agriculture news in Marathi state advisory price remain same in Uttar pradesh Maharashtra | Agrowon

उत्तर प्रदेशात ‘एसएपी’त बदल नाही

कोजेन्सिस वृत्तसेवा
मंगळवार, 10 डिसेंबर 2019

वाढत्या उत्पादन खर्चामुळे शेतकऱ्यांनी ‘एसएपी’वाढीची मागणी केली आहे. मात्र, उत्तर प्रदेश सरकारने शेतकऱ्यांच्या मागणीकडे दुर्लक्ष करून उसाचा दर वाढविला नाही.
- प्रियांका गांधी, कॉँग्रेस महासचिव, उत्तर प्रदेश

नवी दिल्ली: उत्तर प्रदेश सरकारने सलग दुसऱ्या वर्षी राज्य निर्धारित मूल्य (एसएपी) स्थिर ठेवले आहे. केंद्र सरकारने २०१९-२० च्या गाळप हंगामात उसाला प्रतिटन २७५० रुपये एफआरपी जाहीर केली आहे. तर, राज्य सरकारने ‘एसएपी’त सलग दुसऱ्या वर्षी कोणाताही बदल न करता सर्वसाधारण जातीसाठी ३१५० रुपये कायम ठेवले आहे, अशी माहिती उत्तर प्रदेश सरकारने जाहीर केलेल्या निवेदनातून मिळाली. 

केंद्र सरकारने २०१९-२० च्या गाळप हंगामासाठी २७५० रुपये एफआरपी जाहीर केली आहे. एफआरपी असा दर आहे जो देशभरातील ऊस उत्पादकांना मिळण्याची शाश्‍वती दिली जाते. एफआरपी कृषी खर्च आणि किंमत आयोगाने (सीएसीपी) केलेल्या शिफारशीवरून केंद्र सरकार ठरवीत असते. केंद्राने एफआरपी जाहीर केल्यानंतर राज्य सरकार यावर ‘एसएपी’ जाहीर करू शकते.

‘एसएपी’ ही नेहमी एफआरपीपेक्षा अधिक असते. उत्तर प्रदेश सरकारने २०१९-२० च्या गाळप हंगामासाठी ‘एसएपी’ जाहीर केली आहे. उसाच्या सर्वसाधारण जातीसाठी प्रतिटन ३१५० रुपये, तर लवकर पक्व होणाऱ्या उसासाठी ३२५० रुपये आणि कमी प्रतीच्या उसाला ३१०० रुपये दर जाहीर करण्यात आला आहे.   

राज्यांतील साखर उद्योगापुढे जेव्हा साखरेचा अतिरिक्त साठा आणि शेतकऱ्यांची थकबाकी अशा अडचणी उभ्या राहिल्यास ‘एसएपी’तील वाढ ही उद्योगासाठी प्रतिकूल ठरते. ‘‘सध्या राज्यातील साखर उद्योगाची आर्थिक स्थिती चांगली नाही. मागील दोन वर्षांपासून साखर उत्पादनात वाढ होत असल्यामुळे अतिरिक्त पुरवठा होऊन दर दबावात आहेत. त्यामुळे कारखान्यांना शेतकऱ्यांची देणी देणे अवघड झाले आहे.

अशा स्थितीत राज्यसरकारने ‘एसएपी’ वाढविल्यास पुढे यावे आणि कारखान्यांना अनुदान, तसेच इतर साह्य द्यावे,’’ असे आवाहन उद्योगातील सूत्रांनी केले.  उत्तर प्रदेशातील साखर कारखान्यांकडे शेतकऱ्यांची मागील गाळप हंगामातील तब्बल तीन हजार कोटींची थकबाकी आहे. 

कारखान्यांची ‘एसएपी’ स्थिर ठेवण्याची मागणी
उत्तर प्रदेशातील साखर कारखाने दराअभावी अडचणीत आले आहेत. मागील हंगामात बाजारात साखरेचा अतिरिक्त पुरवठा झाल्याने दर कमी झाले. परिणामी मागील हंगामातील थकबाकी अनेक कारखान्यांकडे अद्यापही बाकी आहे. त्यामुळे कारखान्यांची आर्थिक स्थिती लक्षात घेता राज्य सरकारने ‘एसएपी’त वाढ करू नये, अशी मागणी उत्तर प्रदेश साखर कारखाना असोसिएशनने केली होती. 

‘एसएपी’ ४ हजार करा ः शेतकरी
शेतकऱ्यांनी ‘एसएपी’ वाढ करण्याची मागणी केली होती. कृषी निविष्ठांचा वाढता खर्च, नैसर्गिक संकटे यामुळे शेतकऱ्यांचे नियोजन कोलमडत आहे. निविष्ठांमध्ये सतत वाढ होत असल्याने उत्पादन खर्च वाढत आहे. त्यामुळे राज्य सरकारने ‘एसएपी’ चार हजार रुपये करावी, अशी मागणी राज्यातील शेतकऱ्यांनी केली होती.  


इतर बातम्या
नगरमध्ये पन्नास हजार क्विंटल मका खरेदी...नगर ः शासनाने बंद केलेली मका खरेदी सुरू केली. नगर...
सांगली बाजार समितीत नव्या हळदीचे सौदेसांगली ः सांगली कृषी उत्पन्न बाजार समितीमध्ये...
पुणे विभागात गहू क्षेत्रात ३६ हजार...पुणे ः गहू पेरणीस पोषक हवामान उशिराने तयार झाले....
संघटित कुक्कुटपालनातून ‘बर्ड फ्लू’चा...नाशिक : विभागात संघटित व शास्त्रीय पद्धतीने...
अण्णांच्या शेतकरी आंदोलनाला चार...नगर ः पीपल्स हेल्पलाइन, भारतीय जनसंसद व ‘मेरे देश...
महाराष्ट्राच्या चित्ररथावर संत...राळेगणसिद्धी, जि. नगर : प्रजासत्ताकदिनी (ता. २६)...
मराठवाड्यातील उपयुक्‍त पाण्यात दोन...औरंगाबाद : मराठवाड्यातील एकूण प्रकल्पांमधील...
जालना जिल्ह्यातील दोन केंद्रांत अडीच...जालना : येथील कृषी उत्पन्न बाजारसमिती व उपबाजार...
पाणीपुरवठ्यापासून एकही गाव वंचित...परभणी ः  ‘‘‘हर घर नल से जल’ योजनेअंतर्गत...
लिंबूवर्गीय फळांच्या आयातीवरील बंधने...२०२१ च्या सुरवातीस ब्रिटनने युरोपीय संघाच्या एकल...
पीकविमा सरसकट द्या; ‘प्रहार जनशक्ती’ची...नांदेड : पीकविमा मंजूर व्हावा म्हणून यापूर्वी...
मनमाडमध्ये शेतकऱ्यांच्या ट्रॅक्टर...नाशिक : मनमाड येथे किसान सभेच्या वतीने ...
नगर जिल्हा बँकेची निवडणूक महाविकास...नगर :  नगर जिल्हा मध्यवर्ती सहकार बॅंकेची...
समन्यायी पाणी वाटप आव्हानात्मक विषय : ...नांदेड : समन्यायी पाणी वाटप हा दिवसेंदिवस अत्यंत...
`मका खरेदीची प्रक्रिया शुक्रवारपर्यंत...नाशिक: ‘‘मका खरेदीसाठी शासनाने ३२ जानेवारी पर्यंत...
तीन हजार महिलांना देणार रोजगार : विजय...चंद्रपूर : ‘जिच्या हाती पाळण्याची दोरी, ती जगाला...
पत्र्या ठोकण्याची वेळ आणू नका : राजू...सांगली : केंद्र सरकार कृषी कायदे शेतकऱ्यांवर...
मका खरेदीचे कमी उद्दिष्ट, शेतकऱ्यांसमोर...बुलडाणा : मका खरेदीसाठी शासनाने नवे उद्दिष्ट देऊन...
मागील वर्ष ठरले आजवरचे सर्वाधिक उष्णपुणे : कोरोनाचे संकट, बर्ड फ्लूची साथ आणि शेतकरी...
सांगलीत यंदा चारा टंचाई भासणार नाहीसांगली ः गेल्या वर्षी जिल्ह्यातील दुष्काळी...