यांना रेशीम कोष खरेदीची होणारी अडचण दूर करण्याकरिता येथे तत्काळ रेशीम कोष खरेदी केंद्र सुरू करण्याचे आदेश सहकार, पणन व वस्त्रोद्योगमंत्री सुभाष देशमुख यांनी दिले.

सोलापूर : हिरज (ता. उत्तर सोलापूर) येथे होणाऱ्या रेशीम संशोधन केंद्रात प्रयोगशाळा प्रशिक्षण सुविधा मिळावी, त्याबरोबरच राज्यातील रेशीम उत्पादक शेतकऱ्यांना रेशीम कोष खरेदीची होणारी अडचण दूर करण्याकरिता येथे तत्काळ रेशीम कोष खरेदी केंद्र सुरू करण्याचे आदेश सहकार, पणन व वस्त्रोद्योगमंत्री सुभाष देशमुख यांनी दिले.

सोलापूर सिल्क असोसिएशनच्या वतीने सहकारमंत्री देशमुख यांच्या अध्यक्षतेखाली नुकतीच मुंबईत यासंबंधीची आढावा बैठक झाली. त्यात त्यांनी हे आदेश दिले. या वेळी त्यांनी अधिकाऱ्यांशी चर्चा करून प्रकल्पाच्या प्रगतीची माहिती घेतली. सोलापुरात सुतासह चादर व इतर कापड यांचे उत्पादन मोठ्या प्रमाणात होते. रेशीम उत्पादक शेतकरी आणि रेशीम उद्योगाचे प्रश्न सोडवून सोलापूरचा रेशीम ब्रॅंड बनविण्यासाठी प्रयत्न व्हावेत. हिरज येथील नियोजित रेशीम पार्कचा कृती आराखडा बनवून त्यामध्ये संशोधनात्मक प्रयोगशाळा, प्रशिक्षण सुविधा आणि रेशीम कोष खरेदी केंद्र अशा सुविधा देण्याचे या वेळी ठरविण्यात आले. याबाबत सहकारमंत्री देशमुख यांनी पहिल्या टप्प्यात रेशीम कोष खरेदी सुरू करण्याबाबत संबंधित विभागाला त्यांनी आदेश दिले. सोलापूरसह राज्यातील शेतकऱ्यांना रेशीम कोष खरेदी केंद्राअभावी अनेक अडचणी येत आहेत, त्यासाठी आवश्‍यक ते सर्व पर्यायी मार्गाचा विचार केला जाईल, असेही ते म्हणाले.

रेशीम शेती आणि रेशीम कोष खरेदी-विक्री यासंबंधाने विविध विषयांवर या बैठकीत चर्चा करण्यात आली.
शेतकऱ्यांना प्रशिक्षण आणि रेशीम कोष खरेदी केंद्र तत्काळ सुरू केल्यास मोठी सोय होईल; तसेच
स्वतंत्ररित्या ‘सोलापूर रेशीम’ या नावाने ब्रॅंड तयार करण्याच्या कामालाही गती मिळेल, त्यादृष्टीने प्रयत्न व्हावेत, असे रेशीम उत्पादक डॉ. संतोष थिटे यांनी बैठकीत सांगितले, याची दखल घेत वस्त्रोद्योगमंत्री देशमुख यांनी तत्काळ १ कोटी रुपयांचा निधी मंजूर केला. या वेळी रेशीम विभागाचे मुख्य सचिव अतुल पाटणे, विशेष कार्यकारी अधिकारी संतोष पाटील, उमेश देशमुख आदींसह रेशीम उत्पादक शेतकरी उपस्थित होते.

इतर ताज्या घडामोडी
तातडीने पंचनामे पूर्ण करून अहवाल...बुलडाणा : जिल्ह्यात झालेल्या मुसळधार अवकाळी व...
काढणीपश्चात नुकसान टाळण्यासाठी...फळे आणि भाजीपाल्याची टिकवण क्षमता वाढविण्यासाठी...
भात, नागली पिकांचे ११ हजार हेक्टरवर...रत्नागिरी ः क्यार वादळाच्या प्रभावामुळे झालेल्या...
वैयक्तिक कौशल्य विकास प्रशिक्षणाचे...अकोला ः केंद्र शासन पुरस्कृत पंतप्रधान कौशल्य...
नागपूर : रिक्‍त पदांमुळे वाढली कृषी...नागपूर ः मॉन्सूनोत्तर पावसामुळे झालेल्या...
नाशिक : रब्बी हंगामाच्या क्षेत्रात ३०...येसगाव, जि. नाशिक ः दमदार पावसामुळे गाव व परिसरात...
बियाणे कंपन्यांचे हित जपण्यासाठीच...यवतमाळ ः केंद्र सरकार बियाणे अधिनियमात सुधारणा...
सातारा : पंचनाम्याचा फेरा नको; सरसकट...सातारा  ः जिल्ह्यात पावसाने अक्षरश: थैमान...
तीन जिल्ह्यांतील शेतकऱ्यांना तारण...नांदेड  ः  २०१८-१९ या वर्षात शेतीमाल...
भाजप सत्ता स्थापन करणार नाही :...मुंबई  : आम्हाला सरकार स्थापनेसाठी निमंत्रण...
श्रीगोंदे तालुक्यात पिके गेली; पण...श्रीगोंदे, जि. नगर  : श्रीगोंदा तालुक्यात...
परभणी, हिंगोली जिल्ह्यांत ६१४ क्विंटल...नांदेड : नांदेड, परभणी, हिंगोली जिल्ह्यात किंमत...
`ऊस उत्पादकांवरील अन्याय सहन करणार नाही`कोल्हापूर  ः पूरग्रस्त शेतकऱ्यांच्या नुकसान...
गुलटेकडीत फ्लॉवर, वांगी, गाजराच्या दरात...पुणे ः गुलटेकडी येथील कृषी उत्पन्न बाजार...
वनस्पतींच्या संरक्षणामध्ये कार्यरत...वनस्पतीच्या मुळांमध्ये राहत असलेल्या...
‘एसआरटी’द्वारे कमी पाण्यात अधिक उत्पादन...औरंगाबाद : ‘‘ एसआरटी तंत्रज्ञानाद्वारे जमिनीची...
सांगली जिल्ह्यातील दुष्काळी पट्ट्यातील...सांगली : जिल्ह्यात मॉन्सूनोत्तर पाऊस दमदार झाला....
‘स्वाभिमानी’च्या आंदोलनामुळे विम्याचे...सोलापूर : मंगळवेढा तालुक्‍यातील शेतकऱ्यांचे...
सिंचन विहिरींसाठी त्रास झाल्यास करा...यवतमाळ  ः डॉ. बाबासाहेब आंबेडकर कृषी...
अकोला जिल्ह्यात ३.८४ लाख हेक्टरला...अकोला  ः गेल्या महिन्यात झालेल्या सततचा पाऊस...